દક્ષિણપંથી ગ્રુપ્સના સભ્યો અને ધર્મ જાગરણ સમન્વય સંઘના સભ્યોએ શુક્રવારે આગરાના સિકંદરા વિસ્તારમાં સાજીદ (હિંદુ યુવતી જેની સાથે ભાગી ગઈ તે યુવાન) અને તેના સંબંધીઓના ઘરોમાં કથિત રીતે આગ લગાવી દીધી હતી. મહત્વનું છે કે યુવતી આ યુવક સાથે ચાર દિવસ પહેલા તેની સાથે ભાગી ગઈ હતી. આ ઘટના બાદ કેટલાક સ્થાનિકોએ શુક્રવારે “પંચાયત” યોજી હતી અને તરત જ ત્રણ ઘરો – સાજિદનું, તેના ભાઈ મુજાહિદનું ઘર અને કાકા રઈસના ઘરમાં ટોળાએ આગ લગાવી દીધી હતી.
દક્ષિણપંથી સંગઠનના સભ્યો સાજિદ (૨૬) નામના જિમ માલિકની ધરપકડની માંગ કરી રહ્યા હતા, જેના પર ૨૨ વર્ષની પોસ્ટ-ગ્રેજ્યુએટ સાયન્સ સ્ટુડન્ટ યુવતીના “અપહરણ” કરવાનો આરોપ આ દક્ષિણપંથી ગ્રુપ્સ મૂકી રહ્યા હતા. ઘટનાના વિરોધમાં સ્થાનિક રુનકતા માર્કેટમાં દુકાનોના શટર પાડી દીધા હતા. આ યુવતીએ ૧૨ એપ્રિલના રોજ દિલ્હીના આર્ય સમાજ મંદિરમાં સાજિદ સાથે લગ્ન કર્યા હોવાની ઘટના સામે આવી છે.
યુવતીએ લગ્ન કરી લીધા પછી તરત જ ચાર વીડિયો પણ રેકોર્ડ કર્યા હતા જે હવે વાયરલ થયા હતા. આવા જ એક વીડિયોમાં તે કથિત રીતે કહેતી સંભળાય છે, “અમે પુખ્ત છીએ. અમે અમારી મરજીથી સાથે આવ્યા અને લગ્ન કર્યા છે. મહેરબાની કરીને અમારા કારણે અમારા પરિવારના સભ્યોને તકલીફ ન આપો. હું કોર્ટમાં આવીને મારું નિવેદન નોંધીશ. અન્ય ક્લિપમાં, યુવતીએ કહ્યું કે “તેના માતા-પિતા ઇચ્છે છે કે તે સાજિદ પર ખોટા આરોપો મૂકે”.
c. સાજીદ દ્વારા દાખલ કરાયેલ એફિડેવિટ મુજબ તેણે કહ્યું હતું કે “પોતે કોઈપણ દબાણ અથવા કોઈપણ જાતના ખોટા પ્રભાવ વિના પોતાની સ્વતંત્ર ઇચ્છા પર ધર્માંતરણ કરી રહ્યો છે. ૧૨ એપ્રિલથી, હું મારા નવા નામ સાહિલથી ઓળખાઈશ. તેમ એફિડેવિટમાં જણાવ્યું હતું. એટલું જ નહીં સાજીદે પ્રમાણપત્ર મુજબ આર્ય સમાજમાં “શુધિકરણ” વિધિ પણ કરી હતી.
એસએસપી સુધીર કુમાર સિંહે કહ્યું, ધરમ જાગરણ સમન્વય સંઘના સભ્યોએ સાજિદ અને તેના સંબંધીઓના ઘરોને આગ લગાવી ભાગી ગયા હતા. જાેકે હવે પરિસ્થિતિ કાબૂમાં છે અને વિસ્તારમાં પોલીસ દળ તૈનાત કરવામાં આવ્યા છે.” તેમણે ઉમેર્યું હતું કે “બંને વ્યક્તિઓ પુખ્ત છે અને ભાગી ગયેલી મહિલાને અમારા દ્વારા રેસ્ક્યુ કરી લેવામાં આવી છે.
યુવતીને તબીબી તપાસ બાદ નારી નિકેતન મોકલવામાં આવી છે, આ ઉપરાતં તેમણે કહ્યું, વિસ્તારના ચોકી પ્રભારીને સસ્પેન્ડ કરવામાં આવ્યો છે જ્યારે સિકંદરાના એસએચઓ સામે પણ સમગ્ર મામલે ઢીલાશ વર્તવામાં તપાસ શરં કરવામાં આવી છે. ત્રણ ઘરોને સળગાવી નાખવા બદલ પોલીસ દ્વારા આઈપીસી હેઠળ રૂનક્ત ગામના પ્રધાન અને એક જિલ્લા પંચાયત સભ્ય સહિત ૨૧ ઓળખાયેલા લોકો અને ૧૦૦ થી વધુ અજાણ્યા લોકો સામે એફઆઈઆર નોંધવામાં આવી છે. નવ લોકોની ધરપકડ કરીને જ્યુડિશિયલ કસ્ટડીમાં મોકલી દેવામાં આવ્યા છે.