સરકારના 99 અધિકારીને 9 લાખનો દંડ કરાયો હોવાના સમાચાર ભારે ચર્ચામાં આવ્યા છે. સામાન્ય રીતે નાગરિકોને જ્યારે સરકાર પાસેથી જાણકારી મેળવવી હોય ત્યારે માહિતી અધિકારના કાયદા એટલે કે RTI નો ઉપયોગ કરતા હોય છે. પરંતુ ઘણી વખત એવું બને છે કે સરકારી અધિકારીઓ દ્વારા પૂરતી માહિતી પૂરી પાડવામાં આવતી નથી અને તેઓ પોતાની ફરજ ચૂકે છે, આળસુ થઈ જાય છે. એવામાં છેલ્લા બે વર્ષમાં આવા અધિકારીઓ સામે ફરિયાદ કર્યા પછી 99 અધિકારીઓને માહિતી ન આપવા બદલ 2 હજારથી લઈને 25 હજારનો દંડ પણ ફટકારવાની કાર્યવાહી કરવામાં આવી છે.
હાલમાં સામે આવતી માહિતી પ્રમાણે આ 99 અધિકારીઓ પાસેથી કુલ દંડની રકમ 8.90 લાખ રૂપિયા વસૂલવામાં આવી છે. જે વાત હવે કોઈથી છુપી રહી નથી અને જનતા પણ ખુશીનો માહોલ છે કે હવે આ દંડ બાદ કદાચ સરકારના અધિકારીઓ સુધરી જાય અને લોકોના પ્રશ્નોના સરખા જવાબ આપે. ગુજરાત માહિતી આયોગને વર્ષ 2021-22 દરમિયાન 6833 અપિલ અને 936 ફરિયાદ સાથે કુલ 7769 અરજીઓ મળી હોવાનું સામે આવ્યું છે.
જો વાત કરીએ વર્ષ 2020-21ની તો એમાં 6830 માટે અપીલ-ફરિયાદ મળી છે. આયોગને મળેલી અરજીઓ પૈકી 7435 અપીલ-ફરિયાદનો ચુકાદો આપ્યો છે જ્યારે 334 અરજીઓનો નિકાલ બાકી છે. ત્યારે હવે આ જેની જેની આળસના લીધે જવાબો નહોતા મળ્યા એવા 99 અધિકારીઓને રડાર પર લઈને સરકારે કાર્યવાહી કરી છે.