હાલમાં રાજ્યમાં વધુ એક વેસ્ટર્ન ડિસ્ટબન્સ અને સાઉથ વેસ્ટ રાજસ્થાનમાં એર સરક્યુલેશન થવાને કારણે રાજ્યમાં માવઠાની સ્થિતિ સર્જાઇ રહી છે. આ માવઠાની અસરથી કેરીના ખેડૂતોને ચિંતા છે કે તેમનો પાક સારો રહેશે કે નહીં. પરંતુ હાલમાં કેસર કેરીને લઈ એક સારા સમાચાર સામે આવી રહ્યા છે. જૂનાગઢ માર્કેટ યાર્ડના વેપારીએ જણાવ્યુ કે, હાલ આ સમયમાં ૨૫થી ૩૦ હજાર બોક્ષની આવક હોય છે તેની સામે ૪થી ૫ હજાર બોક્ષની આવક થઇ છે. સીઝન લાંબી ચાલશે હાલ ૧૦ કિલોના ૫૦૦થી ૧૧૦૦ રૂપિયા છે જે કેરીની આવક વધતા ઘટે તેવી સંભવના જોવા મળી રહી છે.
કેરીની મહારાણી ગણાતી કેસર કેરીની હંમેશા લોકો રાહ જોતા રહે છે. પરંતુ છેલા થોડા વર્ષોથી કેરીને વાતાવરણનું ગ્રહણ લાગતું આવ્યું છે અને દર વર્ષે કેરીનો પાક થોડે ઘણે અંશે બગડે પણ છે અથવા મોડો આવે છે. ચાલુ વર્ષે કમોસમી વરસાદ અને વાતાવરણને કારણે કેરીના પાક પર અસર થઇ હતી. જો કે જુનાગઢ પંથકની કેસરની ખૂબ માંગ હોય છે અને કેરીનું હબ પણ ગણાય છે. પણ ચાલુ વર્ષે કેરીની આવકમાં ઘટાડો જોવા મળ્યો છે. આવનારા થોડા દિવસોમાં 10 કિલો કેરીનો ભાવ ૪૦૦થી ૮૦૦ રુપિયે પણ થઇ શકે છે.
જો કે એક તરફ કેરીના ઇજારદાર કહે છે કે, કેરીમાં ખુબ નુકશાન છે અમને ઇજારાના ભાવ મળશે કે નહિ તે હજુ નક્કી નથી. પણ હાલ કેરીની આવક વધી છે જો આવા ભાવ રહેશે તો વાંધો નહિ બાકી કેરીમાં ચાલુ સાલે નુકશાન થયું છે.
ગે રિલેશનશિપ વિશે RSS નેતાએ નિવેદન આપતા ચારેકોર ભડકો થયો, કહ્યું- રાક્ષસો કરતા હત આવું…
ગુજરાત પર ભગવાન બરાબરના નારાજ, ફરી એકવાર કમોસમી વરસાદની ઘાતક આગાહી, આ વિસ્તારમાં પુર આવે એવો ખાબકશે
ઉલ્લેખનીય છે કે કમોસમી વરસાદ અને વાતાવરણની અસરને કારણે કેસર કેરીની આવક સામાન્ય સમય કરતા મોડી શરુ થઇ છે. પરંતુ હવે ધીમે ધીમે કેરીની આવકમાં વધારો થવા લાગ્યો છે. જુનાગઢ ફ્રુટ માર્કેટિંગ યાર્ડમાં આજ રોજ ચારથી પાંચ હજાર કેસર કેરીના બોક્ષની આવક થઇ હતી. જેના કારણે હવે સામાન્ય લોકો સુધી પણ કેસર કેરી પહોંચી જશે.