World News: ભૂત વિશે દુનિયામાં દરેક વ્યક્તિનો પોતાનો અલગ મત છે. કેટલાક કહે છે કે તેઓએ ભૂત જોયા છે, તેમની સાથે વાત કરી છે, જ્યારે કેટલાક કહે છે કે ભૂત જેવું કંઈ નથી. જો કે ભૂત સાથે જોડાયેલી આવી અનેક વાતો આખી દુનિયામાં પ્રચલિત છે, જે લોકોને વિચારવા મજબૂર કરી દે છે.
ભૂત પર ઘણી ફિલ્મો પણ બની છે, જેના પર લોકો ભલે વિશ્વાસ ન કરે, પરંતુ આ ફિલ્મો લોકોને ચોક્કસથી ડરાવે છે. હાલમાં ભૂત સાથે જોડાયેલી એક ઘટના સમાચારમાં છે. એક યુવતીએ દાવો કર્યો છે કે તેના બોયફ્રેન્ડે તેને મારવાનો પ્રયાસ કર્યો હતો, પરંતુ એક ભૂતએ તેનો જીવ બચાવી લીધો હતો.
યુવતીનું નામ ઈલિશ પો. તેણી 25 વર્ષની છે. ન્યૂયોર્ક પોસ્ટના રિપોર્ટ અનુસાર, ઈલિશ એક સ્કૂલમાં ટીચર છે. તેણે હાલમાં જ એક શો દરમિયાન તેની સાથે બનેલી ભૂતિયા ઘટનાનો ખુલાસો કર્યો છે. ટેક્સાસની રહેવાસી ઇલિશે દાવો કર્યો છે કે વર્ષ 2020માં તેના પૂર્વ બોયફ્રેન્ડ દ્વારા તેના પર નિર્દયતાથી હુમલો કરવામાં આવ્યો હતો. તેણે તેણીને 16 વખત છરીના ઘા માર્યા હતા અને તેણી મરી ગઈ હોવાનું વિચારીને ત્યાંથી ચાલ્યો ગયો હતો. આ ઘટનાના થોડા સમય પછી, એલિશે કુલ ત્રણ લોકોના ભૂત જોયા હતા, જેઓ તેને ખૂબ જ ‘ક્રિસ્ટલ ક્લિયર’ દેખાતા હતા.
ત્રણ લોકોનું ભૂત જોયું
ભૂતપૂર્વ બોયફ્રેન્ડના હુમલામાં ઘાયલ થયેલી ઇલિશને તે સમયે મદદ કરવાવાળું કોઈ નહોતું. તેણી લોહીથી લથપથ હતી અને પીડાથી રડી રહી હતી. દરમિયાન, તેણે બાથરૂમમાંથી દરવાજા પર તેની દાદી જેનીનું ભૂત જોયું. ઇલિશની દાદીનું વર્ષ 2014માં જ અવસાન થયું હતું. તેણે દાવો કર્યો કે દાદી તેને જોઈને જ ઉભા હતા અને હસતા હતા. આ પછી, તેણે તેના એક મિત્રનું ભૂત જોયું, જેણે વર્ષ 2020 માં જ આત્મહત્યા કરી લીધી હતી. ઇલિશે કહ્યું કે તે પણ તેની દાદીના ભૂતની જેમ જ તેના પર હસતી હતી.
ભૂતે જ જીવન બચાવવામાં મદદ કરી
અહેવાલો અનુસાર, એલિશે જણાવ્યું કે તેણે એલિસા બર્કેટ નામની મહિલાનું ત્રીજું ભૂત જોયું. તેણી પણ ટેક્સાસની હતી અને તેણીને તેના ભૂતપૂર્વ બોયફ્રેન્ડ દ્વારા પણ ચાકુ મારવામાં આવી હતી. આ સિવાય તેણે એલિસાને પણ ગોળી મારી હતી, જેના કારણે તેનું મોત થયું હતું.
મહાત્મા ગાંધીજીએ આઝાદીનો જશ્ન કેમ નોહતો મનાવ્યો? દિલ્હીથી તો કેટલાય દુર રહ્યાં, જાણો એકદમ અજાણી વાતો
આઝાદી યાદ કરો: આખું ભારત આઝાદ થઈ ગયું પણ જૂનાગઢ 15 ઓગસ્ટે આઝાદ નોહ્તું થયું, રહસ્યો જાણવા જેવા છે
ઈલિશના કહેવા પ્રમાણે, એલિસાના ભૂતે જ તેને મદદ કરી અને તેને ફોન લઈ લીધો, જે પછી ઈલિશે પોલીસને ફોન કરીને મદદ માંગી, જેનાથી તેનો જીવ બચી ગયો. ઇલિશે આગળ કહ્યું કે તેણીએ તેના સાજા થવા દરમિયાન અત્યાર સુધીમાં ‘કદાચ 50 થી 100 વખત’ અસ્પષ્ટ આકૃતિઓ જોઈ છે. તેણી કહે છે કે ચોક્કસ સમય સિવાય ભૂત ક્યારેય તેનો સંપર્ક કરતા નથી.