હાલમાં રાજકોટથી એક અજીબ કિસ્સો સામે આવ્યો છે. રાજકોટમાં દારૂડિયાએ દારૂના નશામાં રીક્ષા રનવે પર ચડાવી દીધી હતી અને જેના કારણે આખા એરપોર્ટ પર તંત્ર અને લોકો બન્નેમાં અફરા તફરી મચી ગઈ હતી. નશામાં ચુર રીક્ષા ચાલક વીઆઈપી ગેટ તોડીને રનવે પર રીક્ષા પહોંચાડી એરપોર્ટ પર સુરક્ષાને લઈને મોટી ચૂક જોવા મળી હોવાનો એક કેસ સામે આવ્યો છે.
બન્યું કંઈક એવું કે એક દારુડિયો રાજકોટ એરપોર્ટ પર એક રીક્ષા ચાલક વીઆઈપી ગેટ તોડી રનવે સુધી પહોંચી ગયો હતો. જો કે એરપોર્ટ પર મુખ્ય ગેટ સહિત તમામ જગ્યાએ સુરક્ષાને લઇ CISF તૈનાત હોય છે, પરંતુ સીઆઇએસએફની આ સુરક્ષામાં બાકોરું કરીને રીક્ષા ચાલક રિક્ષા સહિત રનવે સુધી પહોંચી ગયો તો કેવી રીતે પહોંચી ગયો એ પણ એક મોટો સવાલ અહીં ઉભો થઈ રહ્યો છે. રીક્ષા ચાલક રનવે સુધી પહોંચતા સ્થાનિક પોલીસ અને સીઆઇએસએફની ટીમ દોડતી થઈ ગઈ હતી. તેમજ સમગ્ર ઘટના બની ત્યારે indigoની બેંગ્લોરની ફ્લાઈટ રનવે પર ઉભી હતી પરંતુ રીક્ષા ચાલક ફ્લાઈટ સુધી પહોંચે તે પહેલા સીઆઈએસએફના જવાનોએ રીક્ષા ચાલકની ઝડપી લીધો હતો.
હાલમાં આ કેસની વાત કરીએ તો રીક્ષા ચાલકને ગાંધીગ્રામ પોલીસને સોંપવામાં આવ્યો હતો. સમગ્ર ઘટનાને લઇ એરપોર્ટ પર અફરાતફરીનો માહોલ સર્જાયો હતો ત્યારે indigoની ફ્લાઈટના પેસેન્જર થોડીવાર માટે રાહ જોવડાવી હતી અને સુરક્ષાની દ્રષ્ટિએ ફ્લાઈટની પણ તપાસ કરી હતી. ત્યારબાદ રાજકોટ એરપોર્ટ સ્થાનિક પોલીસ તેમજ એસોજી અને બોમ્બ સ્કોવોડ તેમજ ડોગ સ્કોવડ સહીતનું ટીમ એરપોર્ટ પર પહોંચી હતી અને રીક્ષાની તપાસ કરવામાં આવી હતી.
બધી રીતે ચેકિંગ કરતા કોઈ એવી વસ્તુ મળી ન હતી. રિક્ષા ચાલક દીપક જેઠવા નશામાં હોય અને આ પ્રકારનું કૃત્ય કર્યું હોવાનું સામે આવી રહ્યું છે ત્યારે રિક્ષા ચાલક સાથે હાલ ગાંધીગ્રામ પોલીસ પૂછપરછ કરી રહી છે, ત્યારે રનવે સુધી તમામ સુરક્ષા તોડી રિક્ષા પોહચી ગઈ ત્યાં સુધી CISF શું કરી રહી હતી તે મોટો સવાલ થઈ રહ્યો છે. ત્યારે હવે જોવાનું એ રહ્યું કે આખરે આવી ઘટના બંધ થઈ જાય અને ફરીથી સુરક્ષામાં કોઈ બાકોરું ન કરી શકે.