National News: બંગાળની ખાડીમાં આઠ વર્ષ પહેલાં ગુમ થયેલા ભારતીય વાયુસેનાના AN-32 વિમાનનો કાટમાળ ચેન્નાઈથી લગભગ 310 કિમી દૂર દરિયાઈ સપાટીથી લગભગ 3400 મીટર નીચે મળી આવ્યું છે.
નેશનલ ઇન્સ્ટિટ્યૂટ ઓફ ઓશન ટેક્નોલોજી દ્વારા અદ્યતન એયુવીનો ઉપયોગ કરીને ભંગાર શોધવામાં આવ્યું હતો. આ શોધ અને બચાવ કામગીરી સમુદ્રમાં ગુમ થયેલા વિમાન માટે ભારતનું અત્યાર સુધીનું સૌથી મોટું સર્ચ ઓપરેશન બની ગયું છે.
પ્લેન 22 જુલાઈ 2016ના રોજ ઉડાન ભરી હતી
ભારતીય વાયુસેનાના એન્ટોનવ An-32 ટ્વીન એન્જિન ટર્બોપ્રોપ ટ્રાન્સપોર્ટ એરક્રાફ્ટે 22 જુલાઈ, 2016ના રોજ સ્થાનિક સમય અનુસાર સવારે 8:30 વાગ્યે ચેન્નાઈના તાંબરમ એરફોર્સ સ્ટેશનથી ઉડાન ભરી હતી. તે સ્થાનિક સમય અનુસાર સવારે 11:45 વાગ્યે પોર્ટ બ્લેરમાં ભારતીય નેવલ એર સ્ટેશન INS ઉત્ક્રોશ પર લેન્ડ થવાનું હતું.
ચેન્નાઈથી પૂર્વમાં 280 કિલોમીટર દૂર સવારે 9:12 વાગ્યે એરક્રાફ્ટ સાથેનો રડાર સંપર્ક તૂટી ગયો હતો. તે સમયે એરક્રાફ્ટ બંગાળની ખાડીના પશ્ચિમ કિનારે આવેલા ચેન્નઈ શહેરમાં તાંબરમ એરફોર્સ સ્ટેશનથી આંદામાન અને નિકોબાર ટાપુઓના પોર્ટ બ્લેર તરફ જઈ રહ્યું હતું. તે બંગાળની ખાડી પર ઉડતી વખતે ચેન્નાઈથી લગભગ 150 નોટિકલ માઈલ પૂર્વમાં બંગાળની ખાડી પર અદૃશ્ય થઈ ગયું.
વિમાનમાં 29 કર્મચારીઓ સવાર હતા
તે સમયે વિમાનમાં સવાર 29 લોકોમાં છ ક્રૂ સભ્યો, 11 ભારતીય વાયુસેનાના કર્મચારીઓ, બે ભારતીય સૈન્યના કર્મચારીઓ, ભારતીય નૌકાદળ અને ભારતીય કોસ્ટ ગાર્ડના એક-એક અને નેવલ આર્મમેન્ટ ડેપો (NAD) સાથે સેવા આપતા આઠનો સમાવેશ થાય છે.
પ્લેન ગુમ થયાના ત્રીજા દિવસે ભારતીય નૌકાદળ અને ભારતીય કોસ્ટ ગાર્ડે સબમરીન, 16 સપાટી જહાજો અને છ એરક્રાફ્ટનો ઉપયોગ કરીને મોટી શોધ અને બચાવ કામગીરી હાથ ધરી હતી. એક અઠવાડિયા પછી સત્તાવાર રીતે પુષ્ટિ કરવામાં આવી હતી કે એરક્રાફ્ટમાં અંડરવોટર લોકેટર બીકન (ULB) નથી પરંતુ બે ઈમરજન્સી લોકેટર ટ્રાન્સમીટર (ELTs) હતા.
શોધ અને બચાવ કામગીરી આખરે 15 સપ્ટેમ્બર, 2016 ના રોજ બંધ કરવામાં આવી હતી. ઉપરાંત, વિમાનમાં સવાર તમામ 29 લોકોને મૃત માનવામાં આવ્યા હતા અને તેમના પરિવારજનોને જાણ કરવામાં આવી હતી.
આઠ વર્ષ પછી કાટમાળ મળ્યો
ભારતીય વાયુસેનાના AN-32 વિમાનનો કાટમાળ આઠ વર્ષ બાદ મળ્યો, આ સર્ચ અને રેસ્ક્યુ ઓપરેશન સમુદ્રમાં ગુમ થયેલા વિમાન માટે ભારતનું અત્યાર સુધીનું સૌથી મોટું સર્ચ ઓપરેશન બની ગયું છે.
અદ્યતન એયુવીનો ઉપયોગ કરીને ચેન્નાઈથી લગભગ 310 કિમી દૂર પૃથ્વી વિજ્ઞાન મંત્રાલય હેઠળ કાર્યરત નેશનલ ઈન્સ્ટિટ્યૂટ ઓફ ઓશન ટેકનોલોજી. સમુદ્ર સપાટીથી લગભગ 3400 મીટર નીચે વિમાનનો કાટમાળ શોધવાની સિદ્ધિ મેળવી છે.
દરિયામાં 3400 મીટરની ઉંડાઈએ કાટમાળ મળ્યો
સંસ્થાના વૈજ્ઞાનિકોએ AN-32 એરક્રાફ્ટના ગુમ થવાના સ્થળે ઊંડા સમુદ્રમાં ઓટોનોમસ અંડરવોટર વ્હીકલ (AUV) તૈનાત કર્યું હતું. તે વિશેષ તકનીકી ક્ષમતાઓથી સજ્જ વાહન છે. મલ્ટી બીમ સોનાર, સિન્થેટીક એપરચર સોનાર અને હાઇ રિઝોલ્યુશન ફોટોગ્રાફી સહિત બહુવિધ પેલોડ્સનો ઉપયોગ કરીને ક્રેશ થયેલા એરક્રાફ્ટનો કાટમાળ સમુદ્રની નીચે 3400 મીટરની ઊંડાઈએ શોધી કાઢવામાં આવ્યો હતો.
VGGS2024: ઈસરોએ મોટી કરી જાહેરાત, 2040 સુધીમાં લોન્ચ કરશે પોતાનું સ્પેસ સ્ટેશન
VGGS2024: ગુજરાતમાં મુખ્યમંત્રી ગ્રામ સડક યોજનામાં NDB-ન્યૂ ડેવલપમેન્ટ બેંક 500 મિલિયન ડોલર લોન આપશે
શોધાયેલા કાટમાળના ફોટોગ્રાફ્સ તપાસ્યા બાદ તે AN-32 એરક્રાફ્ટ સાથે સુસંગત હોવાનું જણાયું હતું. તમામ વિશ્લેષણ બાદ જાણવા મળ્યું છે કે આ કાટમાળ ક્રેશ થયેલા એરક્રાફ્ટ AN-32નો જ છે, કારણ કે તે વિસ્તારમાં અન્ય કોઈ એરક્રાફ્ટ ક્રેશ થવાના કે ગુમ થયાના કોઈ અહેવાલ નથી.