World News : ઇઝરાયલ-હમાસના (Israel-Hamas) યુદ્ધની વચ્ચે હમાસના સમર્થનમાં વિશ્વના અનેક દેશોમાં વિરોધ પ્રદર્શનો થઇ રહ્યા છે, પરંતુ રશિયામાં બન્યું તેમ આ પ્રકારના વિરોધ પ્રદર્શન પહેલા જોવા મળ્યા નથી. રશિયાના દગેસ્તાન રાજ્યના મખચકલા એરપોર્ટ પર ટોળાએ ઇઝરાયેલીઓ પર હુમલો કર્યો હતો અને મોબ લિંચિંગનો પ્રયાસ કર્યો હતો. હજારો મુસ્લિમો એરપોર્ટનો ગેટ તોડીને અંદર આવ્યા હતા. પરિસ્થિતિ એટલી વણસી ગઈ હતી કે તોફાનીઓને રોકવા માટે વિશેષ દળોને બોલાવવા પડ્યા હતા.
“બાળકોના હત્યારાઓને છોડીશું નહીં.”
ટોળું સતત બૂમો પાડી રહ્યું હતું કે ‘બાળકોના હત્યારાઓને અમે છોડીશું નહીં’. જણાવવામાં આવી રહ્યું છે કે ફ્લાઇટના યાત્રીઓ વચ્ચે ભીડે યહૂદીઓની શોધ શરૂ કરી દીધી હતી. ભીડ દરેક મુસાફરના પાસપોર્ટ તપાસતી રહી. ભારે વિરોધ બાદ એરપોર્ટને પણ થોડા સમય માટે બંધ કરવું પડ્યું હતું. રશિયામાં હમાસની બેઠકના ત્રણ દિવસ બાદ ઈઝરાયેલ સામે આ સૌથી મોટું પ્રદર્શન હતું. રશિયાના ડાગેસ્તાનમાં મુસ્લિમોની વસ્તી વધારે છે.
ઇઝરાયેલે રશિયન રાજદૂતને સમન્સ પાઠવ્યું
આ ઘટના બાદ ઇઝરાયલના વડાપ્રધાન બેન્જામિન નેતન્યાહૂએ નિવેદન જાહેર કરીને રશિયાને ચેતવણી આપી છે. નેતન્યાહૂએ યહૂદી વિદ્યાર્થીઓ પરના હુમલાઓને તાત્કાલિક રોકવાની હાકલ કરી છે. ઈઝરાયેલે રશિયાના રાજદૂતને બોલાવીને રશિયામાં ઈઝરાયેલી લોકોની સુરક્ષા અંગે ચિંતા વ્યક્ત કરી છે. રશિયામાં ઇઝરાયલના રાજદૂત ક્રેમલિનના સંપર્કમાં છે. ઇઝરાઇલ પણ મોસ્કોમાં હમાસના પ્રતિનિધિઓની યજમાની કરવા માટે કડક છે.
BREAKING: ભારતમાં ફરીથી બે ટ્રેનો ધડાકાભેર સામસામે અથડાઈ, લાશોનો ઢગલો, મોતનો આકંડો વધે એવી શક્યતા
ઈઝરાયેલ-હમાસ યુદ્ધ અને કતારની ઘટનાથી રોકાણકારોમાં ફફડાટ, ભારતને 20,300 કરોડનું નુકસાન
ગોળીબારનો અવાજ પણ સંભળાયો હતો.
ઈઝરાયેલના વિમાન સાથે રશિયાના એરપોર્ટ પર જે જોવા મળ્યું હતું તે તાલિબાને અફઘાનિસ્તાન પર કબજો જમાવ્યો ત્યારથી ભાગ્યે જ જોવા મળ્યું છે. જ્યારે આ ઘટના દગેસ્તાન એરપોર્ટ પર બની ત્યારે એરપોર્ટ પર હેલિકોપ્ટર પણ હાજર હતું. અહેવાલો અનુસાર, ભીડની વચ્ચે ગોળીબારનો અવાજ પણ સંભળાયો હતો.