Retail Inflation in May 2023: મોંઘવારી સામે સામાન્ય જનતા માટે રાહતના સમાચાર આવ્યા છે. મે 2023માં રિટેલ ફુગાવાના ડેટા લગભગ 25 મહિનાના સૌથી નીચા સ્તરે આવી ગયા છે. ખાદ્યપદાર્થો અને ઇંધણ ઉત્પાદનોના ભાવમાં ઘટાડો થવાને કારણે મોંઘવારી ઘટી છે. છૂટક ફુગાવો 4.25 ટકાના 25 મહિનાના નીચલા સ્તરે આવી ગયો છે. સરકાર દ્વારા સોમવારે જારી કરવામાં આવેલા આંકડામાં આ માહિતી આપવામાં આવી છે.
સરકારે આંકડા જાહેર કર્યા
ડેટા અનુસાર, મે 2023માં છૂટક ફુગાવો 4.25 ટકા હતો, જે એપ્રિલ 2021 પછીનો સૌથી નીચો સ્તર છે. એપ્રિલ 2021માં છૂટક ફુગાવો 4.23 ટકા હતો. એપ્રિલ, 2023માં કન્ઝ્યુમર પ્રાઇસ ઇન્ડેક્સ (CPI) આધારિત ફુગાવો 4.7 ટકા હતો. તે જ સમયે, એક વર્ષ પહેલા મે 2022 માં, છૂટક ફુગાવો 7.04 ટકાના સ્તરે હતો.
4 ટકા પર સ્થિર રાખવાની યોજના
આ રીતે રિટેલ મોંઘવારી દરમાં સતત ચોથા મહિને ઘટાડો થયો છે. આ સાથે, આ સતત ત્રીજો મહિનો છે જ્યારે રિટેલ ફુગાવો ભારતીય રિઝર્વ બેંક માટે સંતોષજનક સ્તરે છે. સરકારે 2 ટકાના માર્જિન સાથે રિટેલ ફુગાવો 4 ટકા પર રાખવાની જવાબદારી રિઝર્વ બેન્કને સોંપી છે.
આ પણ વાંચો
બિપરજોય વાવાઝોડાંના ખતરાને કારણે ના પાડી છતાં 6 યુવકો બીચ પર ન્હાવા ગયા, કલાકોથી શોધવા છતાં મળતા નથી
છેલ્લા મહિનામાં પણ ઘટાડો જોવા મળ્યો હતો
છેલ્લા મહિનામાં રિટેલ ફુગાવામાં ઘટાડો મુખ્યત્વે ખાદ્ય ઉત્પાદનો અને ઇંધણના ભાવમાં ઘટાડો થવાને કારણે હતો. ખાદ્ય ફુગાવો મે મહિનામાં 2.91 ટકા રહ્યો હતો જે એપ્રિલમાં 3.84 ટકા હતો. CPI ઇન્ડેક્સમાં ખાદ્ય ઉત્પાદનોનો હિસ્સો લગભગ અડધો છે. આ સિવાય ફ્યુઅલ અને લાઇટ સેગમેન્ટમાં પણ ફુગાવો ઘટીને 4.64 ટકા પર આવી ગયો છે, જ્યારે એપ્રિલમાં તે 5.52 ટકા હતો.