Israel Hamas War: ઇઝરાયેલ અને હમાસ વચ્ચે યુદ્ધ સતત વધી રહ્યું છે. બંને વચ્ચે આ યુદ્ધ છેલ્લા 21 દિવસથી ચાલી રહ્યું છે. હમાસના હુમલા બાદ ઈઝરાયેલે જવાબી કાર્યવાહીમાં ગાઝાને સંપૂર્ણ રીતે નષ્ટ કરી દીધું હતું. આ દરમિયાન એવા સમાચાર છે કે ઈઝરાયેલની સેનાએ ગાઝામાં ફરી એકવાર હવાઈ હુમલા તેજ કર્યા છે. ઈઝરાયેલની સેનાએ 100 ફાઈટર પ્લેન વડે ગાઝા પર બોમ્બમારો કર્યો છે.
ગાઝાના મોટાભાગના વિસ્તારોમાં ઈન્ટરનેટ ખોરવાઈ ગયું છે. કહેવામાં આવી રહ્યું છે કે આજે ગાઝામાં કયામતની રાત બનવા જઈ રહી છે. ઇઝરાયેલની સેના ગાઝા પટ્ટીમાં હમાસની જગ્યાઓ પર બોમ્બમારો કરી રહી છે. IDFના પ્રવક્તા ડેનિયલ હગારીએ જણાવ્યું હતું કે ઇઝરાયેલની સેનાએ છેલ્લા કેટલાક કલાકોમાં ગાઝા પટ્ટીમાં શ્રેણીબદ્ધ હવાઈ હુમલા કર્યા છે.
ઉત્તરી ગાઝામાં હુમલા ચાલુ રહેશે
તેમણે કહ્યું કે ઈઝરાયેલની સેના આજે રાત્રે ગ્રાઉન્ડ ઓપરેશનને વધુ તીવ્ર બનાવશે. હગારીએ કહ્યું કે IDF ઉત્તર ગાઝા અને તેની આસપાસના વિસ્તારોમાં હુમલા ચાલુ રાખશે. પેલેસ્ટિનિયનોએ ગાઝા પટ્ટીના દક્ષિણ ભાગમાં જવા જોઈએ તેવા નિવેદનને તેમણે ફરીથી દોહરાવ્યું હતું. IDFના પ્રવક્તાએ કહ્યું કે સેના સતત હમાસની જગ્યાઓ પર હુમલો કરી રહી છે.
હમાસના આતંકવાદીઓ હોસ્પિટલમાં છુપાયેલા છે
ઈઝરાયેલના પીએમએ કહ્યું કે હમાસના આતંકવાદીઓ હોસ્પિટલમાં છુપાયેલા છે. તેમણે કહ્યું કે હમાસ પાસે શિફા હોસ્પિટલ સાથે જોડાયેલ એક ટનલ છે. શિફા હોસ્પિટલમાં હમાસનો કમાન્ડ એન્ડ કંટ્રોલ સેલ છે. હોસ્પિટલ તેનું અંડરગ્રાઉન્ડ ટેરર કોમ્પ્લેક્સ છે. તમને જણાવી દઈએ કે આ યુદ્ધમાં ઈઝરાયલે કહ્યું છે કે જ્યાં સુધી હમાસનો નાશ ન થાય ત્યાં સુધી અમે રોકાઈશું નહીં. આપણે માણસો સાથે નહિ, રાક્ષસો સામે લડી રહ્યા છીએ.
ગાઝામાં 7000 થી વધુ લોકોના મોત
તમને જણાવી દઈએ કે ગાઝામાં અત્યાર સુધીમાં 7000 થી વધુ લોકો માર્યા ગયા છે જ્યારે 19 હજારથી વધુ લોકો ઘાયલ હોવાનું કહેવાય છે. મૃત્યુઆંકમાં 3000 થી વધુ બાળકોનો સમાવેશ થાય છે.
એક સમયે મુકેશ અંબાણી કરતા પણ વધુ અમીર હતો આ શખ્સ, ખરાબ દિવસો આવ્યા તો પોતાના ઘરેણાં પણ વેચવા પડ્યા
સોનાના ભાવમાં મોટો કડાકો, આસમાનથી સીધા જમીન પર ભાવ આવી ગયા, જાણો એક તોલાના હવે કેટલા આપવાના?
તે જ સમયે, હમાસના હુમલામાં ઇઝરાયેલમાં 1400 થી વધુ લોકોના મોત થયા છે જ્યારે હજારો લોકો ઘાયલ થયા છે. ઈઝરાયેલ-હમાસ યુદ્ધ 7 ઓક્ટોબરે શરૂ થયું હતું. હમાસે અચાનક ઈઝરાયેલ પર હુમલો કર્યો. ઇઝરાયેલે પણ હમાસ સામે બદલો લીધો અને આ કાર્યવાહી હજુ પણ ચાલુ છે.