વિદેશમાં ભારતીય દવાઓ પર સવાલો ઉઠાવ્યા બાદ કેન્દ્ર સરકારે કડકાઈ શરૂ કરી છે. સરકાર દ્વારા દવાઓની ગુણવત્તા અંગે તપાસ અભિયાન તેજ કરવામાં આવ્યું છે. છેલ્લા 6 મહિનામાં દેશની 134 ફાર્માસ્યુટિકલ કંપનીઓની તપાસ કરવામાં આવી છે. હિમાચલ પ્રદેશમાં સરકાર દ્વારા સૌથી મોટી કાર્યવાહી કરવામાં આવી છે. હિમાચલ પ્રદેશમાં અત્યાર સુધીમાં 26 કંપનીઓને કારણ બતાવો નોટિસ જારી કરવામાં આવી છે. 11 કંપનીઓ પર સ્ટોપ પ્રોડક્શન ઓર્ડર લાગુ કરવામાં આવ્યો છે અને બે ફાર્મા કંપનીઓને બંધ કરવામાં આવી છે.
કેન્દ્રીય આરોગ્ય મંત્રાલયના ઉચ્ચ સત્તાવાર સૂત્રોએ જણાવ્યું હતું કે વિદેશમાં ભારતીય દવાઓ પર પ્રશ્નો ઉભા થયા હોવાથી, DCGI અને રાજ્ય ઔષધ નિયમનકારે ઉત્પાદનની ગુણવત્તા ચકાસવા માટે નિરીક્ષણ અભિયાનને તેજ બનાવ્યું છે. અત્યાર સુધીમાં ત્રણ અલગ-અલગ તબક્કામાં 134 ફાર્માસ્યુટિકલ કંપનીઓની તપાસ કરવામાં આવી છે.
આમાં, તે કંપનીઓના નામનો ડેટા બનાવવામાં આવ્યો હતો જેમણે છેલ્લા ત્રણ વર્ષથી રાજ્યોમાંથી નોટ ઓફ સ્ટાન્ડર્ડ ક્વોલિટી ડ્રગ (NSQ) દવાનું ઉત્પાદન કરવાનો રેકોર્ડ ધરાવે છે. આ કંપનીઓનો સમાવેશ કરવામાં આવ્યો છે, જે 2019-22 દરમિયાન 11 કરતા વધુ વખત NSQ (નોટ ઓફ સ્ટાન્ડર્ડ ક્વોલિટી ડ્રગ) નિષ્ફળ ગઈ હતી.
હિમાચલ પ્રદેશમાં આમાં સૌથી વધુ 51 યુનિટ છે.
ઉત્તરાખંડમાં 22
મધ્ય પ્રદેશ: 14
ગુજરાત: 9
દિલ્હી : 5
તમિલનાડુ : 4
પંજાબ : 4
હરિયાણા : 3
રાજસ્થાન : 2
કર્ણાટક : 2
પશ્ચિમ બંગાળ, તેલંગાણા, પુડુચેરી, કેરળ, જમ્મુ, સિક્કિમ, આંધ્ર પ્રદેશ, મહારાષ્ટ્ર, ઉત્તર પ્રદેશમાં 1-1 ફાર્માસ્યુટિકલ કંપનીઓની તપાસ કરવામાં આવી છે. હિમાચલ પ્રદેશની 26 એકમોને કારણ બતાવો નોટિસ આપવામાં આવી છે.
આ પણ વાંચોઃ
Missing Submersible: ટાઈટેનિક જોવા ગયેલા તમામ યાત્રિઓના મોત, સબમરિનનો મલબો મળ્યા બાદ થયો બ્લાસ્ટ
આ કુદરતના કોઈ કરિશ્માથી ઓછું નથી, એક શરીર, બે જીવન, બે ચહેરા અને 4 હાથ, તમે પણ જોઈ શકો છો આ કરિશ્મા
શેરદિલ ગ્રામજનો: એક વાઘ અને ત્રણ દીપડાના આતંક વચ્ચે પણ રવાણી પર લોકોની જીંદગી
SPO (સ્ટોપ પ્રોડક્શન ઓર્ડર) ઓર્ડર 16 કંપનીઓને આપવામાં આવ્યા છે, જ્યારે 5 કંપનીઓમાંથી આ ઓર્ડર દૂર કરવામાં આવ્યા છે. હાલમાં 11 દવા કંપનીઓ પર SPO (સ્ટોપ પ્રોડક્શન ઓર્ડર) લાગુ છે.