World News : વર્લ્ડ કપ 2023માં પાકિસ્તાનની ટીમ (Pakistan cricket team) સેમીફાઈનલની રેસમાંથી લગભગ બહાર થઈ ગઈ છે. ટીમને તેની છેલ્લી ચાર મેચમાં સતત હારનો સામનો કરવો પડ્યો છે અને છ મેચ બાદ બે જીત સાથે ટીમના ખાતામાં માત્ર ચાર પોઇન્ટ છે. કટ્ટર હરીફ ભારત અને ત્યાર બાદ ઓસ્ટ્રેલિયા અને અફઘાનિસ્તાન સામેની મેચમાં પરાજય બાદ પાકિસ્તાનની ટીમને ભૂતપૂર્વ ક્રિકેટરો અને તેમના દેશમાં જાહેર જનતાની આકરી ટીકાઓનો સામનો કરવો પડ્યો હતો, પરંતુ દક્ષિણ આફ્રિકા (Pakistan vs South Africa) સામેની મેચ બાદ આ સ્થિતિમાં થોડો ફેરફાર થયો છે.
દક્ષિણ આફ્રિકાની ટીમ (South Africa Team) સામે ટેમ્બા બાવુમાની ટીમ સામે પાકિસ્તાનને એક વિકેટે પરાજયનો સામનો કરવો પડ્યો હતો, પરંતુ બાબર આઝમના (Babar Azam) ખેલાડીઓએ જે રીતે આ મેચમાં સંઘર્ષની હિંમત બતાવી હતી તેના શાહિદ આફ્રિદી અને રમીઝ રાજા સહિત ઘણા ભૂતપૂર્વ ક્રિકેટરોએ વખાણ કર્યા છે.
આ મેચમાં છેલ્લી ઘડીએ એલબીડબ્લ્યૂનો નિર્ણય પણ પાકિસ્તાનની ટીમની વિરુદ્ધમાં ગયો હતો. જો આ નિર્ણય પાકિસ્તાનની ટીમની તરફેણમાં ગયો હોત તો તેઓ મેચ જીતી શક્યા હોત. પાકિસ્તાનની ટીમ વર્લ્ડ કપ જેવી પ્રતિષ્ઠિત મેચમાં રમી રહી છે, ત્યારે ભૂતપૂર્વ કેપ્ટન રાશિદ લતીફે સનસનાટીભર્યા આક્ષેપો કર્યા છે કે, પાકિસ્તાનની ટીમના ખેલાડીઓને છેલ્લા પાંચ મહિનાથી પગાર મળ્યો નથી. પાકિસ્તાન તરફથી વિકેટકીપર તરીકે રમનાર લતીફે પીટીવી સ્પોર્ટ્સ પર કહ્યું, “પાકિસ્તાની મીડિયામાં ઘણી વાતો થઈ રહી છે પરંતુ કદાચ આ ખોટા સમાચાર છે. હું તમને સાચા સમાચાર આપીશ, જે છુપાવીને રાખવામાં આવ્યા છે.
“બાબર આઝમ છેલ્લા બે દિવસથી અધ્યક્ષને સંદેશ મોકલવાનો પ્રયાસ કરી રહ્યા છે, પરંતુ તેઓ કોઈ જવાબ આપી રહ્યા નથી. તેણે સલમાન નાસિર (પીસીબીના સીઈઓ)ને એક ટેક્સ્ટ મેસેજ પણ મોકલ્યો છે.તે ઉસ્માન વાલ્હા (ઈન્ટરનેશનલ ક્રિકેટ ડાયરેક્ટર)ને પણ મોકલી રહ્યો છે. તે પછી તમે એક પ્રેસ નિવેદન બહાર પાડી રહ્યા છો. ”
લતીફે વધુમાં કહ્યું કે ખેલાડીઓને કહેવામાં આવ્યું છે કે અમે તેમના દ્વારા કરાયેલા કેન્દ્રીય કરાર પર પુનર્વિચાર કરીશું.આ કેન્દ્રીય કરારો સ્વીકારવામાં આવશે નહીં. એક મહત્વપૂર્ણ પ્રશ્ન ઉઠાવતા તેણે કહ્યું, ‘ખેલાડીઓને પાંચ મહિનાથી પગાર મળ્યો નથી, આવી સ્થિતિમાં તેઓ કેવી રીતે રમશે.’ જો પાકિસ્તાનના પૂર્વ વિકેટકીપરના આ આરોપો સાચા હોય તો તે ખરેખર ગંભીર સ્થિતિ છે. વર્લ્ડ કપ 2023માં પાકિસ્તાન ટીમના પ્રદર્શનની વાત કરીએ તો અત્યાર સુધી તેના છ મેચમાં બે જીત અને ચાર હાર સાથે માત્ર ચાર પોઈન્ટ છે.
બે છોકરીએ બાઈક પર શરમ નેવે મૂકી, હેન્ડલ છોડી દઈ હગ કરી લિપ કિસ કરી, VIDEO જોઈ લોકોનું માથું ફરી ગયું
ભારતીય નેવીમાં નોકરીની મોટી તક, પગાર પણ 50,000 હજારથી વધુ, કાલે જ છેલ્લો દિવસ છે જલ્દી અરજી કરી દો
દિવાળી પહેલા કેમ ચોધાર આંસુડે રડાવી રહી છે ડુંગળી? અહીં સમજો મોંઘી થવા પાછળનું આખું ગણિત
બાબરની ટીમ અત્યારે પોઈન્ટ ટેબલમાં છઠ્ઠા સ્થાને છે. પાકિસ્તાનની ટીમે હવે 31 ઓક્ટોબરે બાંગ્લાદેશ, 4 નવેમ્બરે ન્યૂઝીલેન્ડ અને 11 નવેમ્બરે ઈંગ્લેન્ડનો સામનો કરવાનો છે. જો બાબર બ્રિગેડ આ ત્રણેય મેચ જીતી જાય તો પણ તેની છેલ્લી ચારમાં જગ્યા બનાવવાની શક્યતા ઓછી છે.