મણિપુરમાં મહિલાઓની નગ્ન પરેડ અને યૌન શોષણના મામલામાં પોલીસે મોટી કાર્યવાહી કરી છે. ટોળામાં સામેલ મુખ્ય આરોપીને શોધી કાઢવામાં આવ્યો છે. પોલીસે પેચી અવાંગ લીકાઈના રહેવાસી 32 વર્ષીય હુઈરેમ હેરોદાસ મીતેઈની ધરપકડ કરી હતી. સમાચાર એજન્સી ANIએ આરોપીની બે તસવીરો શેર કરી છે. પ્રથમ તસ્વીર એ વિડીયોનો સ્ક્રીનશોટ છે જે મહિલાને ઉપાડી જતી વખતે સામે આવ્યો હતો જ્યારે બીજી તસ્વીરમાં આરોપી પોલીસ કસ્ટડીમાં છે. મણિપુરના એક પોલીસ અધિકારીએ નામ ન આપવાની શરતે હિન્દુસ્તાન ટાઈમ્સને જણાવ્યું કે આ કેસ સંબંધિત એફઆઈઆરમાં બળાત્કાર અને હત્યાની કલમો ઉમેરવામાં આવી છે. આગામી દિવસોમાં વધુ ધરપકડો પણ કરવામાં આવશે. તમને જણાવી દઈએ કે, 4 મેના રોજ સોશિયલ મીડિયા પર એક વીડિયો વાયરલ થયો હતો, જેમાં કુકી સમુદાયની એક મહિલાને નગ્ન કરીને શારીરિક હુમલો કરવામાં આવ્યો હતો. લગભગ 800 થી એક હજાર લોકોના ટોળા દ્વારા આ ઘટનાને અંજામ આપવામાં આવ્યો હતો. બી ફેનોમ ગામમાંથી આ વીડિયો સામે આવ્યા બાદ દેશભરમાં ભારે હોબાળો થયો હતો.
Manipur | The main culprit who was wearing a green t-shirt and seen holding the woman was arrested today morning in an operation after proper identification. His name is Huirem Herodas Meitei (32 years) of Pechi Awang Leikai: Govt Sources
(Pic 1: Screengrab from viral video, Pic… pic.twitter.com/e5NJeg0Y2I
— ANI (@ANI) July 20, 2023
ગામ પર હુમલો કરવામાં આવ્યો
એફઆઈઆર મુજબ પાંચ જણનો પરિવાર ટોળાથી બચવા માટે જંગલમાં ભાગી ગયો હતો. ટોળા દ્વારા આખા ગામ પર હુમલો કરવામાં આવ્યો હતો. લૂંટફાટ કરવામાં આવી હતી અને ઘરોને આગ લગાડવામાં આવી હતી. બાદમાં પોલીસે આ પરિવારને બચાવી લીધો હતો. પોલીસ તમામ પીડિતોને સલામત સ્થળે લઈ જઈ રહી હતી પરંતુ ટોળાએ તેમને શોધી કાઢ્યા હતા.
એક વીડિયો અને મણિપુરના નફ્ફટો બગડ્યાં, મહિલાઓને નગ્ન કરીને પરેડ કરાવી, જાણો અસલી કારણ
28 કિલો સોનું, 1250 કિલો ચાંદી અને હજારો સાડીઓ; જાહો જહાલીમાં આ અભિનેત્રીનો કોઈ જવાબ નથી
મારપીટ, ગાળો અને બેફામ ટોર્ચર…. SDM જ્યોતિ મૌર્યની જેઠાણી પણ પતિથી અલગ થઈ ગઈ
આરોપી મહિલાઓને પોલીસના કબજામાંથી લઈ ગયો હતો
નોંગપોક સેકમાઈ પોલીસ સ્ટેશનથી બે કિલોમીટર દૂર તુબુલ નજીક ટોળાએ પરિવારને ઘેરી લીધો અને તેમને પોલીસ કસ્ટડીમાંથી દૂર લઈ ગયા. જેમાં 56 વર્ષીય વ્યક્તિનું ઘટનાસ્થળે જ મોત થયું હતું. આ પછી ટોળાએ ત્રણ મહિલાઓ પર હુમલો કર્યો. તેમના કપડા ઉતારવામાં આવ્યા અને પછી નગ્ન પરેડ કરવામાં આવી. ટોળા દ્વારા 21 વર્ષીય મહિલા પર કથિત રીતે સામૂહિક બળાત્કાર કરવામાં આવ્યો હતો.