Israel Declares State of War: ગાઝાથી ઈઝરાયેલ પર મોટા પ્રમાણમાં રોકેટ હુમલા બાદ ઈઝરાયેલી સેનાએ યુદ્ધની સ્થિતિ જાહેર કરી દીધી છે. પ્રાપ્ત માહિતી અનુસાર ગાઝા તરફથી ઈઝરાયેલના ઘણા રહેણાંક વિસ્તારો પર રોકેટ છોડવામાં આવ્યા છે. ઈઝરાયલ તરફ છોડવામાં આવતા રોકેટના અવાજો ગાઝા પટ્ટીના આકાશમાં ગુંજતા હતા, જ્યારે ઈઝરાયેલને હવાઈ હુમલા સામે ચેતવણી આપતા સાયરનનો અવાજ પણ ઉત્તરમાં લગભગ 70 કિલોમીટર દૂર દેશની આર્થિક અને સાંસ્કૃતિક રાજધાની તેલ અવીવમાં સંભળાયો હતો.
ગાઝાથી રોકેટ હુમલા બાદ ઈઝરાયેલે પણ નિવેદન જાહેર કર્યું છે. આ નિવેદનમાં કહેવામાં આવ્યું છે કે અમે ‘યુદ્ધ માટે તૈયાર’ છીએ. અગાઉ એક જાહેર નિવેદનમાં, મોહમ્મદ ડેઇફે જણાવ્યું હતું કે “ઓપરેશન અલ-અક્સા સ્ટોર્મ” શરૂ કરીને શનિવારે વહેલી સવારે ઇઝરાયેલ પર 5,000 રોકેટ છોડવામાં આવ્યા હતા.
હમાસના સૈન્ય નેતાએ તમામ પેલેસ્ટાઈનીઓને ઈઝરાયેલનો સામનો કરવા વિનંતી કરતા કહ્યું કે, “અમે એટલું કહેવાનું નક્કી કર્યું છે કે હવે બોવ થયું, આટલું બસ છે.” મોહમ્મદ દેઈફનો આ સંદેશ રેકોર્ડિંગના રૂપમાં સામે આવ્યો છે. કારણ કે તે ક્યારેય જાહેરમાં દેખાતા નથી.
ગુજરાતમાં વાવાઝોડાની એન્ટ્રી અને આખા દેશમાં વરસાદને લઈ અંબાલાલે કરી ઘાતક આગાહી, જાણીને ધ્રુજી ઉઠશો!
તને કહી દઉં છું અંદર ના આવતો…. મની લોન્ડરિંગ કેસમાં ફસાયેલા રણબીર કપૂરને શેનો પાવર આવી ગયો?
ઇઝરાયેલની મેગેન ડેવિડ એડોમ રેસ્ક્યુ એજન્સીએ જણાવ્યું હતું કે દક્ષિણ ઇઝરાયેલમાં એક ઇમારત પર રોકેટ અથડાતાં 70 વર્ષની એક મહિલા ગંભીર રીતે ઘાયલ થઇ હતી. એજન્સીના જણાવ્યા અનુસાર આ સિવાય 20 વર્ષીય યુવકને રોકેટના કારણે સામાન્ય ઈજાઓ થઈ હતી. ઈઝરાયેલે ગાઝા પટ્ટીમાંથી પણ ઘૂસણખોરીના અહેવાલ આપ્યા છે. મળતી માહિતી મુજબ હમાસના ઘણા ઉગ્રવાદીઓ ઈઝરાયેલમાં ઘૂસ્યા હોવાના પણ સમાચાર છે.