Gujarat Weather Forecast: હવામાન વિભાગ (Meteorological Department) દ્વારા રાજ્યમાં વરસાદ માટે હજુ અઠવાડિયું રાહ જોવી પડશે તેવી સંભાવનાઓ શનિવારે કરેલી આગાહીમાં જણાવવામાં આવી હતી. રાજ્યમાં ઓગસ્ટ (August) મહિનો લગભગ વરસાદ વગરનો રહ્યો છે, આ દરમિયાન દક્ષિણ ગુજરાતના કેટલાક ભાગોમાં હળવાથી મધ્યમ વરસાદ જોવા મળ્યો છે, જોકે, રાજ્યના બાકીના ભાગોમાં સામાન્ય માણસો અને ખેડૂતો દ્વારા વરસાદની આતુરતાથી રાહ જોવાઈ રહી છે.
બંગાળની ખાડીમાં બનેલી સિસ્ટમ દેશની અંદર આવ્યા બાદ ઉત્તરપશ્ચિમ (Northwest) તરફ ફંટાઈ જવાના કારણે રાજ્યમાં વરસાદ થયો નથી. આ સિવાય જે વરસાદી સિસ્ટમ આપતો મોનસૂન ટ્રોફ છે તે પણ સામાન્ય કરતા ઉત્તરમાં રહેતા વરસાદ ગુજરાત સહિતના પશ્ચિમના રાજ્યોમાં ખેંચાયો છે.
રાજ્યના અમદાવાદ હવામાન કેન્દ્રના વૈજ્ઞાનિક અભિમન્ય ચૌહાણે જણાવ્યું કે, દક્ષિણ ગુજરાતમાં હળવાથી સામાન્ય વરસાદ રહેવાની શક્યતાઓ છે, આ સિવાય અઠવાડિયા દરમિયાન સૌરાષ્ટ્ર-કચ્છ સૂકા રહેવાની આગાહી કરવામાં આવી છે. હવામાન વિભાગે કરેલી આગાહી પ્રમાણે હજુ પણ રાજ્યમાં સારા વરસાદની કોઈ સંભાવના દેખાઈ રહી નથી અને હજુ પણ થોડો સમય વરસાદ માટે રાહ જોવી પડી શકે છે.
હવામાન વિભાગે સૌરાષ્ટ્ર કચ્છની સાથે ઉત્તર ગુજરાત પણ મોટાભાગે સૂકું રહેવાની આગાહી કરી હતી. જ્યારે દક્ષિણ ગુજરાતના નર્મદા, સુરત, ડાંગ, નવસારી, વલસાડ, તાપી, દમણમાં બે દિવસ હળવાથી સામાન્ય વરસાદની શક્યતા છે. જોકે, 29 તારીખ પછી અહીં પણ વરસાદમાં મોટો ઘટાડો થવાની સંભાવનાઓ છે. આ પછી નવસારી, વલસાડ, તાપી અને દમણમાં હળવો વરસાદ રહી શકે છે.
હવામાન વિભાગે સપ્ટેમ્બર મહિનાની શરુઆતથી લગભગ સમગ્ર ગુજરાતમાંથી વરસાદ ગાયબ થવાની આગાહી કરી છે, હાલ રાજ્યમાં કોઈ પણ પ્રકારની વરસાદી સિસ્ટમ એક્ટીવ નથી, જેના કારણે રાજ્યમાં ક્યાંય ભારે કે અતિભારે વરસાદની ચેતવણી આપવામાં આવી નથી. એટલે કે હમણાં રાજ્યમાં વરસાદ માટે રાહ જોવી પડશે.
ઓછા બજેટમાં આટલી મોટી સફળતાથી દુનિયા પણ આશ્ચર્યચકિત થઈ, ઈસરોએ કેવી રીતે કરી બતાવી આ અજાયબી?
શાહરૂખ સલમાન પણ જોતા રહી ગયા, ગદર-2 હિટ થયા બાદ સની દેઓલની ફીમાં તોતિંગ વધારો, જાણો હવે કેટલા લે છે!
બહેન જો રક્ષાબંધનના દિવસે આ એક ઉપાય કરી નાખે તો ભાઈ બની જશે કરોડપતિ, જલ્દી જાણી લો
હવામાન વિભાગે અમદાવાદ અંગે વાત કરીને જણાવ્યું કે, વરસાદ રહેવાની સંભાવનાઓ નથી પરંતુ આકાશ વાદળછાયું રહી શકે છે. અલનીનોની સંભાવના અંગે અગાઉથી જ શક્યતાઓ વ્યક્ત કરવામાં આવી હતી અને હાલ તેની અસરના કારણે વરસાદમાં ભારે ઘટાડો થયો છે. વાદળછાયું વાતાવરણ હોવાથી તાપમાનમાં હમણાં કોઈ મોટા ફેરફારની શક્યતાઓ ન હોવાનું પણ હવામાન વિભાગે જણાવ્યું છે.