દર વર્ષે 15મી ઓગસ્ટે સ્વતંત્રતા દિવસ ભારતમાં ખૂબ જ ધામધૂમથી ઉજવવામાં આવે છે. ભારતના પૂર્વ કેપ્ટન વિરાટ કોહલીએ પણ આ ખાસ અવસર પર ભારતીય પ્રશંસકોને શુભેચ્છા પાઠવી હતી. હાલમાં જ તેણે સોશિયલ મીડિયા પર એક વીડિયો પણ શેર કર્યો છે જે જોતા જ વાયરલ થયો છે. તેણે આ વીડિયો સાથે એક ખાસ કેપ્શન પણ શેર કર્યું છે.
સ્વતંત્રતા દિવસે પણ વિરાટે આરામ કર્યો ન હતો
વિરાટ કોહલીની ગણતરી ફિટનેસ-ફ્રિક ખેલાડીઓમાં થાય છે. તે હંમેશા પોતાની ફિટનેસનું સંપૂર્ણ ધ્યાન રાખે છે. ફિટનેસ પ્રત્યે પોતાનું સમર્પણ દર્શાવતા, વિરાટ કોહલીએ મંગળવારે સ્વતંત્રતા દિવસ પર એક વીડિયો શેર કર્યો, જેમાં તે ટ્રેડમિલ પર વર્કઆઉટ કરતો જોવા મળે છે. વિરાટ કોહલી, જેને વર્કલોડ મેનેજમેન્ટને ધ્યાનમાં રાખીને બ્રેક આપવામાં આવ્યો છે.
તેણે ઈન્સ્ટાગ્રામ પર ટ્રેડમિલ પર દોડતો પોતાનો એક વીડિયો શેર કર્યો છે, જેમાં તેણે એક ખાસ કેપ્શન પણ આપ્યું છે. વીડિયોની સાથે કેપ્શનમાં લખ્યું છે, ‘રજા છે પણ ભાગવું તો પડશે.’ આ વીડિયો જોતાની સાથે જ સોશિયલ મીડિયા પર વાયરલ થઈ ગયો. આ પોસ્ટ પર લગભગ 3 મિલિયન લાઈક્સ અને હજારોથી વધુ કમેન્ટ આવી છે.
એશિયા કપ 2023માં રમતા જોવા મળશે
34 વર્ષીય વિરાટ કોહલી વેસ્ટ ઈન્ડિઝ સામે તાજેતરમાં સમાપ્ત થયેલી ભારતની પાંચ મેચની T20I શ્રેણીનો ભાગ નહોતો અને તે આયર્લેન્ડ સામેની આગામી ત્રણ T20I પણ ચૂકી જશે.
વરસાદને લઈ હવામાન વિભાગની ફિક્કી આગાહી, પરંતુ અંબાલાલ પટેલે કહ્યું – વરસાદ આવશે, બધા ધીરજ રાખો….
વિરાટ હવે 2 સપ્ટેમ્બરે કેન્ડીમાં એશિયા કપ 2023ની ભારતની શરૂઆતની મેચમાં પાકિસ્તાન સામે એક્શનમાં પરત ફરશે. આ વર્ષે એશિયા કપનું આયોજન હાઇબ્રિડ મોડલ પર કરવામાં આવશે, જેની મેચો પાકિસ્તાન અને શ્રીલંકા બંને દ્વારા યોજવામાં આવશે.