India News: રાષ્ટ્રીય રાજધાની દિલ્હીમાં ચોમાસાના આગમન સાથે વરસાદનો 88 વર્ષનો રેકોર્ડ તૂટી ગયો છે. રેકોર્ડ તૂટ્યાના એક દિવસ બાદ શનિવારે સવારે દિલ્હીના કેટલાક વિસ્તારોમાં વરસાદ પડ્યો હતો. રોહિણી અને બુરારી વિસ્તારમાં સવારે વરસાદ પડ્યો હતો.
ભારતીય હવામાન વિભાગ (IMD) એ દિવસ દરમિયાન વાદળછાયું આકાશ અને ભારે વરસાદની આગાહી કરી છે. IMDએ જણાવ્યું હતું કે દિલ્હીમાં લઘુત્તમ તાપમાન 28 ડિગ્રી સેલ્સિયસ નોંધાયું હતું. મહત્તમ તાપમાન 32 ડિગ્રી સેલ્સિયસની નજીક પહોંચવાની શક્યતા છે. ભેજનું પ્રમાણ 80 ટકા રહ્યું હતું.
અનેક વિસ્તારોમાં વરસાદ બાદ પાણી ભરાયા
શુક્રવારે દિલ્હીમાં ચોમાસાના આગમન સાથે ત્રણ કલાકના મુશળધાર વરસાદને કારણે દિલ્હી એરપોર્ટના ટર્મિનલ-1ની છતનો એક ભાગ તૂટી પડતાં એક વ્યક્તિનું મોત થયું હતું. આ સમયગાળા દરમિયાન, ફ્લાઈટ કામગીરી સ્થગિત કરવી પડી હતી. રાષ્ટ્રીય રાજધાનીના ઘણા ભાગોમાં પાણી ભરાઈ ગયા હતા.
મુશળધાર વરસાદે 4 લોકોના જીવ લીધા
વરસાદના કારણે સર્જાયેલી ઘટનાઓમાં અન્ય ચાર લોકોના મોત પણ થયા છે. રાષ્ટ્રીય રાજધાનીમાં શુક્રવારે 228.1 મીમી વરસાદ નોંધાયો હતો, જે 1936 પછી જૂન મહિનામાં સૌથી વધુ વરસાદ છે. IMD અનુસાર, શહેરના પ્રાથમિક હવામાન કેન્દ્ર સફદરજંગ ખાતે 228.1 mm, લોધી રોડ મૌસમ ભવન ખાતે 192.8 mm, રિજ ખાતે 150.4, પાલમ ખાતે 106.6 અને આયાનગર ખાતે 66.3 mm વરસાદ નોંધાયો હતો.
જો હજુ પણ પાણી વધુ ઘટશે તો દેશમાં અશાંતિ ફેલાશે, વિકાસને લાગશે મોટી બ્રેક, નવા અહેવાલમાં ખતરનાક દાવો
‘હું સુર્પણખા છું, મેં મારા પિતાનું નાક કપાવ્યું’, સોનાક્ષી સિંહાએ કેમ કહી આવી વાત? જાણો આખો મામલો
જો ગૂગલ પર આટલી વસ્તુ સર્ચ કરશો તો પોલીસ ડંડે-ડંડે સ્વાગત કરશે! ખબર ના હોય તો જાણી લો
સેન્ટ્રલ પોલ્યુશન કંટ્રોલ બોર્ડના જણાવ્યા અનુસાર સવારે 9 વાગ્યા સુધી દિલ્હીનો હવા ગુણવત્તા સૂચકાંક (AQI) “મધ્યમ” શ્રેણીમાં નોંધાયો હતો. શૂન્ય અને 50 ની વચ્ચે AQI “સારી” છે, 51 અને 100 ની વચ્ચે “સંતોષકારક” છે, 101 અને 200 ની વચ્ચે “મધ્યમ” છે, 301 અને 400 ની વચ્ચે “ખૂબ ખરાબ” છે. અને 401 અને 500 ની વચ્ચે “ગંભીર” ગણવામાં આવે છે.