ગુજરાતમાં લોકકલાકાર તરીકે એક મોટું નામ એટલે કે દેવાયત ખવડ. થોડા સમય પહેલાં સોશિયલ મીડિયામાં ચર્ચામાં હતા. તેઓ મારામારીના વાઇરલ થયેલા વીડિયોના કારણે ચર્ચામાં આવ્યા હતા અને જેલમાં પણ 72 દિવસ રહ્યા હતા.
ત્યારે હવે દેવાયતે એક નવી નકોર મર્સિડીઝ કાર છોડાવી છે, જેના કારણે તે ચર્ચામાં આવ્યા છે. તણે પોતોને જ આ ફોટો વીડિયો શેર કર્યા છે અને જે ખુબ વાયરલ થઈ રહ્યા છે.
દેવાયત ખવડનું વતન સુરેન્દ્રનગર જિલ્લાના મૂળી તાલુકાનું દુધઈ ગામ છે. દુધઈ ગામના અગ્રણી રામકુભાઈ કરપડાએ બીબીસી ગુજરાતીના સહયોગી બિપીન ટંકારિયા સાથેની વાતચીતમાં ખવડ વિશે માહિતી આપી હતી.
તેમના જણાવ્યા અનુસાર ગામના કાઠી દરબાર સમાજમાં 1988માં જન્મેલા દેવાયત ખવડએ 1થી 7 ધોરણ સુધીનો અભ્યાસ દુધઈ ગામમાં કર્યો હતો.
https://www.instagram.com/p/Cs2_b2GgZA7/
ત્યારબાદ પોતાનું માધ્યમિક શિક્ષણ લેવા માટે પોતાના ગામથી ચાર કિલોમીટર દૂર વેલા સડલા ગામમાં રહ્યા અને પછી કૉલેજ સુધીનો અભ્યાસ સુરેન્દ્રનગરમાં કર્યો હતો.
તેમના પિતા દાનભાઈ ખવડ સિમેન્ટના પિપ બનાવવાના ઉદ્યોગમાં શ્રમિક તરીકે કામ કરતા હતા અને તેમની પાસેની 10 વીઘા જમીન પર ખેતી પણ કરતા હતા. તેમનું નિધન 2015માં થયું હતું. દેવાયત ખવડને ડાયરાની દુનિયામાં લાવનારા તેમના મામા જિલુભાઈ કરપડા છે, જેઓ સાહિત્યપ્રેમી છે અને ખેતી ઉપરાંત સાહિત્યશિબિરો પણ કરે છે.
વર્ષો પહેલાં ગામમાં રાજ્ય સરકારના માહિતીખાતા તરફથી દુરદર્શન અને આકાશવાણીના સહયોગ સાથે ઊગતા કલાકારો માટે ત્રણ દિવસની શિબિર રાખવામાં આવતી.
દેવાયત ખવડને ગાવાનો રસ જાગ્યો અને તેઓએ મામાને વાત કરી. તેમના પ્રોત્સાહનથી 2004માં સડલા ગામમાં રાખવામાં આવેલી આવી જ એક શિબિરમાં દેવાયત ખવડે ભાગ લીધો હતો.
ત્યારથી તેઓએ ગાવાનું શરૂ કર્યું હતું, અને પછી ગામે-ગામ ડાયરાના પ્રોગ્રામ કરવા લાગ્યા હતા. તેઓ ઇશરદાન ગઢવીને ખૂબ જ સાંભળતા હતા. આગળ જતા તેઓ વિદેશમાં પણ પ્રોગ્રામ કરવા લાગ્યા.