ઈન્ડિયન પ્રીમિયર લીગનો ક્રેઝ ભારતમાં છવાઈ ગયો છે. આ સિઝનમાં અત્યાર સુધી 6 મેચ રમાઈ છે. કેટલીક ટીમોએ આઈપીએલની શરૂઆત જીત સાથે કરી છે તો કેટલીક ટીમો હજુ પણ જીતની રાહ જોઈ રહી છે. જેમાંથી એક દિલ્હી કેપિટલ્સનું નામ પણ છે. પ્રથમ મેચમાં દિલ્હીને લખનૌથી કારમી હારનો સામનો કરવો પડ્યો હતો. હવે દિલ્હી તેની બીજી મેચ ગુજરાત ટાઇટન્સ (DC vs GT) સામે અરુણ જેટલી સ્ટેડિયમમાં રમશે, જ્યાં દિલ્હીનો વિસ્ફોટક બેટ્સમેન રિષભ પંત પણ જોવા મળશે.
દિલ્હી કેપિટલ્સને ડિસેમ્બરમાં રિષભ પંતના રૂપમાં મોટો આંચકો લાગ્યો હતો. તે દરમિયાન પંત એક ભયાનક કાર અકસ્માતનો શિકાર બન્યો હતો. જે બાદ તે લાંબા સમયથી ક્રિકેટથી દૂર છે. જો કે, પંત દરરોજ ઝડપથી સ્વસ્થ થઈ રહ્યો છે, હવે તે ઈજા બાદ પ્રથમ વખત સ્ટેડિયમમાં જોવા મળશે. ડીડીસીએના જોઈન્ટ સેક્રેટરી રાજન મનચંદાએ આ વાતની પુષ્ટિ કરી છે. રિષભ પંતના સ્થાને ડેવિડ વોર્નર દિલ્હીની ટીમની કમાન સંભાળી રહ્યો છે.
ઈજા બાદ પંત પ્રથમ વખત સ્ટેડિયમમાં આવશે
વિશ્વની સૌથી મોંઘી કેરી, 1 કિલોના ભાવમાં 4 તોલા સોનું આવી જાય! 1 પીસ ખરીદવા માટે પણ પરસેવો પડી જશે
ઋષભ પંત ઈજા બાદ પ્રથમ વખત સ્ટેડિયમમાં જોવા મળશે. ડીડીસીએના સંયુક્ત સચિવના જણાવ્યા અનુસાર, પંત 4 એપ્રિલે અરુણ જેટલી સ્ટેડિયમમાં તેની ટીમ દિલ્હી કેપિટલ્સને સપોર્ટ કરતા જોવા મળશે. છેલ્લી મેચમાં પંતે ટીવી પર મેચ જોતા દિલ્હીને સપોર્ટ કર્યો હતો. મેચ દરમિયાન તેણે ઈન્સ્ટાગ્રામ પર વીડિયો શેર કર્યો હતો.