Gujarat Rain: રાજ્યમાં વરસાદનો બીજો રાઉન્ડ પુરો થયા બાદ અસહ્ય બફારો વ્યાપી રહ્યો છે. ત્યારે અમદાવાદ હવામાન વિભાગ અને હવામાન નિષ્ણાત અંબાલાલ પટેલ દ્વારા ત્રીજા રાઉન્ડની આગાહી કરવામાં આવી છે. આ અઠવાડિયામાં રાજ્યમાં ભારેથી અતિભારે વરસાદ થવાની સંભાવના છે. હવામાન વિભાગના ડાયરેક્ટર મનોરમા મોહન્તીએ ગુજરાતમાં ભારેથી અતિભારે અને અત્યંત ભારે વરસાદની સંભાવના વ્યક્ત કરી છે, આ સાથે હવામાન નિષ્ણાત અંબાલાલ પટેલે આજથી જુલાઈના અંત સુધીમાં ગુજરાત સહિત દેશના ભાગોમાં ભારેથી અતિભારે વરસાદની શક્યતાઓ વ્યક્ત કરી છે.
શનિવારે રાજ્યનાં હવામાન અંગેની માહિતી આપતા અમદાવાદ હવામાન કેન્દ્રના ડિરેક્ટર ડો. મનોરમા મોહંતીએ જણાવ્યું હતુ કે, આગામી દિવસોમાં વરસાદ થવાની સંભાવનાઓ છે, સોમવાર સુધી છૂટાછવાયો વરસાદ વરસી શકે છે. દક્ષિણ ગુજરામાં વરસાદ રહેવાની શક્યતાઓ છે.
સિસ્ટમ એક્ટિવેટ થવાની માહિતી આપીને જણાવ્યું છે કે, વરસાદી સિસ્ટમના કારણે 18, 19 અને 20 તારીખે વરસાદ રહેશે. સમગ્ર ગુજરાતમાં વરસાદ થવાની સંભાવના છે. આ દરમિયાન ભારેથી અત્યંત ભારે વરસાદ થવાની શક્યતાઓ પણ છે. નોંધનીય છે કે ચોમાસાના બીજા રાઉન્ડ દરમિયાન પણ લગભગ સમગ્ર ગુજરાતમાં વરસાદ થયો હતો.
ડો. મોહંતીએ મંગળવારની આગાહી કરીને જણાવ્યું છે કે, કેટલાક ભાગોમાં અતિભારે વરસાદ થવાની શક્યતાઓ છે, આ તારીખે દક્ષિણ ગુજરાતના કેટલાક જિલ્લામાં ભારે વરસાદ થવાની સંભાવનાઓ છે. જ્યારે 19મીએ સમગ્ર ગુજરાતમાં વરસાદ રહેશે. આ દરમિયાન હળવા અને સામાન્ય વરસાદની સાથે ભારેથી અતિભારે વરસાદની પણ સંભાવના છે.
દિલ્હી-NCR પૂરમાં ફસાયેલી BMW કાર કરતાં પણ મોંઘો આખલો! NDRFએ બચાવ્યો, જુઓ વીડિયો
ઉત્તર પશ્ચિમ રાજસ્થાનથી ઉત્તર બંગાળની ખાડી સુધી એક ટ્રફ રચાશે. જેના કારણે દેશના મધ્ય ભાગમાં પણ ભારે વરસાદ થશે, 17થી 20 જુલાઈમાં ભારે વરસાદ થશે, દક્ષિણ ગુજરાત સૌરાષ્ટ્રમાં ભારે વરસાદ થશે. મોરબી, સુરેન્દ્રનગર, કચ્છ, સાબરકાંઠા, બનાસકાંઠા, પાટણ, અમદાવાદ, ખેડા, નડીયાદ, વડોદરામાં ભારે વરસાદની શક્યતા રહેશે. વરસાદી વહન મહેસાણાથી લઈ ચોટીલાના ભાગ સુધી થવાની સંભાવના છે.