IPL-2023ની તેમની પ્રથમ મેચમાં ગુજરાત ટાઇટન્સ સામે ચેન્નાઇ સુપર કિંગ્સનો પરાજય થયો હતો. ચેન્નાઈની ટીમ ભલે મેચ હારી ગઈ હોય, પરંતુ કેપ્ટન મહેન્દ્ર સિંહ ધોનીએ પોતાની બેટિંગથી હેડલાઈન્સ બનાવી હતી. ચેન્નાઈ માટે ફિનિશરની ભૂમિકા ભજવી રહેલા ધોનીએ અંતિમ ઓવરોમાં જોરદાર બેટિંગ કરી અને ટીમનો સ્કોર 178 રન સુધી પહોંચાડ્યો.
Arijit Singh 🐐 to MS Dhoni 🐐#cskvsgt pic.twitter.com/mr8CWan8wy
— Sudhanshu Ranjan Singh (@memegineers_) March 31, 2023
IPLની 16મી સિઝનની શરૂઆત જોરદાર ઓપનિંગ સેરેમની સાથે કરવામાં આવી હતી. લગભગ 5 વર્ષ બાદ IPL ઓપનિંગ સેરેમનીનું આયોજન કરવામાં આવ્યું હતું. બોલિવૂડ એક્ટ્રેસ રશ્મિકા મંદન્ના, તમન્ના ભાટિયા ઉપરાંત સિંગર અરિજિત સિંહ પણ IPL ઓપનિંગ સેરેમનીમાં પરફોર્મ કરતા જોવા મળ્યા હતા. ઓપનિંગ સેરેમનીની ઘણી તસવીરો સોશિયલ મીડિયા પર વાયરલ થઈ રહી છે. આમાંની એક તસવીર ફોટો ફેન્સમાં ચર્ચાનો વિષય બની છે.
🥺🥺😭😭😭#MSDhoni #ArijitSingh pic.twitter.com/BzNWABX3Fr
— Shweta (@ShwetaSparkles) March 31, 2023
અરિજિતે ધોનીના પગને સ્પર્શ કર્યો
સોશિયલ મીડિયા પર વાયરલ થયેલી તસવીરમાં સિંગર અરિજિત સિંહ મહેન્દ્ર સિંહ ધોનીના બંને પગને સ્પર્શ કરતો જોવા મળી રહ્યો છે. ઓપનિંગ સેરેમનીમાં અરિજિત સિંહે પોતાના ભાવપૂર્ણ અવાજથી ચાહકોનું મનોરંજન કર્યું હતું. આ પછી, જ્યારે તે ધોનીને મળ્યો, ત્યારે અરિજિતે કંઈક એવું કર્યું જેની ભાગ્યે જ કોઈએ કલ્પના કરી હશે. અરિજિતે ધોનીના બંને પગ સ્પર્શ કરીને કેપ્ટન કૂલનું સન્માન કર્યું હતું. અરિજીતની આ તસવીર પર ફેન્સ સતત કોમેન્ટ કરી રહ્યા છે.
CSKના 14 કરોડના ખેલાડીએ જીતેલી બાજીની પથારી ફેરવી નાખી, એક ઓવર નાખી અને GTને લાડવો મળી ગયો
પ્રથમ મેચમાં ચેન્નાઈનો પરાજય થયો હતો
IPLની પ્રથમ મેચમાં ગુજરાત ટાઇટન્સે ચેન્નાઇ સુપર કિંગ્સને પાંચ વિકેટે હરાવ્યું હતું. ગુજરાતના કેપ્ટન હાર્દિક પંડ્યાએ ટોસ જીતીને પ્રથમ બોલિંગ કરવાનો નિર્ણય કર્યો હતો. ટોસ હાર્યા બાદ પ્રથમ બેટિંગ કરવાનું પસંદ કરતી ચેન્નાઈની શરૂઆત ખરાબ રહી અને એક છેડેથી વિકેટો પડતી રહી. જોકે ચેન્નાઈ સુપર કિંગ્સે રૂતુરાજ ગાયકવાડના 92 રનની મદદથી સાત વિકેટે 178 રન બનાવ્યા હતા. 179 રનનો પીછો કરતા રશીદ ખાનની બેટિંગના આધારે ગુજરાતે છેલ્લી ઓવરમાં પાંચ વિકેટે મેચ જીતી લીધી હતી.