Surat Police: આજકાલ ગુજરાતમાં નકલી લોકોનું વધારે પડતું જ ચાલી રહ્યું છે. થોડા સમય પહેલા જ એક આખી કચેરી નકલી પકડાઈ હતી ત્યારે હવે સુરતમાંથી આવો કિસ્સો સામે આવ્યો છે. શહેરના ઉધના વિસ્તારમાંથી નકલી આઇપીએસ અધિકારી મળી આવ્યો છે. આ નકલી IPS ભાઠેના વિસ્તારમાં જોગેશ્વરી ત્રણ રસ્તા પાસે ઉભા રહી લોકોના વાહનો ચેક કરતો હોવાનું પણ સામે આવ્યું છે.
જો કે વિચારવા જેવી વાત એ છે કે આટલા સમયથી આ બધું ચાલતું હતું છતાં તંત્ર ઘોર નિદ્રામાં હતું. આ નકલી આઈપીએસ ચાર રસ્તા પર લોકોના વાહનો ચેક કરાવાનો ડોળ કરી વાહનચાલકોને મેમો પકડાવતો હતો. ઉધના પોલીસને શંકા જતા પોલીસે ડુપ્લીકેટ IPS અધિકારીને ઝડપીને પૂછપરછ કરતા ભાંડો ફૂટ્યો હતો અને હવે આખા શહેરમાં આ જ વાતની ચર્ચા ચાલી રહી છે.
વિગતો મળી રહી છે કે શહેરના ભાઠેના વિસ્તારમાં અકસ્માતની ઘટનાની તપાસ માટે પોલીસ ગઈ હતી. આ દરમિયાન સુરત પોલીસે આ આઇપીએસ બનીને ફરતા નકલી અધિકારીને પકડી પાડ્યો છે. આના ચહેરા પર દાઢી વધેલી જોઈ પોલીસને શંકા ગઈ અને પૂછપરછ હાથ ધરતા બધો ખુલાસો થયો છે. આરોપી સિલાઈ કામ કરીને ગુજરાન ચલાવતો હોવાનું પણ સામે આવ્યું છે
Breaking: ઇઝરાયેલે ગાઝા સિટી પર કર્યો સૌથી ખતરનાક હુમલો, ગાઝા પટ્ટીને બે ભાગમાં ફાડી નાખી
દિવાળીના તહેવારની જ અંબાલાલ પટેલે કરી ઘાતક આગાહી, વાતાવરણમાં થશે મોટી હલચલ, ભોગવવા માટે તૈયાર રહેજો
આ સાથે જ માહિતી મળી રહી છે કે આ નકલી આઇપીએસનું નામ મોહમંદ શરમાઝ છે. જેને પોલીસ બનવાનો શોખ હતો. પોલીસ બનીને દારૂના અડ્ડા પર જાય તો સારી કમાણી થાય તે માટે એમેઝોન ઉપરથી ડ્રેસ મંગાવ્યો હતો. નકલી IPS અધિકારી બની લોકોને મેમો પધરાવતો હતો. મોહંમદ શરમાઝ પકડાયો ત્યારે તેણે પ્રોબેશનરી આઈપીએસની જેમ યુનિફોર્મ પર ત્રણ સ્ટાર લગાવ્યા હતા. પોલીસે હવે સંકજામાં લઈને આગળની કાર્યવાહી હાથ ધરી છે.