Gujarat News : જામનગરનું (jamnagar) રાજકારણ આજે ગુજરાત અને દેશમાં ચર્ચાની એરણ પર રહ્યું હતું. આજે સવારે જામ્યુકોનાં કાર્યક્રમમાં (JAMUCO program) ધારાસભ્ય રીવાબા જાડેજાની (Rivaba Jadeja) મેયર બીનાબેન કોઠારી (Binaben Kothari) તથા સાંસદ પૂનમબેન માડમ (Poonamben Madam) સાથે થોડી રકઝક થઈ હતી. ઉગ્ર બોલાચાલીએ રાજકારણમાં નવી નવી ચર્ચા જન્માવી છે. ત્યારે આ અંગે હવે સાંસદ પૂનમબેન માડમે મીડિયા સમક્ષ સમગ્ર ઘટનાનો ફોડ પાડ્યો છે, સાંસદ દ્વારા મિડીયા સમક્ષ પ્રતિક્રિયા આપવામાં આવી હતી. આ વેળાએ મેયર બીનાબેન કોઠારી તથા શહેર ભાજપ પ્રમુખ ડો.વિમલભાઇ કગથરા સહિત ભાજપના નેતાઓ પણ ત્યાં હાજર રહ્યા હતા.
ભાજપ પારીવારીક વાતાવરણવાળી શિસ્તબદ્ધ પાર્ટી છે :સાંસદ
પૂનમબેન માડમેં કહ્યું હતું કે આજનો વિવાદએ પળવારમાં થયેલ ગેરસમજ અને પછીની ત્વરિત પ્રતિક્રિયાનું પરિણામ છે. સાંસદે કહ્યું કે મેયર બીનાબેન મારા મોટાબહેન અને રીવાબા મારા નાના બહેન સમાન છે’. મેં એક પ્રતિનિધિ તરીકે વિવાદ થાળે પાડવાનો પ્રયાસ કર્યો હતો, આગળ તેઓએ કહ્યું કે ભાજપ પારીવારીક વાતાવરણવાળી શિસ્તબદ્ધ પાર્ટી છે, અને પક્ષમાં પારિવારિક માહોલ છે. જાહેરમાં બોલાચાલી કરવાને બદલે અંગત ચર્ચા કરવા મેં રિવાબાને કહ્યું હતું, અને સાથે મળીને કામ કરવાનું છે. હજુ અનેક કાર્યક્રમમાં એક મંચ પર કામ કરશુ. આ અડધી મિનિટના સમયગાળા આગાઉ પણ કઈ નથી અને પાછળ પણ કઈ નથી. માત્રને માત્રએ અડધી મિનિટમાં થોડું ઓવર રીએક્ટ થઈ ગયું છે.
સમગ્ર બનાવ શું હતો?
જામનગરમાં ‘મેરી માટી મેરા દેશ કાર્યક્રમ’ અંતર્ગત તળાવની પાળે મેયર બીનાબેન કોઠારી અને ધારાસભ્ય રિવાબા જાડેજા વચ્ચે થોડી રકઝક થઈ હતી. આ પ્રકરણમાં વચ્ચે પડેલા સાંસદ પૂનમબેન માડમને પણ ધારાસભ્ય રિવાબાએ રોકડું પરખાવી દેતા મુદ્દો બરાબરનો ચગ્યો હતો. શહીદ વિરોને શ્રદ્ધાંજલિ દરમિયાન ધારાસભ્ય રિવાબા જાડેજાએ ચપ્પલ ઉતાર્યા હતા અને ડખ્ખો શરૂ થયો હતો.
શ્રદ્ધાંજલિ દરમિયાન ચપ્પલ ઉતારવા અંગે પૂનમબેન માડમે કોમેન્ટ પાસ કરતા ધારાસભ્ય રિવાબા ખીજાયા હતા. જેમણે આકરા શબ્દોમા વળતો જવાબ આપતા બબાલ થઈ હતી. જેમાં સાંસદના ટેકામાં મેયર બીનાબેન બોલતા તેમણે અટકાવવા સાંસદ વચ્ચે પડ્યા હતા. બાદમાં ત્રણેય મહિલા નેતાઓ આમને સામને આવી ગયા હતા. આ ઘટનાના પ્રત્યાઘાત ગાંધીનગર અને દિલ્હી સુધી પડ્યાં છે.