Adani Hindenburg Case : હિંડનબર્ગ-અદાણી કેસમાં સુપ્રીમ કોર્ટનો નિર્ણય આવ્યો છે. આ નિર્ણયમાં અદાણી જૂથને મોટી રાહત મળી છે. સુપ્રીમ કોર્ટે SIT તપાસનો ઇનકાર કર્યો છે અને સેબીને તપાસ કરવા કહ્યું છે. સુપ્રીમ કોર્ટે કહ્યું કે હિંડનબર્ગ રિપોર્ટમાં બજાર નિયમનકાર સેબીના અધિકારક્ષેત્રમાં દખલ કરવાની મર્યાદિત સત્તા છે.
ચીફ જસ્ટિસ ડીવાય ચંદ્રચુડ, જસ્ટિસ જેબી પારડીવાલા અને જસ્ટિસ મનોજ મિશ્રાની બેન્ચે પોતાનો ચુકાદો આપ્યો છે કે, વિદેશની જે કોઈ પણ ટીમ અદાણી જૂથ સામેના આરોપોની તપાસ કરી રહી છે તેમાં સુપ્રીમ કોર્ટ સેબીની તપાસમાં દખલ નહીં કરે. બાકીના 2 કેસની તપાસ માટે સુપ્રીમ કોર્ટે સેબીને 3 મહિનાનો સમય આપ્યો છે.
તમને જણાવી દઈએ કે, 24 નવેમ્બરે ચીફ જસ્ટિસ ડીવાય ચંદ્રચુડની અધ્યક્ષતાવાળી બેંચે અદાણી-હિંડનબર્ગ વિવાદ સાથે સંબંધિત વિવિધ અરજીઓ પર પોતાનો નિર્ણય સુરક્ષિત રાખ્યો હતો. સુપ્રીમ કોર્ટે કહ્યું કે સેબીની તપાસ યોગ્ય છે. સેબીએ 24માંથી 22 કેસોની તપાસ કરી છે. બાકીના બે કેસની તપાસ ત્રણ મહિનામાં પૂરી કરીને રિપોર્ટ સબમિટ કરવાના આદેશ આપી રહ્યા છીએ.
સેબી એ સક્ષમ સત્તા છે. કોર્ટે કહ્યું કે OCCPR રિપોર્ટના આધારે સેબીની તપાસ પર શંકા કરી શકાય નહીં. એટલું જ નહીં, સુપ્રીમ કોર્ટે સેબીની તપાસ SITને સોંપવાનો ઈન્કાર કરી દીધો. અરજદારે આ માંગણી કરી હતી.
હિંડનબર્ગ-અદાણી કેસમાં સુપ્રીમ કોર્ટે પોતાના નિર્ણયમાં કહ્યું કે, આ મામલાની તપાસ માત્ર સેબી કરશે. તપાસ SITને ટ્રાન્સફર કરવામાં આવશે નહીં. કોર્ટે કહ્યું કે સેબી આ તપાસ માટે સક્ષમ એજન્સી છે, તેથી અમારે તેમાં હસ્તક્ષેપ કરવાની કોઈ જરૂર નથી.
સુપ્રીમ કોર્ટે ભારત સરકાર અને સેબીને ભારતીય રોકાણકારોના હિતને મજબૂત કરવા માટે નિષ્ણાત સમિતિની ભલામણ પર કાર્ય કરવા જણાવ્યું હતું. કોર્ટે સેબીને વર્તમાન નિયમનકારી પ્રણાલીમાં સુધારો કરવા માટે નિષ્ણાત સમિતિના સૂચનો પર કામ કરવા જણાવ્યું છે.
આસામમાં વહેલી સવારે બસ અને ટ્રક વચ્ચે જોરદાર ટક્કર, 13 લોકોના મૃત્યુ, 30થી વધુ ઘાયલોની સારવાર ચાલુ
ગુજરાતમાં પેટ્રોલના ભાવમાં તોતિંગ વધારો, આટલા પૈસા મોંઘુ થયું, હડતાળ કે પછી કોઈ બીજું કારણ??
એટલું જ નહીં, સુપ્રીમ કોર્ટે નિષ્ણાત સમિતિના સભ્યો પર ઉઠાવેલા પ્રશ્નોને ફગાવી દીધા અને કહ્યું કે હિતોના સંઘર્ષની અરજીકર્તાની દલીલ અર્થહીન છે. કોર્ટે કહ્યું કે નક્કર આધાર વિના સેબી પાસેથી તપાસ ટ્રાન્સફર કરવાનો કોઈ આધાર નથી. મીડિયા રિપોર્ટના આધારે સેબીની તપાસ પર શંકા કરવી અથવા કોઈ નિષ્કર્ષ પર પહોંચવું યોગ્ય નથી. આ રીતે અદાણીને સુપ્રીમ કોર્ટમાંથી મોટી રાહત મળી છે.