અવિશ્વાસ પ્રસ્તાવ કોને કહેવાય અને શું છે, તે ક્યારે-ક્યારે લાગુ પડે, કેટલી વાર પાસ થયો? કોની સરકાર પડી અને બચી?

Politics News: કેન્દ્ર સરકાર સામે વિપક્ષના અવિશ્વાસ પ્રસ્તાવ પર મંગળવાર (8 ઓગસ્ટ)થી ચર્ચા થશે. લોકસભાની સદસ્યતા પુનઃસ્થાપિત કર્યા બાદ રાહુલ ગાંધી સંસદમાં પરત ફર્યા છે અને તેઓ તેના પર ચર્ચા શરૂ કરી શકે છે. અવિશ્વાસ પ્રસ્તાવ પર ત્રણ દિવસમાં 18 કલાક ચર્ચા થશે અને વડાપ્રધાન મોદી 10 ઓગસ્ટે જવાબ આપી શકે છે.

કોંગ્રેસના સાંસદ ગૌરવ ગોગોઈ અને તેલંગાણાના શાસક ભારત રાષ્ટ્ર સમિતિના નામા નાગેશ્વર રાવે મણિપુર મુદ્દે સરકારને ઘેરવા માટે અવિશ્વાસ પ્રસ્તાવની નોટિસ આપી છે. જોકે, નંબર ગેમના મામલે સરકારને કોઈ ખતરો નથી. આ બીજી વખત છે જ્યારે પીએમ મોદીની સરકાર અવિશ્વાસ પ્રસ્તાવનો સામનો કરી રહી છે. ગત ટર્મમાં, તેલુગુ દેશમ પાર્ટી (ટીડીપી) અવિશ્વાસ પ્રસ્તાવ લાવી હતી, જેની સામે 330 મત પડ્યા હતા. હવે ચાલો જાણીએ શું છે અવિશ્વાસ પ્રસ્તાવ, જેની ખૂબ ચર્ચા થઈ રહી છે.

અવિશ્વાસ પ્રસ્તાવ શું છે?

કોઈપણ મુદ્દે વિપક્ષની નારાજગી હોય તો લોકસભા સાંસદ નોટિસ લાવે છે. ઉદાહરણ તરીકે, આ વખતે વિપક્ષ મણિપુરમાં હિંસાથી નારાજ છે અને સતત ગૃહમાં વડાપ્રધાનના નિવેદનની માંગ કરી રહ્યો છે. સરકારને ઘેરવા માટે તેઓ અવિશ્વાસનો પ્રસ્તાવ લાવ્યા છે. લોકસભા સ્પીકર ઓમ બિરલાએ પણ તેનો સ્વીકાર કરી લીધો છે અને આજથી ચર્ચા શરૂ થવાની છે. અવિશ્વાસ પર ચર્ચા માટે 50 સાંસદોનું સમર્થન જરૂરી છે. ગૌરવ ગોગોઈની નોટિસને 50 સાંસદોનું સમર્થન છે. ચર્ચા બાદ તેના પર મતદાન કરવામાં આવશે.

અવિશ્વાસ ક્યારે લાવવામાં આવે છે?

બંધારણના અનુચ્છેદ-75 મુજબ સરકાર એટલે કે વડાપ્રધાન અને તેમની મંત્રી પરિષદ લોકસભાને જવાબદાર છે. લોકપ્રતિનિધિઓ લોકસભામાં બેસે છે, તેથી સરકારને તેનો વિશ્વાસ મેળવવો જરૂરી છે. આવી સ્થિતિમાં જો કોઈ વિપક્ષી પાર્ટીને લાગે છે કે સરકાર પાસે બહુમતી નથી અથવા સરકારે ગૃહમાંથી વિશ્વાસ ગુમાવ્યો છે તો તે અવિશ્વાસ પ્રસ્તાવ લાવી શકે છે. તેના આધારે લોકસભાના નિયમ 198(1) થી 198(5) હેઠળ કહેવામાં આવ્યું છે કે વિપક્ષી પાર્ટી સરકાર વિરુદ્ધ અવિશ્વાસની નોટિસ લોકસભાના અધ્યક્ષને સુપરત કરી શકે છે.

જ્યારે 1979માં મોરારજી દેસાઈની સરકાર પડી

આઝાદી બાદથી કેન્દ્ર સરકાર સામે 27 વખત અવિશ્વાસ પ્રસ્તાવ લાવવામાં આવ્યો હતો, પરંતુ માત્ર એક જ વખત પસાર થયો હતો. જુલાઈ 1979માં પીએમ મોરારજી દેસાઈએ મતદાન પહેલા રાજીનામું આપી દીધું, જેના કારણે તેમની સરકાર પડી. છેલ્લો અવિશ્વાસ પ્રસ્તાવ 20 જુલાઈ 2018ના રોજ આવ્યો હતો. કોંગ્રેસ પાર્ટીની સરકાર સામે 23 વખત અવિશ્વાસ પ્રસ્તાવ આવ્યો. જો કે 10 વર્ષ સુધી પીએમ રહેલા મનમોહન સિંહ વિરુદ્ધ અવિશ્વાસ પ્રસ્તાવ લાવવામાં આવ્યો ન હતો. આ સિવાય જનતા પાર્ટી સામે 2 વખત જ્યારે ભાજપ સરકાર સામે 2 વખત અવિશ્વાસ લાવવામાં આવ્યો હતો.

સના ખાન ક્યાં છે? નાગપુરથી જબલપુર ગયેલી ભાજપની મહિલા નેતા આટલા દિવસથી અચાનક ગુમ થતાં હંગામો મચી ગયો

ટામેટાંના વધતા ભાવ પાછળ કોનો છે આખો ખેલ? જાણો કેમ અચાનક ભાવ વધી ગયા, હક્કા બક્કા રહી જશો

સાવચેત જ રહો! વિશ્વ પર મંડરાઈ રહ્યો છે ખતરનાક કોરોનાના નવા સ્વરૂપનો ખતરો, ભારતમાં પહેલેથી જ હાજર છે

જાણો NDA અને INDIA વચ્ચે ક્યાં મતભેદ થયા

ભાજપની આગેવાની હેઠળના નેશનલ ડેમોક્રેટિક એલાયન્સ (NDA)ને લોકસભામાં સ્પષ્ટ બહુમતી મળી છે. કુલ 538 સાંસદોમાંથી 365 સરકારની સાથે છે અને તેની વિરુદ્ધમાં રહેલા સાંસદોની સંખ્યા 156 છે. તેથી આંકડાની રમતના સંદર્ભમાં વિપક્ષ સરકારને મુશ્કેલીમાં મુકવાની સ્થિતિમાં નથી. આ પગલાથી વિપક્ષને ચર્ચા કરવાનો અને સરકારને ઘેરવાનો મોકો મળશે. સંભવ છે કે ચર્ચા દરમિયાન પીએમ મોદી હાજર રહે.