રાષ્ટ્રીય રાજધાની દિલ્હીમાં આયોજિત જમીયત ઉલમા-એ-હિંદ (મદાની જૂથ) ના વાર્ષિક સામાન્ય સત્રમાં JUH પ્રમુખ મહમૂદ મદનીએ દેશમાં કથિત ઇસ્લામોફોબિયા અને ધાર્મિક પૂર્વગ્રહના મુદ્દા ઉઠાવ્યા. તેમણે કહ્યું કે ભારત એટલું જ તેમનું છે જેટલું તે વડાપ્રધાન નરેન્દ્ર મોદી અને આરએસએસના વડા મોહન ભાગવતનું છે. આ દેશ જેટલો નરેન્દ્ર મોદી અને મોહન ભાગવતનો છે તેટલો જ મહમૂદનો પણ છે. ન તો મહમૂદ તેમનાથી એક ઈંચ આગળ છે અને ન તો તેઓ મહમૂદથી એક ઈંચ આગળ છે. આ ભૂમિની વિશેષતા તે છે. 
ઈસ્લામ આ દેશનો ધર્મ છે
આગળ વાત કરતા મહમૂદ મદનીએ કહ્યુ કે અહીં ઇસ્લામના પ્રથમ પયગંબરનું અવતરણ થયું હતું. આ ભૂમિ ઇસ્લામનું જન્મસ્થળ છે અને મુસલમાનોનું પ્રથમ વતન છે. તેથી ઇસ્લામ એ ધર્મ છે જે બહારથી આવ્યો છે તે કહેવું તદ્દન ખોટું અને ઐતિહાસિક રીતે પાયાવિહોણું છે.” “ઈસ્લામ આ દેશનો ધર્મ છે અને તે તમામ ધર્મોમાં સૌથી જૂનો ધર્મ પણ છે. મુહમ્મદ, ઇસ્લામના છેલ્લા પયગંબર એ જ ધર્મને પૂરો કરવા આવ્યા હતા જે ભારતમાં વિકસ્યો હતો… તેથી મને એવું કહેવામાં કોઈ વાંધો નથી કે હિન્દી મુસ્લિમો માટે ભારત શ્રેષ્ઠ સ્થળ છે જેમ વ્યક્તિનું ઘર રહેવા માટે શ્રેષ્ઠ છે. કેમ કે, તે ગમે તેટલું જર્જરિત હોય.”
મુસ્લિમો માટે ભારત શ્રેષ્ઠ સ્થળ છે
તેના ઠરાવમાં JUH એ મુસ્લિમ મતદારોને નોંધણી કરાવવા વિનંતી કરી અને તેમના જિલ્લા અને રાજ્ય કોષોને મુસ્લિમ સમુદાયમાં નોંધણી અને મતદાનના મહત્વ પર સક્રિયપણે દેખરેખ રાખવા અને મદદ કરવા જણાવ્યું. પરંતુ જાગૃતિ લાવવાનો નિર્દેશ આપ્યો. મુસ્લિમોને તેમના મતના અધિકારનો ઉપયોગ કરવા વિનંતી કરતા JUH ઠરાવમાં જણાવ્યું હતું કે કોઈપણ લોકશાહી સમાજમાં મતની શક્તિને ઓળખવી મહત્વપૂર્ણ છે. એવા દાખલા છે કે જ્યાં માત્ર એક મતના આધારે સરકાર બની અને બીજી સરકાર પડી.
‘આપણે દરેક મતની કિંમત સમજવી જોઈએ’
મહમૂદ મદનીએ કહ્યુ કે આપણે એક મતનું મૂલ્ય સમજવું જોઈએ અને ઓળખવું જોઈએ કે માત્ર એક મત સમગ્ર ચૂંટણી પ્રક્રિયાનું સંતુલન બનાવી શકે છે અથવા તોડી શકે છે. આ ઉપરાંત પ્રસ્તાવમાં મુસ્લિમોમાં મતદાનના મહત્વ અંગે જાગૃતિ અભિયાન 18 વર્ષથી વધુ વયના મતદારોની નોંધણી મતદાતાઓ અન્ય મતદાન મથકે જાય તો તેમની નોંધણી, મતદાતા મતદાન મથક સુધી પહોંચે તેની ખાતરી કરવાનો સમાવેશ થાય છે.
આપણો દેશ નફરત અને ધાર્મિક પૂર્વગ્રહથી પ્રભાવિત છે
જો કે, એ પણ સ્પષ્ટપણે જણાવ્યું છે કે JUH કોઈપણ રાજકીય પક્ષને સમર્થન કે વિરોધ કરતું નથી. આ ઉપરાંત JUH ઠરાવમાં મદરેસાઓમાં સરકારની દખલગીરીનો મુદ્દો પણ ઉઠાવવામાં આવ્યો હતો જેણે તેમને તાત્કાલિક બંધ કરવાની હાકલ કરી હતી. આ ઉપરાંત દેશભરની મદરેસાઓને તેમના અભ્યાસક્રમમાં ધાર્મિક ઉપદેશો ઉપરાંત આધુનિક શિક્ષણનો સમાવેશ કરવા વિનંતી કરવામાં આવી હતી. તેમણે વધુમાં કહ્યું કે આજે આપણો દેશ નફરત અને ધાર્મિક પૂર્વગ્રહના પ્રભાવ હેઠળ છે.
15 તારીખ અને આ 3 રાશિના લોકોને ગુલાબી ગુલાબી નોટો જ છાપશે, જે પત્તુ નાખશે સમજો એક્કો જ સાબિત થશે
પૈસાનો જ વાંધો છે ને? તો થોડો સમય ખમી જાઓ, નવરાતમાં તમારે ઘરે સામે ચાલીને આવશે માતા લક્ષ્મી
તુર્કી ભૂકંપને લઈ ભારત માટે આવ્યા સૌથી ખરાબ સમાચાર, વાંચીને તમારી આંખોનો ખુણો પણ પલળી જશે!
આ સાથે હાલની સ્થિર્તિ અંગે વાત કરતા તેમણે જણાવ્યુ કે યુવાનોને રચનાત્મક કાર્યમાં જોડવાને બદલે તેઓનો વિનાશના સાધન તરીકે ઉપયોગ કરવામાં આવી રહ્યો છે. તદુપરાંત, મીડિયા આ શક્તિઓનું સૌથી મોટું સાથી બની ગયું છે જે ઉશ્કેરણી અને નફરત ફેલાવે છે. દેશની સર્વોચ્ચ અદાલતની ચેતવણી છતાં ઈસ્લામ, ઈસ્લામિક સભ્યતા અને સંસ્કૃતિ અને ખાસ કરીને ઈસ્લામના પયગમ્બર વિરુદ્ધ પાયાવિહોણા પ્રચારનું અભિયાન પૂરજોશમાં ચાલી રહ્યું છે. આવા તત્વોને ઉશ્કેરવામાં આવે છે અને નફરત ફેલાવવા દેવામાં આવે છે.