હવામાનનો મિજાજ હવે સતત બદલાઈ રહ્યો છે. દેશના મોટાભાગના રાજ્યોમાં તાપમાનમાં વધારો નોંધાઈ રહ્યો છે. રાજધાની દિલ્હીનું તાપમાન પણ સતત વધી રહ્યું છે. આગામી બે દિવસમાં દિલ્હીનું મહત્તમ તાપમાન 38 અને 39 ડિગ્રી સુધી નોંધાઈ શકે છે, ત્યારબાદ 18 એપ્રિલ સુધીમાં તે 40 ડિગ્રી સેલ્સિયસ સુધી પહોંચવાની સંભાવના છે. આજે આંશિક વાદળછાયા વાતાવરણ સાથે તાપમાન 37 ડિગ્રી રહેવાની આગાહી કરવામાં આવી છે.
હવામાન વિભાગના જણાવ્યા અનુસાર દેશના વિવિધ રાજ્યોમાં છુટોછવાયો વરસાદ અને કરા પડશે. દક્ષિણ-પશ્ચિમ રાજસ્થાન પર સાયક્લોનિક સરક્યુલેશન બની રહ્યું છે, જેની અસર જોવા મળશે. બીજી તરફ તાજા વેસ્ટર્ન ડિસ્ટર્બન્સને કારણે 15 એપ્રિલથી પશ્ચિમ હિમાલય વિસ્તારમાં હવામાનમાં ફેરફાર થવાની સંભાવના છે. તેની અસરને કારણે ગાજવીજ સાથે હળવાથી મધ્યમ વરસાદની પ્રબળ શક્યતા છે.
હવામાન વિભાગના જણાવ્યા અનુસાર, આગામી 5 દિવસ સુધી કોંકણ અને પશ્ચિમ ભારતના દરિયાકાંઠાના વિસ્તારોમાં ગાજવીજ/વીજળીના ચમકારા સાથે હળવા/મધ્યમ વરસાદની શક્યતા છે. તે જ સમયે, આગામી 5 દિવસ દરમિયાન ગોવા, મધ્ય મહારાષ્ટ્ર અને મરાઠવાડામાં સમાન હવામાનની સ્થિતિ રહેશે. આ સિવાય 12-14 એપ્રિલ દરમિયાન મધ્ય મહારાષ્ટ્રમાં છૂટાછવાયા કરા પડવાની સંભાવના છે.
વિજળીનું બિલ થઈ જશે સાવ મફત! સરકાર લાવી તમારા માટે જબરદસ્ત સ્કીમ, AC-Cooler બધું જ ફ્રીમાં ચાલશે
આ ઉપરાંત, 15 અને 16 તારીખે ઉત્તર-પશ્ચિમ ભારતમાં ગાજવીજ/વીજળી સાથે હળવા/મધ્યમ વરસાદની શક્યતા છે. જમ્મુ-કાશ્મીર, લદ્દાખ, હિમાચલ પ્રદેશ, ઉત્તરાખંડ અને પંજાબ, ઉત્તર હરિયાણા અને પશ્ચિમ રાજસ્થાનમાં 16 એપ્રિલે છૂટાછવાયા હળવા વરસાદની શક્યતા છે. બીજી બાજુ, 13 એપ્રિલે, હરિયાણા અને ઉત્તર પ્રદેશમાં મજબૂત સપાટીના પવનો (25-35 કિમી પ્રતિ કલાક) ની શક્યતા છે. આ સિવાય 12 થી 16 એપ્રિલ સુધી પશ્ચિમ બંગાળના વિવિધ વિસ્તારોમાં હીટવેવની સ્થિતિ રહેવાની સંભાવના છે.