Gujarat News: હવામાન નિષ્ણાત અંબાલાલ પટેલે ગુજરાત અને ભારત માટે નવી આગાહી કરી છે. ઓક્ટોબર મહિનામાં અનેક વેસ્ટર્ન ડિસ્ટર્બન્સ આવવાને કારણે ઉત્તર ભારતમાં હિમ વર્ષા થશે. ગરમી સાથે અનેક વાવાઝોડા આવવાની શક્યતા છે. દક્ષિણ ચીન તરફ એક સાયક્લોન બન્યું છે જે તાઇવાનના ભાગથી બંગાળના ઉપસાગરમાં આવશે. જેના કારણે આ સિસ્ટમ ફરી બંગાળના ઉપસાગરમાં ફરી હલચલ મચાવી શકે છે.
9 ઓક્ટોબર સુધીમાં મજબૂત વેસ્ટન ડિસ્ટર્બન્સ આવશે. તે પછી પણ મજબૂત વેસ્ટન ડિસ્ટર્બન્સ આવશે. એેક પછી એક વેસ્ટન ડિસ્ટર્બન્સ આવતા દેશના ઉત્તરીય પર્વતીય પ્રદેશોમાં કરા સાથે વરસાદની શક્યતા રહેશે. જેના કારણે ગુજરાતમાં 8 ઓક્ટોબર સુધીમાં વાદળો આવશે અને કદાચ વરસાદ પણ થઇ શકે. સવારે અને રાત્રે ઠંડા પવનો આવશે. એટલે આ વખતે ચોમાસું પાછળ જઇ શકે છે.
જેથી વેસ્ટન ડિસ્ટર્બન્સના કારણે ઠંડા પવનો વહેલા આવી શકે છે. 10મી ઓક્ટોબર સુધીમાં ચોમાસું રિટર્ન થશે. આ ગતિવિધિના કારણે ઉત્તર પશ્ચિમ ભારતમાં ફરીથી વરસાદ થવાની શક્યતા છે. આના કારણે દક્ષિણ રાજસ્થાન અને ગુજરાતના ભાગોમાં વરસાદ થવાની શક્યતા છે.
Gold Price: સોનું અને ચાંદી સસ્તા થયા, 1600 રૂપિયા ભાવ ઘટ્યા, શું દિવાળી સુધી ઘટાડો ચાલુ જ રહેશે?
અંબાલાલે શક્યતા વ્યકત કરી છે કે 10મી ઓક્ટોબરની આસપાસ બંગાળના ઉપસાગરમાં ફરીથી ગંભીર વાવાઝોડું આવશે. આ સાથે અરબ સાગરમાં સિસ્ટમ બનવાની શક્યતા જોવા મળી રહી છે. આ સિસ્ટમ 10થી 12 ઓક્ટોબરમાં ફરી અરબ સાગરમાં સિસ્ટમ સક્રિય બનીને મજબૂત થવાના એંધાણ છે. શિયાળામાં વેસ્ટન ડિસ્ટર્બન્સ સક્રિય થવાના કારણે ઉત્તરીય પર્વતીય વિસ્તારમાં હિમ વર્ષા થાય છે. જેની અસર ગુજરાતના વાતાવરણ પર પણ થતી હોય છે.