પાકિસ્તાની નાટકો ભારતમાં ખૂબ જ લોકપ્રિય છે. હાનિયા આમિર, ફવાદ ખાન અને માહિરા ખાન જેવા પાકિસ્તાની કલાકારોને ભારતમાં ખૂબ પસંદ કરવામાં આવે છે. તાજેતરમાં જ પાકિસ્તાની એક્ટર અને ડિરેક્ટર યાસિર હુસૈને પાકિસ્તાની ડ્રામા શો વિશે વાત કરતાં ભારતીય સિરિયલોને ‘ઝેર’ ગણાવી હતી.
પાકિસ્તાની એક્ટર-રાઈટર અને ડાયરેક્ટર યાસિર હુસૈન આ દિવસોમાં તેમની લેટેસ્ટ ફિલ્મ ‘ટેક્સલી ગેટ’ માટે ચર્ચામાં છે. આ દિવસોમાં અભિનેતા પોતાના દેશમાં આ ફિલ્મનું જોરશોરથી પ્રચાર કરી રહ્યો છે. આ દરમિયાન તેણે સમથિંગ હોટને આપેલા ઈન્ટરવ્યુમાં ટીવી સિરિયલો વિશે પણ વાત કરી હતી. પોતાના દેશની સિરિયલો વિશે વાત કરતી વખતે યાસિર હુસૈને ભારતીય સિરિયલોની ટીકા કરી અને એટલું જ નહીં, તેણે ભારતીય સામગ્રીને ‘ઝેર’ ગણાવી. ઈન્ટરવ્યુ દરમિયાન યાસિર ખાનને ભારતમાં પાકિસ્તાની સિરિયલોની લોકપ્રિયતા વિશે પૂછવામાં આવ્યું, જેના જવાબમાં તેણે ભારતીય નાટકોને ખૂબ જ ‘સસ્તા’ અને ‘ઝેરી’ ગણાવ્યા.
ભારતમાં પાકિસ્તાની સિરિયલોની અપાર લોકપ્રિયતા વિશે વાત કરતાં અભિનેતા કહે છે, ‘શું ભારતે તેના શો જોયા છે? તેમના શો ખૂબ જ ખરાબ અને ઝેરી હોય છે. હવે જે દેશનો પોતાનો શો આટલો ખરાબ છે તે ચોક્કસ અમારા શો જોશે. પાકિસ્તાની નાટકો ભારતીય નાટકો કરતા ઘણા સારા છે અને તેથી જ પાકિસ્તાની નાટકોના શો ભારતમાં ખૂબ પસંદ કરવામાં આવે છે.
દીકરાને એક્ટર બનાવવા નથી માગતી
શું તમે પણ સોનું-ચાંદી ખરીદવાની તૈયારી કરી રહ્યા છો? મહાશિવરાત્રી પહેલા મહા ફેરફાર, જાણો આજનો ભાવ
ગઢવી-આહીર વિવાદ સોનલધામ મઢડા પહોંચ્યો, ગિરીશ આપા અને વિક્રમ માડમે ચારણ-આહીર વિશે કહ્યું આવું-આવું
એટલું જ નહીં યાસિર ખાને પોતાની વાતચીતમાં પાકિસ્તાની ફિલ્મ અને ટીવી ઈન્ડસ્ટ્રીની પણ આકરી નિંદા કરી છે. અભિનેતાએ જણાવ્યું કે તેની ઈન્ડસ્ટ્રી પણ ખૂબ જ ખરાબ છે અને તેના કારણે તે નથી ઈચ્છતો કે તેનો પુત્ર એક્ટર બને. તે કહે છે, ‘આપણી પાકિસ્તાની ઈન્ડસ્ટ્રી સારી ઈન્ડસ્ટ્રી નથી. શું આ કોઈ કામ છે? અભિનેતાનું કામ સારી રીતે અભિનય કરવાનું છે. આ ક્ષેત્ર એવું છે કે અભિનેતાને તેની કળાની પ્રેક્ટિસ કરવી પડે છે, પરંતુ અહીં અભિનેતાને ખરાબ રોલ ઓફર કરવામાં આવે છે.