Gujarat rain forecast: રાજ્યમાં હાલ ચોમાસાનું જોર ઘટ્યું હોય તેવું દેખાઈ રહ્યું છે. ત્યારે રાજ્યમાં આગામી દિવસોમાં વરસાદ કેવો રહેશે તે અંગે હવામાન વિભાગ અને હવામાન નિષ્ણાત અંબાલાલ પટેલ દ્વારા અનુમાન લગાવવામાં આવ્યું છે. હવામાન વિભાગના વૈજ્ઞાનિક અભિમન્યુ ચૌહાણેનાં જણાવ્યા પ્રમાણે, રાજ્ય પર વરસાદ આપતી સિસ્ટમ એક્ટિવ નથી જેના કારણે અતિભારે વરસાદની કોઇ આગાહી આપવામાં આવી નથી. જ્યારે હવામાન નિષ્ણાત અંબાલાલ પટેલના જણાવ્યા પ્રમાણે, પહેલી ઓગસ્ટે બંગાળ ઉપસાગરમાં એક ડિપ ડિપ્રેશન થવાની શક્યતા છે. જેના કારણે વરસાદ થઇ શકે. બંગાળમાં એક બાદ એક સિસ્ટમ બની શકે છે જેના કારણે પવન પણ ફૂંકાઇ શકે છે.
અમદાવાદ હવામાન કેન્દ્રના વૈજ્ઞાનિક અભિમન્યુ ચૌહાણે રાજ્યના હવામાન અંગે આગાહી કરીને જણાવ્યું છે કે, દક્ષિણ ગુજરાતમાં કેટલીક જ્ગ્યાએ ભારે વરસાદ થવાની શક્યતાઓ છે. આ ઉપરાંત સૌરાષ્ટ્રના એક પણ જિલ્લામાં ભારે વરસાદ થવાની શક્યતાઓ હવામાન વિભાગ દ્વારા વ્યક્ત કરવામાં આવી નથી. હવામાન વિભાગે સોમવારે એમ જણાવ્યું છે કે, આગામી 4-5 દિવસમાં સૌરાષ્ટ્રમાં ભારે વરસાદની શક્યતાઓ નથી. આ સાથે 24 કલાક પછી રાજ્યમાં વરસાદમાં મોટો ઘટાડો થવાની સંભાવનાઓ જણાવવામાં આવી છે.
માછીમારોને પાંચ દિવસ માટે ચેતવણી આપવામાં આવી છે. જેમાં દરિયો તોફાની રહેવાની તથા ભારે પવન ફૂંકાવાની સંભાવના છે. દરિયામાં પવનની ગતિ 40-45 કિલોમીટર પ્રતિ કલાક (ગસ્ટિંગ સાથે 55 kmph) રહી શકે છે. સામાન્ય દિવસો કરતા જમીન પર પણ પવનની ગતિ વધુ જોવા મળી શકે છે. જે 20-30kmph રહી શકે છે.
હવામાન વિભાગે અમદાવાદમાં વરસાદ થવાની સંભાવના જણાવી છે, જેમાં કેટલીક જગ્યાએ સામાન્ય વરસાદ થવાની શક્યતાઓ છે. જિલ્લામાં ક્યાંય ભારે વરસાદ થવાની શક્યતાઓ નથી. હવામાન વિભાગે જણાવ્યું છે કે, હાલ ગુજરાત પર કોઈ સિસ્ટમ એક્ટિવ નથી. હવામાન નિષ્ણાત અંબાલાલ પટેલના જણાવ્યા પ્રમાણે, આગામી તારીખમાં નવ ઓગસ્ટ સુધી વરસાદ થવાની શક્યતા છે.
હાલમાં વરસાદ ચાલુ રહેશે. પહેલી ઓગસ્ટે બંગાળ ઉપસાગરમાં એક ડિપ ડિપ્રેશન થવાની શક્યતા છે. જેના કારણે વરસાદ થઇ શકે. બંગાળમાં એક બાદ એક સિસ્ટમ બની શકે છે જેના કારણે પવન પણ ફૂંકાઇ શકે છે. હાલમાં વરસાદ દિન પ્રતિદન વધતો રહેશે. તેમણે આગળ જણાવ્યું કે ત્રીજી ઓગસ્ટથી નવમી ઓગસ્ટ સુધીમાં અનેક વિસ્તારોમાં ભારે વરસાદ થઇ શકે છે.
હું આવા બળાત્કારના કલંક સાથે જીવી ન શકું… ફેસબૂક પર લાઈવ થઈને ભાજપના નેતાએ ઝેર ખાતા હાહાકાર
મોંઘાદાટ સફરજન નદીમાં ફેંકવામાં આવી રહ્યા છે… વીડિયો શેર કરી BJPએ રાહુલ ગાંધી પર આકરો પ્રહાર કર્યો
જેમા મહારાષ્ટ્ર, દક્ષિણ ગુજરાતનાં આહવા, ડાંગ, સુરત, ભરૂચના ભાગોમાં વરસાદ થવાની સંભાવના છે. સૌરાષ્ટ્રના અનેક વિભાગોમાં વરસાદ થવાની શક્યતા છે. જેમાં ઘણાં ભાગોમાં ભારે વરસાદ પણ થઇ શકે છે. પશ્ચિમ અને ઉત્તર સૌરાષ્ટ્રના વિસ્તારોમાં વરસાદ થવાની સંભાવના રહેશે. આ ઉપરાંત કચ્છના કેટલાક ભાગોમાં ભારે વરસાદ થવાની સંભાવના છે.