Home Loan Subsidy Scheme : જો તમે તમારા સપનાનું ઘર ખરીદવાનું વિચારી રહ્યા છો અને તેના માટે બેંક પાસેથી લોન લેવાનું વિચારી રહ્યા છો, તો તમારા માટે સારા સમાચાર છે. વાસ્તવમાં, કેન્દ્ર સરકાર હોમ લોન લેનારા લોકોને સબસિડી આપવાની યોજના બનાવી રહી છે. જો આગામી દિવસોમાં સરકાર દ્વારા આ અંગે કોઈ જાહેરાત કરવામાં આવશે તો દિવાળી પહેલા ઘર ખરીદનારાઓ માટે તે મોટી ભેટ હશે. રોઇટર્સના એક અહેવાલમાં આ અંગેનો દાવો કરવામાં આવી રહ્યો છે.
60,000 કરોડનો ખર્ચ કરવાની તૈયારી
રોયટર્સના જણાવ્યા પ્રમાણે સરકાર હવે હોમ લોનના વ્યાજ પર સબસિડી આપવાની યોજના (Subsidy on home loan) બનાવી રહી છે. રિપોર્ટમાં કહેવામાં આવ્યું છે કે આ વર્ષના અંતમાં મોટા રાજ્યોમાં ચૂંટણી થવાની છે અને 2024 ના મધ્યમાં સામાન્ય ચૂંટણીઓ યોજાવાની છે. આ પહેલા પણ બેંકો આ હાઉસિંગ લોન વ્યાજ સબસિડી (Housing Loan Interest Subsidy Scheme) યોજનાને થોડા મહિનામાં લાગુ કરી શકે છે. સરકાર જે યોજના બનાવી રહી છે તે અંતર્ગત તે આગામી 5 વર્ષ માટે નાના શહેરી આવાસો પર સબસિડીવાળી લોન આપવા માટે 60,000 કરોડ રૂપિયા ખર્ચ કરવાની તૈયારી કરી રહી છે.
પીએમ મોદીએ કરી જાહેરાત
રિપોર્ટ અનુસાર વડાપ્રધાન નરેન્દ્ર મોદીએ ઓગસ્ટમાં પ્રથમ વખત ઘર ખરીદનારને રાહત આપવા માટે બેંક લોન યોજનાની જાહેરાત કરી હતી. જો કે, તેમણે આ અંગે વિસ્તૃત માહિતી આપી ન હતી. હવે જે સમાચાર આવ્યા છે તે માત્ર ઘર ખરીદનારાઓ માટે જ છે અને કહી શકાય કે તેમને સરકાર મોટી રાહત આપી શકે છે. આ દરમિયાન આશા છે કે સરકાર હોમ લોન પર સબસિડીની યોજના ચૂંટણી પહેલા શરૂ કરી શકે છે.
તેથી ઘણા હોમ લોન લેનારાઓનો સમાવેશ કરવામાં આવશે
સરકાર જે હોમ લોન વ્યાજ સબસિડી યોજના પર વિચાર કરી રહી છે તેની વિસ્તૃત માહિતી આપતા અહેવાલમાં સૂત્રોના હવાલાથી જણાવવામાં આવ્યું છે કે આ યોજના 9 લાખ રૂપિયા સુધીની લોન પર વાર્ષિક 3 ટકાથી 6.5 ટકા સુધીની વ્યાજ સબસિડી આપશે. સાથે જ સરકારની આ પ્રસ્તાવિત યોજના માટે 20 વર્ષ માટે લીધેલી 50 લાખ રૂપિયાથી ઓછી હોમ લોન જ મળવાપાત્ર હોવાનું પણ સામે આવ્યું છે.
ભોજપુરીની આ ફેમસ એક્ટ્રેસે તો બોલ્ડનેસની હદ વટાવી,ધડાધડ સોશ્યલ મીડિયા પર વિડીયો વાયરલ થઈ રહ્યા છે!!
ઓછી આવકવાળા લોકોને ફાયદો થશે
રિપોર્ટ અનુસાર, એક સરકારી અધિકારીએ પ્રસ્તાવિત યોજના વિશે વાત કરતા કહ્યું કે, વ્યાજમાં છૂટ લાભાર્થીઓના હોમ લોન એકાઉન્ટમાં એડવાન્સમાં જમા કરાવવામાં આવશે. તેમણે કહ્યું કે સરકારની આ યોજના દ્વારા શહેરી વિસ્તારોમાં રહેતા ઓછી આવક ધરાવતા જૂથના 2.5 મિલિયન લોન અરજદારોને લાભ મળી શકે છે, જો કે સબસિડીવાળી હોમ લોનની રકમ આવા ઘરોની માંગ પર આધારિત રહેશે. નામ જાહેર ન કરવાની શરતે અધિકારીએ જણાવ્યું હતું કે, આ યોજનાને આખરી ઓપ આપવામાં આવી રહ્યો છે.