દેશના સૌથી અમીર મુખ્યમંત્રી કોણ છે? કયા મુખ્યમંત્રી પાસે સૌથી વધુ સંપત્તિ છે? આવા પ્રશ્નો સામાન્ય લોકોમાં કુતૂહલ જગાવે છે. હવે, દેશમાં એક પછી એક વિધાનસભા ચૂંટણીઓ અને 2024ની સામાન્ય ચૂંટણીની તૈયારીઓ વચ્ચે આવા પ્રશ્નો ફરી ચર્ચામાં આવ્યા છે. આના જવાબ એસોસિયેશન ફોર ડેમોક્રેટિક રિફોર્મ્સ એટલે કે એડીઆરના બુધવારે જાહેર થયેલા રિપોર્ટમાં મળ્યા છે.
‘ભારતની 28 રાજ્ય વિધાનસભાઓ અને 2 કેન્દ્રશાસિત પ્રદેશોના વિશ્લેષણ 2023ના વર્તમાન મુખ્ય પ્રધાનો’ શીર્ષક હેઠળના અહેવાલ મુજબ, દેશના મુખ્યમંત્રીઓની સરેરાશ સંપત્તિ 33.96 કરોડ રૂપિયા છે. તેમજ 30 મુખ્યમંત્રીઓમાંથી 29 કરોડપતિ છે. આંધ્રપ્રદેશના સીએમ જગન મોહન રેડ્ડીનું નામ સૌથી વધુ સંપત્તિ જાહેર કરનારા મુખ્યમંત્રીઓની યાદીમાં પ્રથમ છે. જ્યારે સૌથી ઓછી સંપત્તિ જાહેર કરનારાઓમાં પશ્ચિમ બંગાળના મુખ્યમંત્રી મમતા બેનર્જી પ્રથમ સ્થાને છે.
CMનું નામ- રાજ્યનું નામ- જાહેર કરેલી મિલકત
જગન મોહન રેડ્ડી-આંધ્ર પ્રદેશ- રૂ. 510.38 કરોડ
પેમા ખાંડુ- અરુણાચલ પ્રદેશ-રૂ. 163.50 કરોડ
નવીન પટનાયક- ઓડિશા- રૂ. 63.87 કરોડ
નેફ્યુ રિયો-નાગાલેન્ડ- રૂ 46.95 કરોડ
એન રંગાસ્વામી-પુડુચેરી-રૂ. 38.39 કરોડ
કે ચંદ્રશેખર રાવ-તેલંગાણા-રૂ. 23.55 કરોડ
ભૂપેશ બઘેલ-છત્તીસગઢ-રૂ. 23.05 કરોડ
હિમંતા બિસ્વા સરમા- આસામ- રૂ. 17.27 કરોડ
કોનરાડ સંગમા- મેઘાલય – રૂ. 14.06 કરોડ
માણિક સાહા-ત્રિપુરા- રૂ. 13.90 કરોડ
એકનાથ શિંદે- મહારાષ્ટ્ર- રૂ. 11.56 કરોડ
પ્રમોદ સાવંત- ગોવા- રૂ. 9.37 કરોડ
બસવરાજ બોમાઈ- કર્ણાટક- રૂ. 8.92 કરોડ
એમકે સ્ટાલિન- તમિલનાડુ- રૂ. 8.88 કરોડ
હેમંત સોરેન- ઝારખંડ- રૂ. 8.51 કરોડ
ભૂપેન્દ્ર પટેલ- ગુજરાત- રૂ. 8.22 કરોડ
સુખવિંદર સિંહ સુખુ- હિમાચલ પ્રદેશ- રૂ. 7.81 કરોડ
શિવરાજ સિંહ ચૌહાણ- મધ્યપ્રદેશ- રૂ. 7.66 કરોડ
અશોક ગેહલોત- રાજસ્થાન- રૂ. 6.53 કરોડ
પુષ્કર ધામી- ઉત્તરાખંડ- રૂ. 4.64 કરોડ
પ્રેમ સિંહ તમંગ- સિક્કિમ- રૂ. 3.89 કરોડ
જોરામથાંગા- મિઝોરમ- રૂ. 3.84 કરોડ
અરવિંદ કેજરીવાલ- દિલ્હી- રૂ. 3.44 કરોડ
નીતિશ કુમાર- બિહાર- રૂ. 3.09 કરોડ
ભગવંત માન- પંજાબ- રૂ. 1.97 કરોડ
યોગી આદિત્યનાથ- ઉત્તર પ્રદેશ- રૂ. 1.54 કરોડ
એન બિરેન સિંહ- મણિપુર- રૂ. 1.47 કરોડ
મનોહર લાલ ખટ્ટર- હરિયાણા- રૂ. 1.27 કરોડ
પિનરાઈ વિજયન- કેરળ- રૂ. 1.18 કરોડ
મમતા બેનર્જી- પશ્ચિમ બંગાળ- રૂ. 15 લાખ
અહેવાલો અનુસાર, રેડ્ડીએ 510 કરોડ રૂપિયાથી વધુની સંપત્તિ જાહેર કરી છે. જ્યારે બેનર્જીની કુલ સંપત્તિ 15 લાખ રૂપિયા છે. અરુણાચલ પ્રદેશના સીએમ પેમા ખાંડુ (રૂ. 163 કરોડ), ઓડિશાના સીએમ નવીન પટનાયક (રૂ. 63 કરોડ) સૌથી વધુ સંપત્તિ જાહેર કરનારાઓમાં બીજા સ્થાને છે.
વિજળીનું બિલ થઈ જશે સાવ મફત! સરકાર લાવી તમારા માટે જબરદસ્ત સ્કીમ, AC-Cooler બધું જ ફ્રીમાં ચાલશે
કેરળના પિનરાઈ વિજયન (રૂ. 1 કરોડ) બીજા અને હરિયાણાના સીએમ મનોહર લાલ ખટ્ટર (રૂ. 1 કરોડ 27 લાખ) સૌથી ઓછી સંપત્તિ જાહેર કરનાર મુખ્યમંત્રીઓની યાદીમાં ત્રીજા ક્રમે છે. દેશમાં આવા 3 મુખ્યમંત્રી છે, જેમની સંપત્તિ 50 કરોડ રૂપિયાથી વધુ છે. જ્યારે 10 કરોડથી વધુની સંપત્તિ ધરાવતા મુખ્યમંત્રીઓની સંખ્યા 8 છે. 1 કરોડથી 10 કરોડની વચ્ચેની સંપત્તિ ધરાવતા 18 મુખ્યમંત્રી છે.