મેક-અપ કરાવ્યા બાદ બે મહિલાઓ પૈસા આપ્યા વગર બ્યુટીપાર્લરમાંથી ભાગી ગઈ હતી. તેના આ કૃત્ય પર બ્યુટી પાર્લરના માલિકે પોલીસમાં ફરિયાદ કરી છે. આ સાથે તેણે સોશિયલ મીડિયા પર એક પોસ્ટ કરીને તે મહિલાઓને શોધવાની અપીલ કરી છે. પાર્લરના માલિકનું નામ જેડ એડમ્સ છે.
28 વર્ષીય એડમ્સે જણાવ્યું કે બે દિવસ પહેલા તેની દુકાન પર બે મહિલાઓ આવી હતી. તેઓએ પોતાનો પરિચય મા-દીકરી તરીકે આપ્યો. બંનેએ મેકઅપની સાથે બોટોક્સ ટ્રીટમેન્ટ અને અન્ય મોંઘી ટ્રીટમેન્ટ કરાવી. પરંતુ જ્યારે 48,942 રૂપિયાનું બિલ ભરવાનો સમય આવ્યો ત્યારે તેઓ દંગ રહી ગઈ.
બ્રિટનના રહેવાસી જેડ એડમ્સે ફેસબુક પર એક મહિલાનો ફોટો શેર કરતા લખ્યું – કૃપા કરીને ચોરની તસવીર શેર કરો. કમનસીબે આ મહિલા અને તેની પુત્રી ગઈકાલે મારા ક્લિનિકમાં બ્યુટી ટ્રીટમેન્ટ માટે આવ્યા હતા. પરંતુ તે પૈસા ચૂકવ્યા વગર ભાગી ગયા છે. તેઓ જે રીતે બોલ્યા તે રીતે તેઓ બંને આઇરિશ લાગતા હતા.
આ બનાવ અંગે એડમસે પોલીસ ફરિયાદ નોંધાવી છે. તેણે જણાવ્યું કે બંને મહિલાઓએ ક્લિનિકમાં ટ્રીટમેન્ટ (બોટોક્સ અને લિપ ફિલર) માટે બુકિંગ કરાવ્યું, પછી મેકઅપ વગેરે કરાવ્યું અને જ્યારે પૈસા ચૂકવવાનો સમય આવ્યો ત્યારે તેઓ કોઈક બહાને બહાર નીકળી ગયા અને પાછા ન આવ્યા.
એડમ્સના કહેવા પ્રમાણે તેનું બિલ 48 હજાર રૂપિયાથી વધુનું હતું. પહેલા એક મહિલાએ તેની ટ્રીટમેન્ટ કરાવી અને વેઇટિંગ એરિયામાં બેસી ગઈ. જ્યારે બીજી મહિલાએ પણ તેની ટ્રીટમેન્ટ કરાવી ત્યારે તે પેમેન્ટ માટે પ્રથમ મહિલાને ફોન કરવા વેઇટિંગ એરિયામાં આવી હતી.પરંતુ થોડી જ વારમાં બંને ત્યાંથી ગાયબ થઈ ગયા હતા. તેણીએ ત્યા એક બેગ છોડી દીધી હતી, જેથી અહી હાજર લોકો વિચારે કે તે હમણા પરત આવી જશે! પરંતુ તે માત્ર એક છેતરપિંડી હતી.