Himachal Rains: હિમાચલ પ્રદેશમાં મુશળધાર વરસાદ સતત તબાહી મચાવી રહ્યો છે. સતત વરસાદના કારણે સ્થિતિ બેકાબૂ બની છે. રાજ્યમાં પૂર જેવી સ્થિતિ છે. હિમાચલ પ્રદેશના સોલનના પરવાનુ સેક્ટરમાં અનેક વાહનો ધોવાઈ ગયા છે. છેલ્લા કેટલાક દિવસોથી પડી રહેલા ભારે વરસાદને કારણે સેક્ટરમાં અચાનક રસ્તા પર પાણી આવી ગયા હતા, જેમાં અનેક વાહનો ધોવાઈ ગયા હતા. વીડિયોમાં ઘણી કાર અને બાઇક વહેતી જોવા મળે છે.
હવામાન વિભાગે હિમાચલમાં વરસાદ માટે રેડ એલર્ટ જાહેર કર્યું છે. આજે પણ રાજ્યમાં ભારે વરસાદની સંભાવના છે. ભારે વરસાદને કારણે હિમાચલ પ્રદેશના અનેક વિસ્તારો પાણીમાં ડૂબી ગયા હતા, રસ્તાઓ, વાહનો અને મકાનો ધોવાઈ ગયા હતા. રાજ્યમાં ઘણી જગ્યાએ ભૂસ્ખલનને કારણે અનેક લોકોના મોત થયા છે. મનાલીમાં 20 લોકોને બચાવી લેવાયા છે. વરસાદ અને પૂરના કારણે રાજ્યભરમાં 300થી વધુ લોકો ફસાયેલા છે.
દિગઢ-મનાલી નેશનલ હાઈવે સહિત 765 રસ્તાઓ બંધ
અનેક જગ્યાએ ટ્રાફિકને અસર થઈ છે. મુશળધાર વરસાદ બાદ ચંદીગઢ-મનાલી નેશનલ હાઈવે સહિત 765 રસ્તાઓ બંધ થઈ ગયા છે. છેલ્લા 48 કલાકમાં ભૂસ્ખલનની 20 મોટી ઘટનાઓ બની છે. શિમલા-કાલકા રેલવે લાઇન પર ભૂસ્ખલનને કારણે રેલ વ્યવહાર પ્રભાવિત થયો હતો. રાજ્યભરમાં આગામી બે દિવસ માટે શાળા-કોલેજો બંધ રાખવામાં આવી છે.
ગુજરાત સહિત આટલા રાજ્યોમાં પેટ્રોલ-ડીઝલના ભાવમાં મોટો ફેરફાર, જલદી જાણી લો નવી કિંમત્ત
ભારતના આ રાજ્યમાં ભારેથી અતિભારે વરસાદ, રાજ્યની તમામ શાળાઓ 13 જુલાઈ સુધી બંધ, જ્યા જુઓ ત્યાં તબાહી
સીએમ સુખુએ લોકોને અપીલ કરી
મુખ્યમંત્રી સુખવિંદર સિંહ સુખુએ લોકોને ભારે વરસાદ દરમિયાન નદીઓ અને નાળાઓ પાસે ન જવાની અપીલ કરી હતી. તેમણે લોકોને આગામી 24 કલાક માટે સતર્ક રહેવા જણાવ્યું હતું. મુખ્યમંત્રીએ તમામ ધારાસભ્યોને પોતપોતાના મતવિસ્તારમાં રહેવા અને મુશ્કેલીમાં રહેલા લોકોને મદદ કરવા પણ કહ્યું. તમને જણાવી દઈએ કે રાજ્ય સરકારે સંકટમાં ફસાયેલા લોકોની મદદ માટે ત્રણ નંબર પણ જારી કર્યા છે.