Gujarat Weather Forecast : આ અઠવાડિયા દરમિયાન ગુજરાતમાં વરસાદ રહેવાની સંભાવનાઓ છે, જેમાં મોટાભાગે હળવાથી સામાન્ય વરસાદ રહેવાની શક્યતાઓ જણાવવામાં આવી રહી છે. જેમાં આજના દિવસે રાજ્યમાં ભારેથી અત્યંત ભારે વરસાદ તૂટી પડવાની સંભાવનાઓ છે. જેમાં કેટલાક ભાગો માટે રેડ, ઓરેન્જ તથા યલો એલર્ટ આપવામાં આવ્યું છે.
અમદાવાદ હવામાન વિભાગના ડિરેક્ટર ડૉ. મનોરમા મોહંતીએ ચાલુ અઠવાડિયા માટે આગાહી કરીને જણાવવામાં આવ્યું છે કે, સમગ્ર રાજ્યમાં વરસાદી વાતાવરણ રહેવાની સંભાવનાઓ છે. આ સાથે કેટલાક ભાગોમાં ભારેથી અતિભારે વરસાદની સંભાવનાઓ પણ છે. આજે રાજ્યમાં ભારેથી અતિભારે વરસાદની શક્યતાઓ વ્યક્ત કરાઈ છે. જેમાં સૌરાષ્ટ્ર સહિત રાજ્યના અન્ય ભાગોનો સમાવેશ થાય છે.
હવામાન વિભાગના ડૉ. મોહંતીએ મંગળવારે આગાહી કરી હતી જેમાં 19મી જુલાઈ માટે આગાહી કરવામાં આવી હતી, જેમાં ભારેથી અત્યંત ભારે વરસાદની શક્યતાઓ જણાવવામાં આવી છે. આ સિવાય સમગ્ર રાજ્યમાં હળવાથી અત્યંત ભારે વરસાદની શક્યતાઓ છે. જેમાં સૌરાષ્ટ્ર અને દક્ષિણ ગુજરાતના ભાગોમાં અત્યંત ભારે વરસાદની સંભાવના છે.
હવામાન ખાતા દ્વારા આજે ગુજરાતમાં અમરેલી, ભાવનગર અને વલસાડ માટે વરસાદી રેડ એલર્ટ જાહેર કરાયું છે. જ્યાં ભારેથી અતિભારે વરસાદની આગાહી કરાઈ છે. આ ઉપરાંત જૂનાગઢ, ગિર સોમનાથ માટે ભારે વરસાદની આગાહી દર્શાવતું ઓરેન્જ એલર્ટ જાહેર કરાયું છે. જ્યારે પોરબંદ, રાજકોટ, બોટાદ, આણંદ, વડોદરા, ભરૂચ, સુરત, તાપી અને ડાંગ માટે વરસાદનું યલ્લો એલર્ટ જાહેર કરાયું છે. આ ઉપરાંત દમણ અને દાદરા નગર હવેલી માટે પણ વરસાદનું એલર્ટ હવામાન ખાતા દ્વારા જાહેર કરાયું છે.
સહારામાં ફસાયેલા નાણાં આટલા દિવસોમાં મળી જશે, રોકાણકારોએ પોર્ટલ પર અરજી કરવી પડશે, જાણો પ્રક્રિયા
ખાતામાં 10 હજાર પણ નહોતા અને ATMમાંથી 9 કરોડ રૂપિયા ઉપાડી ગયા! જોરદાર અય્યાશી કરી અને પછી…
આવતી કાલે 20મી જુલાઈ માટે જુનાગઢ, અમરેલી, ગિર સોમનાથ, ભાવનગર અને સાબરકાંઠા તથા બનાસકાંઠા માટે વરસાદનું ઓરેન્જ એલર્ટ અને પંચમહાલ, દાહોદ, નવસારી, વલસાડ, રાજકોટ અને પોરબંદર માટે યલ્લો એલર્ટ જાહેર કરાયું છે. 21 તારીખ માટે કચ્છ, દેવભૂમિ દ્વારકા, પોરબંદર, જૂનાગઢ, નવસારી, વલસાડ, દમણ, દાદરા નગર હવેલી માટે વરસાદનું યલ્લો એલર્ટ જાહેર કરાયું છે. જ્યારે 22 તારીખ માટે બોટાદ, ભાવનગર, સુરત, નવસારી, વલસાડ, દમણ માટે વરસાદનું યલ્લો એલર્ટ જાહેર કરાયું છે.