આ નેતાની જિંદગી કંઈ પલ્લે પડે એવી ન લાગી, કરોડોની પ્રોપર્ટી તો વળી માથે છે લાખોનું કર્જ, કાર તો નામે ઠામે એકેય નથી

ઉત્તર પ્રદેશના પૂર્વ મુખ્યમંત્રી અખિલેશ યાદવે યુપી વિધાનસભા ચૂંટણી માટે મૈનપુરીની કરહાલ બેઠક પરથી ઉમેદવારી નોંધાવી છે. તેમણે પોતાના સોગંદનામામાં તેની અને તેની પત્નીની નેટવર્થની વિગતો આપી છે. તમને જાણીને નવાઈ લાગશે કે અખિલેશ યાદવ અને તેમની પત્નીના નામે એક પણ કાર નથી.

ચાલો જાણીએ અખિલેશ યાદવ અને તેમની પત્ની ડિમ્પલ યાદવ પાસે કેટલી સંપત્તિ છે. અખિલેશ યાદવ અને તેમની પત્ની ડિમ્પલ યાદવ પાસે કોઈ કાર નથી. જ્યારે અખિલેશ યાદવ અને ડિમ્પલ યાદવ પાસે 40.02 કરોડની સંપત્તિ છે. અખિલેશ યાદવના બેંક ખાતામાં 8.43 કરોડ રૂપિયા જમા છે. અખિલેશ પાસે 8.43 કરોડ રૂપિયા અને ડિમ્પલ પાસે 4.76 કરોડ રૂપિયાની જંગમ સંપત્તિ છે.

બીજી તરફ અખિલેશ યાદવ પાસે 17.22 કરોડ રૂપિયા અને ડિમ્પલ યાદવ પાસે 9.61 કરોડ રૂપિયાની સ્થાવર સંપત્તિ છે. બંને પાસે 17.93 એકર જમીન પણ છે. અખિલેશ યાદવે પોતાના સોગંદનામામાં જણાવ્યું છે કે તેમના પર 28.97 લાખ રૂપિયાનું દેવું છે, જ્યારે તેમની પત્ની ડિમ્પલ યાદવ પર 14.26 લાખ રૂપિયાનું દેવું છે.

અખિલેશ યાદવે પોતાની વાર્ષિક કમાણી વિશે પણ જણાવ્યું છે. તેમની વાર્ષિક આવક રૂ. 83.98 લાખ અને પત્ની ડિમ્પલ યાદવની વાર્ષિક આવક રૂ. 58.92 લાખ છે. અખિલેશ યાદવ પાસે 76,015 રૂપિયાનો ફોન છે. જ્યારે 5.34 લાખની કિંમતના એક્સરસાઇઝ મશીન તેના ઘરમાં છે. તેમની પત્ની પાસે 1.25 લાખ રૂપિયાના કોમ્પ્યુટર, 2774 ગ્રામ સોનું અને 59 લાખ 76 હજાર 687 રૂપિયાના હીરા છે.

અખિલેશે પોતાના સોગંદનામામાં એ પણ જણાવ્યું કે તેણે તેના પિતા મુલાયમ સિંહ યાદવને 2.13 કરોડ રૂપિયાની લોન આપી છે. બીજી તરફ ડિમ્પલ યાદવે તેના પતિને 8.15 લાખ રૂપિયાની લોન આપી છે.