ગુજરાતમાં મહિલાઓને હવે કપરાં દિવસો આવ્યા છે અને બજેટ બગડી જાય એવા સમાચાર સામે આવી રહ્યા છે. કારણ કે ગુજરાતમાં સિંગતેલના ભાવમાં સતત વધારો જોવા મળી રહ્યો છે. આજે ફરી સિંગતેલના ભાવમાં વધારો ઝીંકાતા ચારેકોર હાહાકાર મચી ગયો છે. સતત બીજા દિવસે 50 રૂપિયાના ભાવવધારા સાથે સિંગતેલના ડબ્બાનો ભાવ હવે તમારે 2870 રૂપિયા ચૂકવવો પડશે. જ્યારે અન્ય તેલોના ભાવમાં કોઈ ફેરફાર થયો નથી એ એક રાહતના સમાચાર પણ કહી શકાય.
જો કે જોવા જેવી વાત એ છે કે એકબાજુ લગ્નની સિઝન ચાલી રહી છે એવામાં સિંગતેલમાં ભાવવધારો થાય એ દુખદ ઘટના ગણી શકાય. સિંગતેલમાં વધારો થતાં મોંઘવારીમાં પિસાતી ગૃહિણીઓનું બજેટ ખોરવાઈ રહ્યું છે. મહત્વનું છે કે ગઈકાલે પણ સિંગતેલના ભાવ વધ્યા હતા. ગઈ કાલે સિંગતેલના ભાવમાં રૂપિયા 50નો વધારો થયો હતો અને હવે સતત બીજા દિવસે ડબ્બામાં 50 રૂપિયાનો વધારો થયો છે. 2 દિવસમાં સિંગતેલમાં ડબ્બે 100 રૂપિયાનો ભાવ વધારો થતાં ચારેકોર બુમાબુમ જોવા મળી રહી છે.
ગઈકાલની વાત કરીએ તો સીંગતેલના ભાવમાં ડબ્બામાં રૂપિયા 50 નો વધારો ઝીંકાયો હતો. આ મુજબ હવે સિંગતેલના 15 કિલોનો ડબ્બાનો ભાવ જે પહેલા ભાવ રૂ. 2770 હતા તે વધીને 2820 થઈ ગયા હતા. બીજી તરફ મગફળીનું ઉત્પાદન વર્ષે 43 લાખ ટન થઈ રહ્યુ છે. સિંગતેલના ભાવ વધારા વચ્ચે હાલ રાજકોટ માર્કેટિંગ યાર્ડમાં 10 થી 12 હજાર ગુણી મગફળી આવી રહી છે. રૂ. 1300 થી 1650 સુધીના ભાવ બોલાઈ રહ્યા છે. ભાવ વધારાનુ કારણ કહેવામા આવી રહ્યુ છે કે સિંગતેલ માટે મગફળી પિલાણ થઈ રહ્યુ નથી જેથી ભાવમાં વધારો થઈ રહ્યો છે.
કડકડતી ઠંડી બાદ હવે ચામડી દઝાડતી ગરમી માટે તૈયાર થઈ જાઓ, અંબાલાલ પટેલે કરી નાખી મોટી આગાહી
મળતી માહિતી મુજબ સીંગતેલમાં છેલ્લા બે દિવસમાં 30 રૂપિયાનો વધારો થયો છે. આ સાથે વેપારીઓનું કહેવુ છે કે આગામી સમયમા હજુ પણ ભાવ વધારો થશે. સીંગતેલનો ડબ્બો 3,000ને પાર જઈ શકે છે. બીજી તરફ કપાસિયા તેલમાં 20 રૂપિયાનો ઘટાડો થયો છે જેથી 2050 ડબ્બાનો ભા હાલ છે. સન ફલાવર તેલમાં 30 રૂપિયાનો ઘટાડા સાથે ભાવ 2060, સોયાબીન તેલમાં 40 રૂપિયાનો ઘટાડા સાથે ડબાનો ભાવ 2100 રૂપિયા, પામોલિન તેલના ભાવમાં 20 રૂપિયાનો ઘટાડો થતા તેલનો ડબો 1550 રૂપિયામા વેંચાઈ રહ્યો છે.