અદાણી-હિંડનબર્ગ કેસમાં મોટી કાર્યવાહી કરતા સુપ્રીમ કોર્ટે 6 સભ્યોની કમિટીની રચના કરી છે. પૂર્વ જસ્ટિસ એએમ સપ્રે સમિતિના અધ્યક્ષ રહેશે. કોર્ટે સેબીને આ મામલે ગેરરીતિઓની તપાસ કરવાનો આદેશ પણ આપ્યો છે. કોર્ટે સેબીને 2 મહિનાની અંદર રિપોર્ટ રજૂ કરવા કહ્યું છે. નોંધપાત્ર રીતે, 17 ફેબ્રુઆરીએ સુનાવણી દરમિયાન, સુપ્રીમ કોર્ટે કહ્યું હતું કે તે હિંડનબર્ગ રિપોર્ટની તપાસ માટે રચવામાં આવનાર સમિતિમાં સમાવેશ માટે કેન્દ્ર દ્વારા સૂચિત નિષ્ણાતોના નામોને સીલબંધ કવરમાં સ્વીકારશે નહીં.
સુપ્રીમ કોર્ટના 6 સભ્યોની સમિતિના સભ્યો
ભૂતપૂર્વ ન્યાયાધીશ અભય મનોહર સપ્રે (ચેરમેન)
ઓ.પી.ભટ્ટ
જસ્ટિસ જેપી દેવદત્ત
કે વી કામથ
નંદન નિલેકણી
સોમસેકરન સુંદરેસન
સર્વોચ્ચ અદાલતે સેબીને તમામ જરૂરી દસ્તાવેજો સમિતિને સોંપવા જણાવ્યું છે. કોર્ટે કમિટીને અદાણી કેસની તપાસ કરવા કહ્યું છે. આ સિવાય આવા મામલાઓનો સામનો કરવા માટે મજબૂત માળખું આપવા જણાવ્યું હતું. કોર્ટે સમિતિને આવા મામલાઓનો સામનો કરવા માટે મજબૂત કાયદાકીય પગલાં સૂચવવા પણ કહ્યું છે.
ચીફ જસ્ટિસ ડીવાય ચંદ્રચુડની બેંચે છેલ્લી સુનાવણીમાં કહ્યું હતું કે સરકાર દ્વારા મોકલવામાં આવેલા નામોને કોર્ટ સ્વીકારશે નહીં. કોર્ટે કહ્યું હતું કે તે આ મામલે પારદર્શિતા જાળવી રાખશે. કોર્ટે કહ્યું હતું કે જો તે સરકાર દ્વારા સૂચવેલા નામો લેશે તો તેની નિષ્પક્ષતા પર શંકા જશે. એટલા માટે સુપ્રીમ કોર્ટ પોતે જ કમિટીની રચના કરશે.
ભારતીય શેરબજારમાં અદાણી ગ્રૂપના શેરમાં છેલ્લા ઘણા દિવસોથી સતત ઘટાડા બાદ મંગળવારે રિકવરી જોવા મળી હતી. આજે બુધવારે બપોરે 2 વાગ્યાની આસપાસ શેરબજારમાં અદાણી ગ્રુપના શેર 1500 રૂપિયા પ્રતિ શેરથી વધુના ભાવે ટ્રેડ થતા જોવા મળ્યા હતા. અદાણી ગ્રૂપના શેર એટલા ઝડપથી વધ્યા કે અદાણીએ એક જ દિવસમાં લગભગ રૂ. 3,30,32,32,00,000ની કમાણી કરી. જ્યારે એલન મસ્ક પણ એક દિવસમાં આટલા પૈસા કમાઈ શક્યા નથી. અદાણી ગ્રૂપની આ સ્થિતિ જોઈને લાગે છે કે હવે અદાણી ગ્રૂપ ધીમે ધીમે હિંડનબર્ગની સુનામીમાંથી બહાર આવી રહ્યું છે.
ગરમીએ આ વખતે 146 વર્ષનો રેકોર્ડ તોડી નાખ્યો, હજુ પણ તાપમાન વધવામાં જ છે… જાણો શું છે મોટો ખતરો?
તમને જણાવી દઈએ કે અદાણી ગ્રુપને લઈને અમેરિકન રિસર્ચ ફર્મ હિંડનબર્ગ દ્વારા જાહેર કરવામાં આવેલા નેગેટિવ રિપોર્ટ બાદ શેરબજારમાં હલચલ મચી ગઈ હતી. અદાણી શેર્સમાં જબરદસ્ત ઘટાડો જોવા મળ્યો હતો. અદાણી ગ્રુપના શેરમાં 80 થી 85 ટકાનો ઘટાડો થયો હતો. અદાણીના શેરમાં ઘટાડાને કારણે તેમની કંપનીનું માર્કેટ કેપ ઘટીને $140 બિલિયન થઈ ગયું હતું, પરંતુ હવે અદાણીના શેર ફરી વધવા લાગ્યા છે. હિંડનબર્ગની સુનામીમાં ડૂબેલો અદાણી હવે ફરી આગળ વધી રહ્યો છે.