IPL 2023 માં, સોમવારે ચેપોક સ્ટેડિયમમાં ચેન્નાઈ સુપર કિંગ્સ અને લખનૌ સુપર જાયન્ટ્સ વચ્ચે મેચ હતી. આ મેચમાં પ્રથમ બેટિંગ કરીને આ સિઝનનો સૌથી મોટો સ્કોર બનાવ્યો. મહેન્દ્ર સિંહ ધોનીની સીએસકેએ 20 ઓવરમાં 7 વિકેટે 217 રન બનાવ્યા હતા. આ લક્ષ્યાંકનો પીછો કરતા લખનૌ સુપર જાયન્ટ્સ જીતની નજીક આવવાનું ચૂકી ગઈ. કેએલ રાહુલની ટીમ 205 રન બનાવી શકી અને 12 રનથી મેચ હારી ગઈ. આ જીત બાદ પણ ચેન્નાઈ સુપર કિંગ્સના કેપ્ટન મહેન્દ્ર સિંહ ધોની ટીમથી નારાજ જોવા મળ્યા અને તેણે મેચ બાદ ખેલાડીઓને ચેતવણી પણ આપી. ખેલાડીઓની ભૂલથી ધોની નારાજ થઈ ગયો અને તેણે કેપ્ટનશીપ છોડવાની વાત પણ કરી.
મહેન્દ્ર સિંહ ધોનીએ મેચ બાદ કહ્યું, “અમારે ફાસ્ટ બોલિંગમાં વધુ સુધારો કરવાની જરૂર છે. અમારે પરિસ્થિતિ અનુસાર બોલિંગ કરવાની છે. વિપક્ષી બોલરો શું કરી રહ્યા છે તેના પર નજર રાખવી જરૂરી છે. બીજી એક વાત છે, બોલરોએ નો બોલ અને વાઈડથી બચવું પડશે અથવા તો નવા કેપ્ટનના નેતૃત્વમાં રમવું પડશે. આ મારી બીજી ચેતવણી છે અને પછી હું નીકળી જઈશ.
‘પીચ અંગે શંકા હતી’
ધોનીએ આ દરમિયાન એમ પણ કહ્યું હતું કે આ એક શાનદાર હાઈ સ્કોરિંગ મેચ હતી. અમે બધા વિચારતા હતા કે વિકેટ કેવી હશે. અમને વિકેટ અંગે શંકા હતી. મને લાગ્યું કે વિકેટ ધીમી હશે. પરંતુ, તે એવી વિકેટ હતી જેના પર તમે રન બનાવી શકતા હતા. અમારે એ જોવાનું છે કે આગામી ઘરઆંગણાની મેચોમાં વિકેટ કેવી રીતે વર્તે છે. આશા છે કે, અમે ભવિષ્યમાં પણ આના પર રન બનાવીશું.
CSKના બોલરોએ 13 વાઈડ અને 3 બોલ ફેંક્યા હતા
ચેન્નાઈ સુપર કિંગ્સના બોલરોએ લખનઉ સુપર જાયન્ટ્સ સામે કુલ 13 વાઈડ બોલ ફેંક્યા અને 3 નો બોલ ફેંક્યા. ચેન્નાઈએ વધારાના રૂપે કુલ 18 રન આપ્યા હતા. આમાં 2 લેગ બાય પણ છે. બોલરો સતત વાઈડ ફેંકવાના કારણે CSKનો ઓવર રેટ પણ ધીમો હતો. દીપક ચહરે સૌથી વધુ 5, તુષાર દેશપાંડેએ 4 અને રાજવર્ધન હંગરગેકરે 3 વાઈડ ફેંક્યા હતા.
વિશ્વની સૌથી મોંઘી કેરી, 1 કિલોના ભાવમાં 4 તોલા સોનું આવી જાય! 1 પીસ ખરીદવા માટે પણ પરસેવો પડી જશે
સાથે જ તુષારે ત્રણેય નો બોલ પણ ફેંક્યા હતા. પ્રથમ મેચમાં પણ ચેન્નાઈના બોલરોએ 2 નો બોલ નાખ્યા હતા અને તે ટીમ માટે મોટો ફટકો હતો. કારણ કે આ 2 બોલમાં 14 રન આવ્યા હતા. ધોનીએ તેના બોલરોને સ્પષ્ટ કરી દીધું છે કે જો નો બોલ અને વાઈડ પર લગામ નહીં લગાવવામાં આવે તો તે કેપ્ટનશિપ છોડી દેશે.