Gujarat rain update : આજથી રાજ્યમાં વરસાદના ત્રીજા રાઉન્ડની શરૂઆત થઇ ચુકી છે. હવામાન વિભાગ દ્વારા 19 થી 20 ભારેથી અતિભારે અને અત્યંત ભારે વરસાદની આગાહી કરવામાં આવી રહી છે. નવસારી, વલસાડ, અમરેલી, ભાવનગરમાં અત્યંત ભારે વરસાદની આગાહી કરવામાં આવી છે. આ સાથે આજે 18 જુલાઈના નવસારી, વલસાડમાં ઓરેન્જ એલર્ટ આપવામાં આવ્યું છે.
હવામાન વિભાગના ડાયરેક્ટર ડો. મનોરમા મોહન્તીએ સોમવારે આપેલી આગાહી પ્રમાણે, 23 તારીખ સુધી સમગ્ર ગુજરાતમાં વરસાદ થવાની સંભાવના છે. ગીરસોમનાથ, અમરેલી, જુનાગઢ, ભાવનગરમાં ભારે વરસાદ થવાની સંભાવના છે. આ સાથે દક્ષિણ ગુજરાતના કેટલાક ભાગોમાં જેમકે વલસાડ, નવસારી, સુરતમાં ભારે વરસાદ આવી શકે છે, આજથી ગુજરાતમાં ભારે વરસાદ થવાની સંભાવના છે. આ ઉપરાંત 19થી 21 તારીખ સુધી રાજ્યમાં ભારેથી અતિભારે વરસાદ થવાની શક્યતા છે.
હવામાન વિભાગ પાસેથી મળતી માહિતી પ્રમાણે, આજે 18મી તારીખના રોજ સૌરાષ્ટ્ર, કચ્છ, દિવ, દમણ, દાદરાનગર હવેલી સહિત ગુજરાતનાં મોટાભાગના વિસ્તારોમાં ગાજવીજ સાથે સામાન્ય વરસાદ વરસવાની સંભાવના દર્શાવવામાં આવી છે. આ સાથે નવસારી, વલસાડ, દમણ દાદરા નગર હવેલીમાં ભારેથી અતિ ભારે વરસાદ આવી શકે છે. આ વિસ્તારોમાં ઓરેન્જ એલર્ટ આપવામાં આવ્યો છે.
19મી તારીખના રોજ પણ સૌરાષ્ટ્ર, કચ્છ, દિવ, દમણ, દાદરાનગર હવેલી સહિત ગુજરાતનાં મોટાભાગના વિસ્તારોમાં સામાન્ય વરસાદ વરસવાની સંભાવના છે. હવામાન વિભાગ પાસેથી મળતી માહિતી પ્રમાણે, આજે 20મી તારીખના રોજ પણ સૌરાષ્ટ્ર, કચ્છ, દિવ, દમણ, દાદરાનગર હવેલી સહિત ગુજરાતનાં મોટાભાગના વિસ્તારોમાં આજે ગાજવીજ સાથે સામાન્ય વરસાદ થવાની સંભાવના છે.
અહીં ટામેટા ખરીદવા માટે પડાપડી થઈ, 3 કલાકમાં 3000 કિલો ટામેટાં વેચાયા, જાણો અનોખું કારણ
આ ભારતીય પાસે છે 21 કરોડની કિંમતની સુપરકાર, બુલેટની સ્પીડથી પણ વધારે ભાગે! જાણીને ચોંકી જશો
હવામાન નિષ્ણાત અંબાલાલ પટેલે પણ રાજ્યમાં ધોધમાર વરસાદ થવાની આગાહી કરી છે, તેમણે જણાવ્યા પ્રમાણે, તારીખ 18, 19, 20માં ભારે વરસાદ થશે. મુંબઇથી દક્ષિણ ગુજરાત અને સૌરાષ્ટ્રના ભાગોમાં વરસાદ થશે. આ ઉપરાંત તેમણે જણાવ્યુ કે, દરિયાકાંઠાના વિસ્તારોમાં અને સૌરાષ્ટ્રના વિસ્તારોમાં વરસાદ થશે. જામનગરમાં ભારે વરસાદ થવાની સંભાવના છે. અંબાલાલ પટેલે પોતાની લેટેસ્ટ આગાહીમાં જણાવ્યુ કે, મોરબી અને સુરેન્દ્રનગરમાં કેટલાક ભાગો, કચ્છ, ઉત્તર ગુજરાત, મધ્ય ગુજરાત સહિત અમદાવાદ અને પંચમહાલમાં સારો વરસાદ આવી શકે છે, આ સાથે વડોદરા, સાવલીમાં ભારેથી અતિભારે વરસાદ થવાની શક્યતા છે.