નોઈડા: હિંડોન નદીમાં પૂરના કારણે ગ્રેટર નોઈડાના સુતિયાના ગામ પાસે ડમ્પિંગ યાર્ડમાં પાર્ક કરેલી 350 કાર પાણીમાં ગરકાવ થઈ ગઈ છે. તેનો ફોટો અને વીડિયો સોશિયલ મીડિયા પર વાયરલ થઈ રહ્યો છે. પોલીસ પ્રવક્તાએ જણાવ્યું કે, ઈકોટેક-3 પોલીસ સ્ટેશન વિસ્તારના પુરાણા સુતિયાણા ગામમાં હિંડોન નદીના ડૂબ વિસ્તારમાં ઓલા કંપનીની કારનું ડમ્પયાર્ડ છે જ્યાં લગભગ 350 વાહનો છે.
પોલીસે જણાવ્યું કે આ યાર્ડના કેરટેકર દિનેશ યાદવે પોલીસને જણાવ્યું છે કે કોરોના કાળની જૂની અને રિકવર થયેલી કાર અહીં પાર્ક કરવામાં આવી છે અને તે તમામ વાહનો હાલમાં બંધ છે. તેમણે કહ્યું કે ઓલા કંપનીના ઉચ્ચ સ્તરીય મેનેજમેન્ટને ડમ્પયાર્ડમાં પાણી ભરવા અંગે જણાવવામાં આવ્યું છે. તેમણે જણાવ્યું કે પાણીના વધતા સ્તરને જોતા ઓલા કંપનીના સંચાલકોને યાર્ડ ખાલી કરવાની નોટિસ આપવામાં આવી છે.
#WATCH | Noida, UP: Due to an increase in the water level of Hindon River, the area near Ecotech 3 got submerged due to which many vehicles got stuck. pic.twitter.com/a5WOcLCH02
— ANI (@ANI) July 25, 2023
ચેતવણી આપ્યા બાદ પણ વાહનો હટાવાયા નથી
જ્યારે આ વીડિયો વાયરલ થયો ત્યારે ડીએમએ કહ્યું, “હિંડોન નદીના ડૂબ વિસ્તારમાં એક ખાનગી કંપનીએ પોતાનું અનધિકૃત યાર્ડ બનાવ્યું છે, જેણે વારંવાર ચેતવણી આપ્યા પછી પણ અહીં પાર્ક કરેલા વાહનો હટાવ્યા નથી. સામાન્ય જનજીવન પ્રભાવિત થયું નથી. કોઈપણ રીતે અને કોઈ જાનહાનિ થઈ નથી.”
હવામાન વિભાગની પાંચ દિવસ સામાન્ય વરસાદની આગાહી, આજે ડાંગ, નવસારી, વલસાડમાં ભારે વરસાદની આગાહી
કુનોના 13 ચિતાઓને ‘બોમસ’માં ખસેડાયા, હવે 2 ચિતા ‘ફ્રી રેન્જ’માં, જાણો કારણ
ઉલ્લેખનીય છે કે, ઉત્તર પ્રદેશમાં ગંગા નદી, યમુના નદી, શારદા નદી સહિત અનેક નદીઓમાં પાણી ઝડપથી વધી રહ્યું છે. દિલ્હીમાં યમુના નદીનું જળસ્તર બુધવારે પણ ખતરાના નિશાનથી ઉપર છે. જેના કારણે હિંડોન નદીના જળસ્તરમાં પણ વધારો થયો છે. જેના કારણે નોઈડા અને ગાઝિયાબાદના ઘણા વિસ્તારોમાં પાણી ભરાઈ ગયા છે. આ દરમિયાન હવે નોઈડાનો આ વીડિયો ઘણો વાયરલ થઈ રહ્યો છે.