Business news : સલાડ પ્લેટ હોય કે શાકભાજી, ટામેટાંની હાજરી સ્વાદમાં વધારો કરે છે, પરંતુ આજકાલ ટામેટા (Tomato) ખરીદવાથી લોકોના ખિસ્સા પર ભારે પડી રહ્યું છે. દેશની રાજધાનીમાં ટામેટાના ભાવ ફરી એકવાર આસમાને પહોંચી રહ્યા છે. મધર ડેરીએ (Mother Dairy) બુધવારે તેના સફલ રિટેલ આઉટલેટ્સ પર ટામેટાં ૨૫૯ રૂપિયા પ્રતિ કિલોના ભાવે વેચ્યા હતા.
ટામેટાના મોટા ઉત્પાદક વિસ્તારોમાં ભારે વરસાદને કારણે પુરવઠો ખોરવાઈ જવાને કારણે ટામેટાના ભાવમાં એક મહિનાથી વધારો કરવામાં આવ્યો છે. કેન્દ્ર સરકારે પરિસ્થિતિને ધ્યાનમાં રાખીને ૧૪ જુલાઈથી સબસિડીવાળા દરે ટામેટાં વેચવાનું શરૂ કર્યું હતું. રાષ્ટ્રીય રાજધાનીમાં રિટેલ કિંમતોમાં તાજેતરમાં ઘટાડો થવાનું શરૂ થયું હતું, પરંતુ પુરવઠો ઓછો હોવાને કારણે તે બાઉન્સ બેક થયો છે.
બુધવારે ટામેટાનો છૂટક ભાવ ૨૦૩ રૂપિયા પ્રતિ કિલોએ પહોંચી ગયો હતો.
ગ્રાહક બાબતોના મંત્રાલયના આંકડા મુજબ બુધવારે ટામેટાની છૂટક કિંમત 203 રૂપિયા પ્રતિ કિલોએ પહોંચી ગઈ હતી, જ્યારે મધર ડેરીના સફલ રિટેલ આઉટલેટ્સ પર તેની કિંમત 259 રૂપિયા પ્રતિ કિલો હતી.
આઝાદપુર મંડીમાં ટામેટાંનું આગમન ખૂબ જ ઓછું છે
“ખરાબ હવામાનને કારણે છેલ્લા બે મહિનાથી દેશભરમાં ટામેટાના પુરવઠાને અસર થઈ છે. છેલ્લા બે દિવસમાં આઝાદપુર મંડીમાં (Azadpur Mandi) ટામેટાંનું આગમન નોંધપાત્ર રીતે ઘટ્યું છે. પુરવઠો ઓછો હોવાને કારણે જથ્થાબંધ ભાવમાં ઝડપથી વધારો થયો છે, જેની અસર રિટેલ કિંમતો પર પણ પડી છે.
આઝાદપુરમાં ટામેટાંના જથ્થાબંધ ભાવ 170-220 રૂપિયા પ્રતિ કિલો છે.
એશિયાના સૌથી મોટા ફળો અને શાકભાજીના જથ્થાબંધ બજાર આઝાદપુરમાં ટામેટાંના જથ્થાબંધ ભાવ ગુણવત્તાના આધારે બુધવારે 170-220 રૂપિયા પ્રતિ કિલો રહ્યા હતા.
એકસાથે 429 બેન્ક કર્મચારીઓને દગો આપવાના કેસમાં કંઈ રીતે ફસાઈ ગઈ સાંસદ અને અભિનેત્રી નુસરત જહાં? જાણો અહીં વિગતે
એક સોશિયલ મીડિયા પોસ્ટ અને બધો ખુલાસો થઈ ગયો, નુંહ હિંસાનો જિમ્મેદાર કોણ છે એ વિશે ખબર પડી ગઈ
આંતકીઓ પણ રાહ જોઇને જ બેઠા, મુંબઇમાં 26/11 કરતા પણ મોટો હુમલો કરવાની ફિરાકમાં, માહિતી મળતાં જ ભાંડો ફૂટી ગયો
આગામી 10 દિવસમાં સ્થિતિમાં સુધારો થવાની આશા છે.
આઝાદપુર ટોમેટો એસોસિએશનના પ્રમુખ અશોક કૌશિકે જણાવ્યું હતું કે, “છેલ્લા ત્રણ દિવસમાં ટામેટાંનું આગમન ઘટ્યું છે કારણ કે ભારે વરસાદને કારણે ઉત્પાદક વિસ્તારોમાં પાકને નુકસાન થયું છે.” કર્ણાટક અને આંધ્રપ્રદેશથી માત્ર ૬ નાની ટ્રક જ સપ્લાય કરવામાં આવી હતી. આનાથી કિંમતોમાં પણ વધારો થયો. કૌશિકે જણાવ્યું હતું કે, આગામી ૧૦ દિવસમાં સપ્લાયની સ્થિતિમાં સુધારો થવાની ધારણા છે.