ભાવનગ જિલ્લાના મહુવા તાલુકાના લોંગિયા અને કસાણ ગામ વચ્ચે આવેલા કોઝવેના ધસમસતા પાણીમાં કાર તણાઈ ગઈ હતી. ગુંદરણ-ભગુડા જવા માટેના રસ્તે એક કોઝવે આવેલો છે. ત્યારે કસાણ ગામની પાસે બનાવેલા આ કોઝવેમાં ઉપરવાસમાં પડેલા ભારે વરસાદને કારણે ઘોડાપૂર આવ્યું હતું.
સ્થાનિક માણસો કોઝવે પર કોઈને અવરજવર નહોતા કરવા દેતા. પરંતુ એક કારના ડ્રાઇવરે કોઝવે પર કાર હંકારી નાંખી હતી. આ કારમાં છ જેટલા લોકો સવાર હતા. કાર પાણીના પ્રવાહમાં નાંખતા જ થોડીવારમાં તણાવવા લાગી હતી અને બાદમાં કાર પાણીમાં પલટી ખાઈ ગઈ હતી. જેના લીધે છ વ્યક્તિના જીવ તાળવે ચોંટી ગયા હતા.
ત્યારે ત્યાં જ બાજુમાં ઉભેલા વિશાલ ડોડીયા નામના આર્મીના જવાને પોતાનો જીવ જોખમમાં નાંખી ધસમસતા પાણીના પ્રવાહમાં છલાંગ મારી કારની અંદર બેઠેલા 6એ 6 વ્યક્તિઓને બચાવી લીધા હતા.
આ પણ વાંચોઃ
ત્યારબાદ મહુવા પ્રાંત અધિકારી તેમજ પોલીસ ડિપાર્ટમેન્ટને જાણ કરી ત્યારબાદ 108ને બોલાવી તમામ વ્યક્તિઓને સારવાર માટે મહુવાની હોસ્પિટલમાં ખસેડવામાં આવ્યા હતા.