એક સમયે પ્રખ્યાત પોર્ન સ્ટાર રહી ચૂકેલી જેન્ના જેમસન એક દુર્લભ બીમારીથી પીડિત છે. આ કારણે તે બરાબર ચાલી શકતી નથી. જેન્ના ગુઇલેન-બેરે સિન્ડ્રોમથી પીડાય છે. આ રોગમાં વ્યક્તિના શરીરના જ્ઞાનતંતુઓ નબળા પડી જાય છે.
એક અહેવાલ અનુસાર જેન્ના જેમસન થોડા દિવસોથી બરાબર ચાલી શકતી ન હતી. જે બાદ તેને હોસ્પિટલ જવું પડ્યું. હોસ્પિટલમાં તપાસ દરમિયાન તેને ખબર પડી કે તે ગુઈલેન-બેરે સિન્ડ્રોમ નામની ન્યુરોલોજીકલ ડિસઓર્ડરથી પીડિત છે. 47 વર્ષની જેના એડલ્ટ ઈન્ડસ્ટ્રીની દુનિયામાં જાણીતું નામ છે.
આ ન્યુરોલોજીકલ ડિસઓર્ડરને કારણે તે પથારીવશ છે. તે પલંગ પરથી ખસી પણ શક્તિ નથી. તેના પાર્ટનર લિઓર બિટ્ટને તેની વર્તમાન પરિસ્થિતિનો એક વીડિયો ઈન્સ્ટાગ્રામ પર શેર કર્યો છે. બિનને 4 વર્ષની પુત્રી પણ છે.
તેણે કહ્યું કે જેન્નાની માંસપેશીઓ એટલી નબળી થઈ ગઈ છે, જેના કારણે તે જાતે બાથરૂમ જઈ શકતી નથી. લિઓરે કહ્યું, ‘જો તે જાતે જાય છે, તો તે પડી જશે. હવે મારે તેના પગ પણ પકડવા પડશે, તે પોતાની રીતે ચાલી શકતી નથી.
બ્રિટનની નેશનલ હેલ્થ સર્વિસ (NHS) અનુસાર, તે એક પ્રકારનો ન્યુરોલોજીકલ ડિસઓર્ડર છે. ગુઇલેન-બેરે સિન્ડ્રોમના લક્ષણો સૌપ્રથમ પગ અને હાથોમાં જોવા મળે છે. નિષ્ક્રિયતા આવવી, કાંટા પડવા, સ્નાયુઓની નબળાઈ, દુખાવો, સંતુલન અને સંકલન સાથે સમસ્યાઓ આ ન્યુરોલોજિકલ ડિસઓર્ડરના મુખ્ય લક્ષણો છે.
આ સિન્ડ્રોમ રોગપ્રતિકારક તંત્રની સમસ્યાને કારણે હોવાનું માનવામાં આવે છે. જેના કારણે શરીર રોગ અને ચેપ સામે લડવામાં સક્ષમ નથી.સામાન્ય રીતે જ્યારે પણ કોઈ કીટાણુ શરીરમાં પ્રવેશે છે ત્યારે રોગપ્રતિકારક શક્તિ તેના પર હુમલો કરે છે. પરંતુ ગુઇલેન-બેરે સિન્ડ્રોમના કિસ્સામાં આવું થતું નથી. ઉલટું, આ સિન્ડ્રોમમાં શરીરના જ્ઞાનતંતુઓ નબળા પડી જાય છે.