રસ્તા ઉપર હરતુ-ફરતુ ગાર્ડન ! અસહ્ય ગરમીથી બચવા ડ્રાઈવરે રિક્ષા ઉપર જ ફુલ-છોડ વાવ્યા, દેશભરમાં થઈ વાહ..વાહ..

Lok Patrika
By Lok Patrika
Share this Article

કાળઝાળ ગરમી વચ્ચે દિલ્હીના ઓટો ચાલકે રીક્ષાની છત ઉપર ૨૫ પ્રકારના ફૂલ અને છોડ ઉગાડયા છે. તેનું માનવું છે કે છત પર ગ્રીન આવરણથી રીક્ષામાં ગરમી ઓછી લાગે છે. રીક્ષામાં મુસાફરી કરતા પેસેન્જરને પણ રાહત મળે છે. આ યુનિક આઇડિયાએ લોકોનું ધ્યાન ખેંચ્યું છે અને સોશિયલ મીડિયામાં ફોટા પોસ્ટ કરવામાં આવી રહયા છે. આ રીક્ષાચાલકનું નામ મહેન્દ્ર હોવાનું જાણવા મળે છે.

મીડિયા સાથે વાત કરતા રીક્ષાચાલકે જણાવ્યું કે વધતી જતી ગરમીના લીધે રીક્ષા ચલાવવી મુશ્કેલ બનતી હતી. છેલ્લા બે વર્ષથી રીક્ષાની છત પર કુદરતી રીતે જ ઠંડક રહે તે માટે ફૂલ-છોડ ઉગાડવાનો વિચાર આવ્યો હતો. તેનો આ વર્ષે અમલ કર્યો છે. દિલ્હીમાં અત્યારે ૪૫ ડિગ્રી જેટલી ગરમી પડી રહી છે ત્યારે રીક્ષામાં બેસનારા ગ્રાહકો પણ ગરમી ઓછી લાગવાથી ખૂશ રહે છે.

રીક્ષાની છત પર એક ચટ્ટાઇ પાથરીને માટી ભેળવીને છોડ વાવ્યા છે જેમાં ટમાટા અને પાલક વગેરેનો સમાવેશ થાય છે. રીક્ષા ગતિ પકડે ત્યારે ફૂલ-છોડ પણ પવનની ગતિ સાથે ડોલતા રહે છે પરંતુ તુટી ના જાય તેની રીક્ષા ચાલક કાળજી રાખે છે. રીક્ષાની ટ્રીપ પુરી થાય ત્યારે પણ ફૂલ-છોડનું જતન કરવાનું ચુકતા નથી.

કેટલાક મુસાફરો તો આ યુનિક રીક્ષાની સેલ્ફી પણ લે છે. એટલું જ નહી રીક્ષામાં બે નાના કુલર અને પંખા પણ લગાવ્યા છે. લોકો આ રીક્ષાચાલકની કોઠાસૂઝ અને પ્રવાસીઓની કાળજી લેવાના અભિગમના વખાણ કરી રહયા છે. દિલ્હીમાં ૪ લાખથી વધુ રીક્ષાઓ છે જેમાં હરતા ફરતા ગાર્ડનવાળી આ રીક્ષા સૌનું ધ્યાન ખેંચી રહી છે.


Share this Article
Posted by Lok Patrika
Follow:
Lok Patrika is the fastest-growing Daily Gujarati news Paper and Gujarati News in Gujarat since 2010. Flagship Brand Lok Patrika, which bring its dedicated readers the most reliable, authentic and unbiased news among every Gujarati news site. It provides more diverse multimedia content than other linguistic sites. Its dedicated online editorial team delivers exclusive and comprehensive content every day. Besides this, numerous numbers of news from the broad network of Lok Patrika Newspapers are available to the Gujarati speaking people who live globally. Our site is updated 24 hours a day so that every core event can reach our readers instantly