Cricket News: ભારત અને દક્ષિણ આફ્રિકા વચ્ચેની બીજી ટેસ્ટ મેચમાં ટીમ ઈન્ડિયાએ શાનદાર જીત નોંધાવી છે. આ સાથે ટીમ ઈન્ડિયાએ 30 વર્ષ બાદ કેપટાઉનના મેદાન પર ઈતિહાસ રચ્યો છે. હકીકતમાં, 30 વર્ષમાં ભારતીય ટીમે કેપટાઉનના મેદાન પર ટેસ્ટમાં પોતાની પ્રથમ જીત નોંધાવી છે.
આ જીત સાથે ભારતે શ્રેણી 1-1થી બરાબર કરી લીધી હતી. મોહમ્મદ સિરાજ અને જસપ્રિત બુમરાહે આ મેચમાં શાનદાર બોલિંગ કરી હતી. ભારતને જીતવા માટે 79 રનનો ટાર્ગેટ હતો, જેને ટીમે પોતાની આક્રમક રમતના આધારે સરળતાથી હાંસલ કરી લીધો હતો.
ભારતે યજમાન દક્ષિણ આફ્રિકાને માત્ર 2 દિવસમાં હરાવ્યું અને બે મેચની શ્રેણીમાં 1-1થી ડ્રો હાંસલ કરી. ટોસ જીત્યા બાદ ડીન એલ્ગરે પ્રથમ બેટિંગ કરવાનો નિર્ણય કર્યો હતો. મોહમ્મદ સિરાજે માત્ર 15 રનમાં 6 વિકેટ ઝડપી હતી અને આખી ટીમ 55 રનના સ્કોર સુધી સિમિત રહી હતી. પ્રથમ દાવમાં ટીમ ઈન્ડિયાના બેટ્સમેનોનું પ્રદર્શન પણ સારું રહ્યું ન હતું. આખી ટીમ મળીને માત્ર 153 રન જ બનાવી શકી હતી. રોહિત શર્મા, શુભમન ગિલ અને વિરાટ કોહલી સિવાય કોઈ બેટ્સમેન ખાતું ખોલાવી શક્યો નહોતો.
બીજી ઈનિંગમાં જસપ્રીત બુમરાહે દક્ષિણ આફ્રિકા પર તબાહી મચાવી દીધી હતી અને 6 વિકેટ લઈને ટીમની મોટા સ્કોર માટેની આશા ખતમ કરી નાખી હતી. એક છેડે અનુભવી ઓપનર એડન માર્કરામે મક્કમ રહીને શાનદાર સદી ફટકારી હતી. આ ઈનિંગ બાદ પણ દક્ષિણ આફ્રિકા ભારતને માત્ર 79 રનનો લક્ષ્યાંક આપી શક્યું હતું.
તેના સિવાય અન્ય કોઈ ખેલાડી દક્ષિણ આફ્રિકા માટે મોટી ઈનિંગ રમી શક્યો નહોતો. જસપ્રીત બુમરાહનો જાદુ બીજી ઈનિંગમાં જોવા મળ્યો હતો. બુમરાહે બીજી ઇનિંગમાં કુલ 6 વિકેટ ઝડપી હતી. તેણે ટ્રિસ્ટન સ્ટબ્સ, ડેવિડ બેડિંગહામ, કાયલ વેરેન, માર્કો જેન્સન અને કેશવ મહારાજની વિકેટ લીધી હતી. બુમરાહ ઉપરાંત મુકેશ કુમારે ટોની ડી જ્યોર્જી અને ડીન એલ્ગરને આઉટ કર્યા હતા.
માર્કરામે સદી ફટકારી હતી
કેપટાઉન ટેસ્ટની બીજી ઈનિંગમાં દક્ષિણ આફ્રિકાના બેટ્સમેન એડન માર્કરામે શાનદાર સદી ફટકારી હતી. માર્કરામે તેની 7મી ટેસ્ટ સદી 99 બોલમાં પૂરી કરી હતી. એઇડન માર્કરામ ટેસ્ટમાં સૌથી ઝડપી સદી ફટકારનાર દક્ષિણ આફ્રિકાનો છઠ્ઠો બેટ્સમેન બની ગયો છે. આ પહેલા એબી ડી વિલિયર્સે 2020માં સેન્ચુરિયનમાં ભારત સામે 75 બોલમાં સદી ફટકારી હતી.
30 વર્ષમાં પ્રથમ ટેસ્ટ જીતી
Jio, Airtel કે VI? જાણો લોકો કોને સૌથી વધુ પસંદ કરે છે અને સૌથી સસ્તું કોણ?
અયોધ્યા રામ મંદિરમાં પ્રવેશ માટે ખાસ નિયમો, આ 10 વસ્તુઓ અંદર લઈ જઈ ઉપર પ્રતિબંધ, જાણો સમગ્ર વિગત
ભારતીય ટીમે કેપટાઉનમાં 30 વર્ષમાં પ્રથમ ટેસ્ટ જીતી છે. આ પહેલા કેપટાઉનમાં કુલ 6 મેચ યોજાઈ હતી. જેમાં ભારતે 4 હારી હતી અને 2 ડ્રો રહી હતી. ભારતે તેની પ્રથમ ટેસ્ટ 1993માં કેપટાઉનમાં રમી હતી. ચાર મેચોની ટેસ્ટ શ્રેણીની ચોથી ટેસ્ટ ડ્રો રહી હતી. આ પછી 2011માં પણ કેપટાઉનમાં ત્રીજી ટેસ્ટ ડ્રો યોજાઈ હતી. આ મેદાન પર ભારતીય ટીમે પ્રથમ વખત દક્ષિણ આફ્રિકાને ટેસ્ટમાં હરાવ્યું હતું.