LokSabha Election 2024: લોકસભા ચૂંટણીને લઈને ભાજપ દ્વારા મોટા સમાચાર સામે આવ્યા છે. લોકસભા ચૂંટણી માટે આચારસંહિતા લાગુ થાય તે પહેલા ભાજપ જાન્યુઆરીના અંતિમ સપ્તાહ અથવા ફેબ્રુઆરીના પ્રથમ સપ્તાહમાં તેના ઉમેદવારોના નામની જાહેરાત કરી શકે છે.
અત્રે ઉલ્લેનીય છે કે, ભાજપ પોતાની પ્રથમ યાદીમાં વડાપ્રધાન નરેન્દ્ર મોદી, રાજનાથ સિંહ અને ગૃહમંત્રી અમિત શાહના નામની જાહેરાત કરશે. છેલ્લી 2019ની લોકસભા ચૂંટણીમાં પણ ભાજપે પોતાની પહેલી યાદીમાં પીએમ મોદી, અમિત શાહ અને રાજનાથ સિંહની સીટોના નામ જાહેર કર્યા હતા.
ભાજપની પ્રથમ યાદીમાં તે 164 બેઠકોમાંથી મોટાભાગની બેઠકો પર ઉમેદવારોના નામ પણ હશે, જે બેઠકો ભાજપ આજ સુધી ક્યારેય જીતી શકી નથી અથવા 2019માં જીતનું માર્જિન ઘણું ઓછું હતું. ભાજપ છેલ્લા બે વર્ષથી આવી બેઠકો પર સતત મહેનત કરી રહ્યું છે.
2019 લોકસભા ચૂંટણીમાં ભાજપે 543માંથી 436 બેઠકો પર ચૂંટણી લડી હતી અને 303 બેઠકો જીતી હતી અને 133 બેઠકો પર ચૂંટણી હારી હતી. 31 અન્ય બેઠકો પણ છે, જ્યાં પાર્ટી નબળી છે.આ 164 બેઠકોનું ક્લસ્ટર બનાવીને, આની જવાબદારી ગૃહ પ્રધાન અમિત શાહ સહિત કેન્દ્રીયમંત્રી અને વરિષ્ઠ નેતાઓને સોંપવામાં આવી હતી.
જાણો કેટલી કેટેગરીમાં સીટોનું વિભાજન થશે
ભાજપે આ સીટોને સી અને ડી કેટેગરીમાં વહેંચી છે અને 80 સીટોની બે કેટેગરી બનાવી છે. આ બેઠકોની જવાબદારી 45 મંત્રીઓને આપવામાં આવી છે. દરેક મંત્રી બે થી ત્રણ બેઠકો માટે જવાબદાર છે.
આ વખતે ભાજપ ગત લોકસભા ચૂંટણી કરતાં વધુ બેઠકો પર ચૂંટણી લડી શકે છે, કારણ કે આ વખતે તેના સહયોગીઓની સંખ્યા ગત વખતની સરખામણીએ ઓછી થઈ છે.
ભાજપ આ રાજ્યોમાં વધુ સીટો પર લડશે ચૂંટણી
2019 માં, ભાજપે પંજાબમાં શિરોમણિ અકાલી દળ, બિહારમાં JDU, મહારાષ્ટ્રમાં શિવસેના, તમિલનાડુમાં AIADMK અને રાજસ્થાનમાં હનુમાન બૈનીવાલની પાર્ટી RLP સાથે સંકલન કર્યું હતું.
ભાજપે પંજાબની 13માંથી 3 બેઠકો, મહારાષ્ટ્રની 48માંથી 25 અને બિહારની 40માંથી 17 બેઠકો પર ચૂંટણી લડી હતી. જ્યારે તમિલનાડુમાં AIADMKએ ભાજપને પાંચ બેઠકો આપી હતી. આ વખતે ભાજપ આ રાજ્યોમાં વધુ બેઠકો પર ચૂંટણી લડશે.
2019માં યુપીની 16 સીટો પર હાર થઈ હતી
ભાજપે ઉત્તર પ્રદેશમાં એવી 14 બેઠકોની યાદી તૈયાર કરી છે જ્યાં તે પોતાને નબળી માને છે. પાર્ટીએ 2019માં ઉત્તર પ્રદેશમાં 16 બેઠકો ગુમાવી હતી, પરંતુ પેટાચૂંટણીમાં બે બેઠકો જીતી હતી.
રાયબરેલી, મૈનપુરી, બિજનૌર, સહારનપુર, સંભાલ, મુરાદાબાદ, ગાઝીપુર, જૌનપુર, રામપુર, આઝમગઢ, નગીના, અમરોહા, આંબેડકર નગર, શ્રાવસ્તી, ઘોસી, લાલગંજ સીટ માટે ઉમેદવારોના નામ પ્રથમ યાદીમાં હશે. આમાંની કેટલીક બેઠકો સપાનો ગઢ માનવામાં આવે છે અને આ સંદર્ભે ભાજપ તેમને પોતાના ફોલ્ડમાં લાવવાનો પ્રયાસ કરી રહી છે.
પ્રથમ યાદીમાં બિહારની નવાદા, સુપૌલ, કિશનગંજ, કટિહાર, મુંગેર, ગયા, સુપૌલ સીટો માટે ઉમેદવારો જાહેર કરવામાં આવશે. મધ્યપ્રદેશની છિંદવાડા બેઠક ખૂબ જ નબળી શ્રેણીમાં આવે છે. આ પૂર્વ સીએમ કમલનાથનો ગઢ છે. અહીં વિધાનસભા ચૂંટણીમાં ભાજપને ફરી એક ઝટકો લાગ્યો છે. તેની જવાબદારી ગિરિરાજ સિંહને આપવામાં આવી છે. કેરળમાં થ્રિસુર, થટનમિટ્ટા અને તિરુવનંતપુરમ બેઠકો છે. ભાજપ ત્રિશૂરથી સુરેશ ગોપીને ટિકિટ આપી શકે છે.
મહારાષ્ટ્રમાં બારામતી, બુલઢાણા અને ઔરંગાબાદ, પંજાબમાં અમૃતસર, આનંદપુર સાહિબ, ભટિંડા અને ગુરદાસપુર બેઠકોનો સમાવેશ થાય છે. ગઠબંધનની અંદર ચર્ચાને કારણે પંજાબ, મહારાષ્ટ્ર અને બિહારની કેટલીક સીટો પણ બદલાઈ શકે છે.
Samsungએ લોન્ચ કરી અનોખી ડિસ્પ્લે, ફ્લિપ ફોનની જેમ ખુલશે અને પછી… મજબૂતીમાં પણ અદભૂત, જાણો ફિચર્સ
આ વખતે ભાજપ 70 વર્ષથી વધુ ઉંમરના અને ત્રણ વખતથી વધુ વખત જીતેલા લોકસભાના સાંસદોને ટિકિટ નહીં આપવાનું આયોજન કરી રહ્યું છે. તેનો પ્રયાસ નવા ચહેરા પર દાવ લગાવવાનો છે. ઉલ્લેખનીય છે કે વડાપ્રધાન નરેન્દ્ર મોદીએ 2024ની લોકસભા ચૂંટણીમાં 50 ટકાથી વધુ વોટ મેળવવાનું લક્ષ્ય રાખ્યું છે.