Gujarat News : સાબરકાંઠામાં (sabarkantha) બોગસ અને ડિગ્રી વગરના ડોક્ટરથી કરૂણ બાળકનું મૃત્યુ થયું છે. 2 વર્ષના બાળકને બોગસ ડોક્ટરે (Bogus doctor) ઇજેક્શન આપતા બાળકની અચાનક તબિયત ખરાબ થઈ હતી, અને જેના કારણે તેનુ મોત થયું છે. આપને જણાવી દઈએ કે, આ ઘટના પોશીના તાલુકાના કોટડા ગઢીની (Kotda Gadhi) છે.
બોગસ ડોક્ટર ક્લિનિક છોડી ફરાર
સાબરકાંઠામાં પોશી તાલુકાના કોટડા ગઢીમાં બોગસ તબીબના કારણે 2 વર્ષના બાળકનું મોત થતાં પરિવારમાં શોકનો માહોલ છવાયો છે. સમગ્ર બાબતને લઈ પરિવારે ડોક્ટરની ડિગ્રી બાબતે પડતાલ કરતા ખુલાસો થયો હતો કે, તેની પાસે કોઈપણ પ્રકારની ડિગ્રી જ ન હતી અને તે દવા કરી રહ્યો હતો. જે ઘટનાને પગલે સ્થળ પર પરિવારજનો સહિત લોકોના ટોળા ઉમટ્યા પડીયા હતા. જેના પગલે ડિગ્રી વગરનો બોગસ ડોક્ટર ક્લીનીક છોડી ફરાર થઈ ગયો હતો.
પોલીસ તપાસ હાથ ધરી રહી છે
સમગ્ર મામલાની પોલીસને જાણ થતાં પોલીસ કાફલો ઘટનાસ્થળે પહોંચી તપાસ હાથ ધરી હતી. અવાર નવાર બોગસ ડોક્ટરના કિસ્સાઓ સામે આવતા હોય છે, અને જેમના કારણે નિર્દોષ માસૂમોના જીવન સાથે ચેડા થતાં હોય છે. પરંતુ આવી ઘટનાઓમાં કડક અને દાખલો રૂપ કાર્યવાહી કરવામાં આવે તો ચોક્કસ આવી ઘટનાઓ અંકુશમાં આવી શકે છે.