World News : સિક્કિમમાં વાદળ ફાટવાના કારણે પૂર આવ્યું હતું. જણાવવામાં આવી રહ્યું છે કે ઉત્તર સિક્કિમના લ્હોનાક તળાવ પર અચાનક વાદળ ફાટવાના કારણે તીસ્તા નદીનું જળસ્તર વધી ગયું અને ઘણા વિસ્તારોમાં પાણી ભરાઈ ગયા. આ કારણે અનેક સૈન્ય મથકોને પણ ફટકો પડ્યો હતો. સેનાના 23 જવાનો પણ લાપતા થયાના અહેવાલ છે. આ સૈનિકોની શોધમાં સર્ચ ઓપરેશન શરૂ કરવામાં આવ્યું છે.
23 army personnel have been reported missing due to a flash flood that occurred in Teesta River in Lachen Valley after a sudden cloud burst over Lhonak Lake in North Sikkim: Defence PRO, Guwahati https://t.co/zDabUMrCaI pic.twitter.com/uWVO1nsT2T
— ANI (@ANI) October 4, 2023
જણાવવામાં આવી રહ્યું છે કે, પૂર બાદ ચુંગથાંગ ડેમમાંથી પાણી છોડવાના કારણે નીચાણવાળા વિસ્તારોમાં અચાનક જળસપાટી વધીને 15-20 ફૂટની ઉંચાઈએ પહોંચી ગઈ હતી. આ કારણે સિંગતમ પાસે બારદાંગમાં પાર્ક કરેલા સેનાના વાહનો પાણીમાં ગરકાવ થઇ ગયા હતા. આ ઉપરાંત સેનાના 23 જવાનો પણ ગુમ થયાના સમાચાર છે.
સિક્કિમમાં તીસ્તા નદીનું જળસ્તર વધવાના કારણે હાઈ એલર્ટ જાહેર કરવામાં આવ્યું છે. તીસ્તા નદીમાં પૂરને કારણે સિક્કિમનો સિંગથમ ફૂટબ્રિજ પણ ધરાશાયી થયો હતો. જલપાઈગુડી પ્રશાસને તીસ્તા નદીના નીચાણવાળા વિસ્તારોને ખાલી કરાવવાનું શરૂ કરી દીધું છે. દરેકને સજાગ રહેવાની અને નદી કિનારે મુસાફરી કરવાનું ટાળવાની સલાહ આપવામાં આવી છે.
#WATCH | Sikkim: Chief Minister Prem Singh Tamang took stock of the situation as a flood-like situation arose after a cloud burst in Singtam. https://t.co/GI9bMv4WLB pic.twitter.com/rI5c7qLn03
— ANI (@ANI) October 4, 2023
સિક્કિમના મુખ્યમંત્રીએ પૂરગ્રસ્ત વિસ્તારોની મુલાકાત લીધી
સિક્કિમના મુખ્યમંત્રી પ્રેમસિંહ તમાંગે પૂરગ્રસ્ત વિસ્તારોની મુલાકાત લીધી હતી.