આજના સમયમા દરેક વ્યક્તિ મોટી કમાણી કરીને વિશ્વના સૌથી ધનિક લોકોની યાદીમાં સામેલ થવા માંગે છે, પરંતુ કેટલાક લોકો એવા હોય છે જેઓ રાજ કરવા અને આલીશાન મહેલો અને કારનો આનંદ માણવા જન્મ્યા હોય છે.આમાના જ એક છે હસનલ બોલ્કિયા. દુનિયાના ઘણા દેશોમાં રાજાશાહી ખતમ થઈ ગઈ છે, પરંતુ હજુ પણ એવા ઘણા દેશો છે જ્યાં રાજાઓ સત્તા પર છે. એશિયાઈ દેશ બ્રુનેઈ તેમાંથી એક છે જેના પર સુલતાનનું શાસન છે અને હસનલ બોલ્કિયા અહીંના સુલતાન છે.
બ્રુનેઈના 75 વર્ષના સુલતાન હસનલ બોલ્કિયાનો જન્મ 15 જુલાઈ 1946ના રોજ સુલતાન ઓમર અલી સૈફુદ્દીન ત્રીજાના પુત્ર તરીકે થયો હતો. સુલતાન ઓમર અલી સૈફુદ્દીનને 10 બાળકો, છ પુત્રીઓ અને ચાર પુત્રો અને ઘણી પત્નીઓ હતી, પરંતુ તેણે નાની ઉંમરે જ બોલ્કિયાને તેના અનુગામી તરીકે પસંદ કર્યા.
હસનલ બોલ્કિયાએ કુઆલાલંપુર, મલેશિયામાં વિક્ટોરિયા ઇન્સ્ટિટ્યુશન અને ઇંગ્લેન્ડના સેન્ડહર્સ્ટમાં રોયલ મિલિટરી એકેડમીમાં અભ્યાસ કર્યો. હસનલ બોલ્કિયાને ત્રણ પત્નીઓ સાથે પાંચ પુત્રો અને સાત પુત્રીઓ છે.
સેલિબ્રિટી નેટ વર્થ અનુસાર હસનલ બોલ્કિયા 30 બિલિયન ડોલરની અંદાજિત નેટવર્થ સાથે વિશ્વના સૌથી ધનિક શાહી પરિવારોમાંના એક છે. ઈન્ડોનેશિયા, મલેશિયા, વિયેતનામ અને થાઈલેન્ડ પછી દક્ષિણપૂર્વ એશિયામાં બ્રુનેઈ પાંચમું મુખ્ય તેલ ઉત્પાદક છે. ક્રૂડ ઓઈલ અને નેચરલ ગેસની નિકાસએ સુલતાન હસનલ બોલ્કિયાને વિશ્વના સૌથી ધનિક લોકોમાં સ્થાન આપ્યું છે. 1988માં ફોર્બ્સે સુલતાન બોલ્કિયાને વિશ્વના સૌથી ધનિક વ્યક્તિ તરીકે સ્થાન આપ્યું હતું.
બ્રુનેઈમાં માત્ર અને માત્ર બોલ્કિયાનું શાસન ચાલે છે. તેઓ માત્ર બ્રુનેઈના રાજા જ નહીં પરંતુ દેશના વડાપ્રધાન, નાણા મંત્રી, વિદેશ અને વેપાર મંત્રી, પોલીસ અધિક્ષક, સંરક્ષણ મંત્રી અને સશસ્ત્ર દળોના કમાન્ડર પણ છે. અહેવાલ મુજબ બોલકિયા વાળ કાપવા માટે 13 લાખ રૂપિયા ખર્ચે છે. બોલ્કિયા લંડનથી તેના મનપસંદ વાળંદને બોલાવે છે જ્યાં તે મેફેરની ડોરચેસ્ટર હોટેલમાં કામ કરે છે.
મળતી માહિતી મુજબ બોલ્કિયા પાસે એક ટન પૈસા છે. તેની પાસે કારનું પણ સારું કલેક્શન છે. બ્રુનેઈના સુલતાન પાસે સોનાની પ્લેટેડ રોલ્સ રોયસ સહિત દુર્લભ કારનો વિશ્વનો સૌથી મોટો સંગ્રહ છે. હોટકાર્સના અહેવાલ મુજબ બોલ્કિયા લગભગ 7,000 કારની માલિકી ધરાવે છે જેની કિંમત યુએસ $5 બિલિયનથી વધુ હોવાનો અંદાજ છે. બ્રુનેઈના સુલતાન પાસે 500 રોલ્સ રોયસ અને 300 ફેરારી છે. એક અહેવાલ મુજબ બ્રુનેઈના સુલતાન પાસે લક્ઝરી સુવિધાઓથી સજ્જ ઘણા ખાનગી જેટ છે.
આ સિવાય તેની પાસે બોઇંગ 747-400, બોઇંગ 767-200 અને એરબસ A340-200 જેટ છે.બોઇંગ 747-400 જેટ ગિલ્ડેડ છે અને તેમાં લિવિંગ રૂમ અને બેડરૂમ સહિત ઘણી સુવિધાઓ છે. જ્યારે કાર આટલી આલીશાન હોય તો ઘરનું શું વિચારવું. તે જે મહેલમાં રહે છે તેની કિંમત જાણીને તમને આશ્ચર્ય થશે.
બોલકિયાના ઈસ્તાના નુરુલ ઈમાન પેલેસની કિંમત 2550 કરોડ રૂપિયાથી વધુ છે. આ મહેલમાં 1700થી વધુ રૂમ, 257 બાથરૂમ અને પાંચ સ્વિમિંગ પુલ છે. 110 ગેરેજ ઉપરાંત, 200 ઘોડાઓ માટે વાતાનુકૂલિત તબેલા છે.
તેમના રાજકીય જીવન અંગે વાત કરીએ તો 4 ઓક્ટોબર 1967ના રોજ તેમના પિતાની નિવૃત્તિ પછી પ્રિન્સ હસનલ બોલકિયા સુલતાનની ગાદી પર બેઠા. 1 ઓગસ્ટ 1968ના રોજ તેમનો રાજ્યાભિષેક થયો હતો. હસનલ બોલ્કિયાની ગણતરી વિશ્વના સૌથી ધનિક સુલતાનોમાં થાય છે. તેઓ 1980 સુધી વિશ્વના સૌથી અમીર વ્યક્તિ હતા.
બિઝનેસ ઈનસાઈડરના અહેવાલ મુજબ હસનલ બોલ્કિયા પાસે 14,700 કરોડ રૂપિયાથી વધુની સંપત્તિ છે અને તેમની આવકના સૌથી મોટા સ્ત્રોત તેલ ભંડાર અને કુદરતી ગેસ છે.