Cricket News: IPL 2024ની પહેલી જ મેચમાં વિરાટ કોહલીએ એક મોટો રેકોર્ડ પોતાના નામે નોંધાવ્યો હતો. લગભગ બે મહિના પછી બેટ ઉપાડનાર કોહલીએ ચેન્નાઈ સુપર કિંગ્સ VS રોયલ ચેલેન્જર્સ બેંગ્લોર સામે IPL સિઝનની પહેલી જ મેચમાં આ સિદ્ધિ મેળવી હતી. છઠ્ઠો રન પૂરો કરતાની સાથે જ તેણે T20 ક્રિકેટમાં 12000 રન પૂરા કર્યા.
આ સાથે વિરાટે વેસ્ટ ઈન્ડિઝના સ્વૈશબકલર ક્રિસ ગેલ, કિરોન પોલાર્ડ, ઓસ્ટ્રેલિયાના વિસ્ફોટક ઓપનર ડેવિડ વોર્નર અને શોએબ મલિકની વિશિષ્ટ ક્લબમાં પણ જગ્યા બનાવી લીધી છે. કોહલીએ આરસીબીની ઇનિંગ્સની 7મી ઓવરમાં રવિન્દ્ર જાડેજાના પાંચમા બોલ પર સિંગલ રન બનાવીને આ સિદ્ધિ મેળવી હતી.
વિરાટ કોહલી T20 ક્રિકેટમાં 12 હજાર રનના આંકડાને સ્પર્શનાર વિશ્વનો છઠ્ઠો અને ભારતનો પ્રથમ બેટ્સમેન બની ગયો છે. IPL 2024ની પ્રથમ મેચ પહેલા વિરાટ કોહલીના નામે 376 મેચમાં 11994 રન હતા. T20 ક્રિકેટમાં સૌથી વધુ રન બનાવવાના મામલે વેસ્ટ ઈન્ડિઝનો આક્રમક ઓપનર ક્રિસ ગેલ નંબર વન પર છે.
ગેલે 463 T20 મેચમાં 14562 રન બનાવ્યા છે, જ્યારે પાકિસ્તાનના પૂર્વ કેપ્ટન શોએબ મલિક 542 મેચમાં 13360 રન સાથે બીજા સ્થાને છે. વેસ્ટ ઈન્ડિઝનો પૂર્વ ઓલરાઉન્ડર કિરોન પોલાર્ડ 660 મેચમાં 12900 રન સાથે ત્રીજા સ્થાને છે જ્યારે એલેક્સ હેલ્સ 446 મેચમાં 12319 રન સાથે ચોથા સ્થાને છે.
RTIમાં તમે વિચાર્યું નહીં હોય એવો ખુલાસો, લોકોની ટિકિટ કેન્સલ થઈ એમાંથી રેલવેએ કરી અધધ કરોડની કમાણી
RBI એ શા માટે મોટો નિર્ણય લઈને રવિવારે પણ આખા દેશની બેંકો ખુલ્લી રાખવાનો આદેશ આપ્યો? જાણો મોટું કારણ
ડેવિડ વોર્નરના નામે 370 મેચમાં 12065 રન છે. ભારતીય બેટ્સમેનોની વાત કરીએ તો વિરાટ પછી રોહિત શર્માનો નંબર આવે છે, જે 426 T20 મેચમાં 11156 રન બનાવીને કોહલી પછી બીજા ભારતીય છે. ગેલે ટી20માં 22 સદી ફટકારી છે જ્યારે વોર્નર અને વિરાટના નામે આઠ સદી છે. રોહિતના નામે T20માં 7 સદી છે. વિરાટ કોહલી IPLમાં 2 ટીમો સામે 1000 રન બનાવનાર પ્રથમ ભારતીય બની ગયો છે.